上海復工 北上撐老公 郭羨妮開工湊女同步 郭羨妮,M1,

同一劇組開工，但拍攝期間，擔任主角的郭羨妮，極少與老公近距離接觸。

探熱針

上海復工　北上撐老公　郭羨妮開工湊女同步

生女後減產的郭羨妮，最近復工接拍內地劇《金玉瑤》，唔想丟低寶貝女， Sonija索性將歲半 Kylie帶埋去橫店。

拍劇湊女同步，全因原本擔任武術總監的朱少傑半年前突然被公司解僱，做番武指的他收入大減；為幫老公翻身， Sonija答應復出，條件是指明由朱少傑做該劇導演，兩夫妻同組，囡囡隨團北上，一家齊全。

其他影片

復工有條件

上月中，郭羨妮復工到橫店為內地劇《金玉瑤》埋位，同劇演員還有陳法蓉、吳岱融，導演則是老公朱少傑。

「個女仲細，之前拍完無綫個劇， Sonija都無諗過咁快又開工，但好唔好彩，小朱（朱少傑）做武術總監嘅『莫人出品人』，半年前突然將武指組解散，小朱唯有出番嚟接 job做番武指，但都唔係開長劇，所以收入唔多！為咗幫老公， Sonija講明，只要係搵朱少傑做導演，佢都會考慮。」郭羨妮身邊人說。

新劇要拍兩個月，兩公婆同期開工，一直親力親為照顧女兒的郭羨妮，擔心 B女不習慣，於是決定帶女兒 Kylie在身邊，一同北上開工。

有老婆撐才有劇開的朱少傑，在現場跑來跑去，表現落力。

郭羨妮帶埋囡囡到片場開工，埋位時就交由助手照顧熟睡的 Kylie。

在橫店逗留半個月， Kylie由外婆帶回港照顧，日前郭母帶同外孫女到赤柱玩。

助手抱住瞓

「 Kylie好乖，好少扭計，但小朋友跟開媽咪， Sonija驚突然走開兩個月，個女唔習慣，自己亦唔捨得，所以帶埋 Kylie去開工。套劇大部分係外景，每日都要拍成十粒鐘， Kylie仲細成日都要瞓晏覺，去到外景場地， Sonija埋位就靠助手抱住瞓，都幾陰功㗎！」

在橫店拍劇期間，一家三口入住當地的住宅式公館「影視之家」， Kylie陪媽咪開工近半個月，日前才由郭母及助手帶返港，郭羨妮日日改靠視像電話同囡囡傾偈。

一○年拍《宮鎖心玉》，郭羨妮與比自己細六年的朱少傑撻著，一年後在關島結婚，無論名氣或收入，都是女尊男卑，但郭羨妮從無怨言，今次再瞓身撐老公翻身，愛情至上！

老公長期在內地，留港湊女的郭羨妮早前帶埋囡囡行商場，郭母亦有同行。

日接夜趕工，郭羨妮想盡快拍完返港。

愛情至上的郭羨妮，不時在微博曬幸福。

去年九月，郭羨妮產後數月復出，與陳錦鴻拍無綫劇《初五啟市錄》。

在所不計

39歲郭羨妮，與名氣一般的內地武指朱少傑拍拖年多， 11年 10月在關島結婚後，多次傳出外母因不滿女婿搵得少，要女兒獨力持家而有微言，但郭羨妮對老公一條心，更多次公開護夫。

住廉價酒店

11年 7月，郭羨妮向無綫請假，校啱時間在朱少傑生日前夕飛北京，為男友慶生，二人入住位於王府井，每晚收費僅 150元人仔的飄 Home酒店，酒店設備簡陋，浴室又細又有異味，但她照樣頂得住。

貼錢生女

寶貝女 Kylie去年 5月在法國醫院出世，入住 VIP頭等房剖腹產女，四天埋單十六萬，有指生女費用由郭羨妮支付，令郭母甚為不滿。

. 上海復工　北上撐老公　郭羨妮開工湊女同步 郭羨妮,M1,
http://hittt.blogspot.com/2013/11/m1_5713.html. 上海復工　北上撐老公　郭羨妮開工湊女同步 郭羨妮,M1,
http://hittt.blogspot.com/2013/11/m1_5713.html