Sammi安仔繑手 睇得唔影得

Sammi繑實安仔行街甜到漏，但見到《壹》仔影相，兩個當場呆咗！

同你吟一吟

Sammi安仔繑手　睇得唔影得

原本獨居渣甸山松園嘅 Sammi鄭秀文，因為俾大業主收樓逼遷，又未諗掂搬去邊，最終聽許志安話，搬去幹德道殷豪閣同男友同居。

其他影片

眨吓眼已經住埋三個幾月，安仔承認呢段時間肥咗唔少，因為女友耐不耐就親自下廚，而當日安仔對 Sammi講一齊住之後「擘大眼想出街，都有人車出車入」嘅承諾，果然兌現。

早排《壹》仔响中環 Joyce撞到 Sammi安仔拍拖 shopping，入去唔夠一陣， Sammi已經有收穫，笑曬繑實安仔手臂走人。

七點幾嘅中環依然人來人往， Sammi安仔繑手唔介意俾途人眼望望，但見到《壹》仔舉機影相，佢隻手即刻縮開，安仔亦幫口：「夠啦，夜嘞，收工去食飯啦！」

拍拖繑手好正常，咁 sweet嘅畫面，值得分享，咪咁「孤寒」啦！

Sammi呢個笑容，證明女人有男朋友陪 shopping，真係會好開心。

縮開手之後，兩個一前一後行，安仔更出口叫《壹》仔早啲收工。

行到上車， Sammi有番笑容，之後仲同安仔嚟個四目交投！

天後廚房經常有好嘢食，淮山圓肉豬𦟌冬菇湯，仲有紅酒燴牛尾，咦！乜唔係牛脷咩？

. Sammi安仔繑手　睇得唔影得
http://hittt.blogspot.com/2013/10/sammi.html. Sammi安仔繑手　睇得唔影得
http://hittt.blogspot.com/2013/10/sammi.html