唔啱做城嫂 葉熙祺富貴還拖

探熱針

唔啱做城嫂　葉熙祺富貴還拖

跟熊黛林七年情玩完後，四十七歲郭富城被踢爆與二十六歲內地女藝人葉熙祺（ AK）撻着，七月爆出女方拖篋來港攻城，八月底又再被發現潛藏城城大坑道嘉園豪宅三十小時，以為坐定粒六做新城嫂，但城城日前公開以「過咗去」形容雙方關係。不過被叮出局的葉熙祺毫不在乎，還在網上大曬住千萬豪宅，揸百萬波子，做唔成城嫂，一樣有景。

其他影片

身家千萬

九月二十六日淩晨一點，葉熙祺漏夜抵港，為翌日出席時裝活動作準備。過去多次來港，都以新城嫂身份進駐城城豪宅，但當晚卻一反常態，入住灣仔六國酒店。

食自己的葉熙祺先在銅鑼灣一間便利店買麵包及大堆雜誌，之後再在灣仔區周圍兜，巡便利店換印花，騰來騰去，兩點才返回酒店。

據了解，升呢做新城嫂唔夠三個月的葉熙祺，一度企圖挽救雙方關係。

「自從有雜誌爆佢同城城拍拖半年，男方送戒指求婚同埋有性有愛後，城城覺得 AK愈講愈多，打過電話話佢，雖然 AK之後發聲明澄清，又話要發律師信補鑊，但城城唔想感情事會有咁多難以控制嘅劇情，已經落咗閘，不過兩個都仲有短訊聯絡。其實 AK都冇所謂，佢喺北京好多男仔追，之前啲男朋友個個都好有米，有個送咗部白色二百萬波子俾佢；再之前嗰個就送咗間喺朝陽區附近嘅過千萬豪宅， AK自己都揸住過千萬身家。」知情者說。

上週五，城城揸住二百四十萬的波子到尚興食飯，但未有邀請在港開工的 AK。

AK擁有的千萬豪宅在朝陽區，面積約二千呎，屬大單位，可放三角琴。

住大屋

跟一般女仔冇分別，鍾意著住性感底衫在睡房玩自拍。

揸靚車

AK在微信放有她在 showroom試價值過百萬的 Bugatti跑車相，在北京，她則有價值二百萬波子代步。

無聯絡

出席時裝品牌活動當日（二十七日），被甩的葉熙祺被問到是否與郭富城有聯絡時，再爆中秋節二人有短訊問候。

第二日就走的她，孖住經理人出席蘭桂坊夜店 soft opening，同一時間，城城則跟經理人及朋友在上環尚興食晚飯，二人未有聯絡。

接近淩晨，葉熙祺坐公司保母車由蘭桂坊返酒店，記者在大堂上前問她今次留港有否見過城城，她尷尬說：「冇呀！（城城喺附近食潮州菜，冇叫妳？）係咩？我唔知呀。（有冇叫妳？）冇呀，我同朋友去玩。（你哋分咗手？）朋友嚟啫。」隨即匆匆搭𨋢上房。

上週四， AK到港當晚，攞住價值五千七百元的 Prada袋去 7仔用印花換海賊王公仔。

上月，記者發現她在中環 H&M買平價衫，但手拿的是價值十三萬的 Hermes birkin。

衰心急

爆出跟城城撻着後，葉熙祺獲男方默認朋友關係，以為手揸 permit，新城嫂卻心急曬戀情，接受訪問公開二人拍拖生活，穿越城城底線，三個月貨仔，玩完。

7月

到後台探城城演唱會班。

有雜誌拍到葉熙祺拖篋入住城城豪宅過夜，更踢爆二人早在年初城城演唱會已經認識，女方曾到後台探班。

8月

攻城翌日，她出席時裝活動。

新城嫂攻城 30小時，令多間傳媒在城城豪宅樓下擺陣追訪，其間更有人報警，混亂中城城調虎離山，好友周文曦駕七人車接走葉熙祺。

9月

微博發聲明

雜誌大爆城城送戒指及「有性有愛」親密生活，事後雙方各自發聲明否認，由於太多新聞，城城未幾即以「過去咗」拒再提女方，葉熙祺出局。

. 唔啱做城嫂　葉熙祺富貴還拖
http://hittt.blogspot.com/2013/10/blog-post_2338.html. 唔啱做城嫂　葉熙祺富貴還拖
http://hittt.blogspot.com/2013/10/blog-post_2338.html