夾檔搵食 甄子丹 埋班做大佬

甄子丹聖誕節跟甄家班在屋企開 P，雷宇揚（紫衫）也有份參加。

探熱針

夾檔搵食　甄子丹　埋班做大佬

動作片一向是香港電影賣埠其中一項重要元素，《葉問》大賣後，跟隨甄子丹搵食的動作班底，片約部接部；特技動作，隨時搵命搏，加上目睹日籍兄弟 Kenji在內地睇景跌落懸崖，差啲冇命，促使甄子丹成立公司，打造「甄家班」，幫一班合作超過十年的自己友，在影圈劃地盤，在將上映的新戲《特殊身份》，繼續打餐飽！

死過翻生

今年初，甄子丹自組「 Super Hero超級英雄」電影公司，打正旗號埋自己友班。新片《特殊身份》的動作場面，由「甄家班」操刀，兼任動作導演、監製、男主角的他，為求動作設計推陳出新，將要求大幅加高。「大家都拍得好辛苦，幾乎每場戲都有人受傷。以前度招，我想得最多嘅係點樣令觀眾睇到嘩嘩聲，而家反而希望可以喺動作當中帶到訊息，將特技動作層面提升。」

帶住一班兄弟搵食，甄子丹最印象深刻是為電影《武俠》睇景，搞到跌落懸崖的日籍兄弟 Kenji死過翻生的經歷。

「嗰日我哋一齊去睇景，行到懸崖附近，佢唔小心碌咗落山，初時冇人發覺出咗意外，大家都以為佢走開咗，直至後來佢突然成身血出現番，大家先知佢原來跌咗落山，嗰度有急流同瀑布， Kenji如果唔係有功夫底，掹住一嚿大石，應該冇咗條命。」甄子丹說。

（左至右）甄家班部分成員包括郝振傑、穆寧、李歧傑、喻亢、嚴華、莊元章、李傑、張超。

內地演員景甜第一次跟甄子丹合作就要埋身肉搏，玩真打，她估唔到甄子丹對女仔要求咁高。

高於市價

出生入死，多年來拍戲周身傷的甄子丹尤其注意安全，不過拍動作片始終有風險，意外難免發生，身邊兄弟搵命搏，做大佬的甄子丹每次會為「甄家班」爭取高過巿價的酬勞外，拍攝現場亦例必要有一個放滿凍飲的雪櫃，不幸遇到有兄弟受傷，他更會識做私下封利是。

「老實講，拍打戲都係搵命搏，大家好明白呢行唔容易，所以更加珍惜呢十幾年合作同感情，有啲人由九七年開始已經同我做嘢，好似喻亢就由《千機變》一直跟住我，由幕後做起，近年我俾多啲機會佢做幕前，今年就拍咗《冰封俠》同《一個人的武林》。」

被成龍無理炒魷的盧惠光，雖然冇得拍成龍電影，但也有其他導演肯俾機會。

要度新招，甄子丹坦承拍每場打戲都有人受傷。

甄子丹在新戲扮臥底古惑仔，他說有睇周潤發多年前的《龍虎風雲》學嘢。

乜人都有

甄子丹的兄弟班總人數約二十多人，成員中有香港人，也有內地人、日本人甚至外籍人士，其中死過翻生、日本籍的穀垣健治（ Kenji Tanigaki）隨他來港多年，已經說得一口流利廣東話。

「有啲兄弟唔係本地人，屋企人唔喺身邊，過時過節，我都會約埋一齊食飯開 party。」做大佬，公私都照顧周到。

Kenji（左）跟喻亢（右）之前在陳可辛執導的《武俠》均有演出機會， Kenji更為此片而跌到周身傷。

為帶挈一班兄弟搵多啲，甄子丹早前接拍海洋公園活動，他也預兄弟一份。

來自內地的嚴華（戴面具）在《龍虎門》中也有做演員機會。

Kenji（熒光波鞋）在新戲中有份參與度招，事實他在日本已經獨當一面，擔任過多部日本片武指。

兄弟班

武行講班底，香港影壇出現過袁家班、成家班、洪家班、劉家班等兄弟班，多年來，對港產片特技動作，貢獻不少。

洪家班獨當一面

洪金寶（三毛）率領的洪家班，旗下有元華、林正英、元彪、錢小豪、錢嘉樂和黃錦燊等，只要有潛質，三毛不論幕前幕後，都會大膽嘗試，讓兄弟擔正，例如已故的林正英，便是殭屍片的經典，還有元華、錢嘉樂，也在娛樂圈獨當一面。

成家班反面收場

成龍為首的成家班，成員有盧惠光、太保、火星、馮克安、林國斌、段偉倫等，前後經歷三代。八十年代成龍演藝事業起飛，身邊的成家班一直為他做替身出生入死，但好來不一定好去， 09年，成龍賠了十萬蚊，便炒了跟他三十年的盧惠光、 03年又無故踢走段偉倫。

. 夾檔搵食　甄子丹　埋班做大佬
http://hittt.blogspot.com/2013/10/blog-post_1177.html. 夾檔搵食　甄子丹　埋班做大佬
http://hittt.blogspot.com/2013/10/blog-post_1177.html