八卦嘢(八卦野) [八卦o野][日日818] : 肥苟買新鞋迎城城

2013年5月9日星期四

肥苟買新鞋迎城城

掃紙巾抹眼淚

熊黛林超市入貨，齋買紙巾、衞生紙，看來以淚洗面的日子尚要維持一段長時間。

探熱針

肥苟買新鞋迎城城

郭富城熊黛林宣布分手已經超過三星期，但依然是大眾焦點，今次事件最大得着，並非成功飛甩 Lynn的城城，而是被指「第三者」的肥苟苟芸慧。

成為「新城嫂」，肥苟工作量急增，幾乎日日有賺錢 job，加上識得利用城城做新聞話題，騷價由原本四萬，颷升 50%去到六萬起跳，直逼「舊城嫂」八萬出騷起跳價；更有客戶願意出雙倍酬勞，邀請新舊「城嫂」同場現身製造熱話。但情傷未癒要買紙巾抹眼淚的熊黛林卻嫌錢腥，拒絕與情敵同場。

上週五肥苟出外血拼，配合城城的「著鞋論」，主攻買鞋。

對新鞋唔哽腳！

（設計對白）

週日郭富城去珠海參加業餘賽，炒車撞牆，無奈表示心情好失落。

借題發揮

郭富城上星期發表「著鞋論」，進一步揭示同熊黛林分手原因。「我哋每日都要行路，就好似身邊嘅伴侶，應該搵對合適嘅先著上去，起碼唔會哽住自己，夾硬著落去只會流血，搵過另一對可能仲好，感情世界都一樣！」

成為天王「新鞋」的肥苟，亦借題發揮高調回應：「唔知佢想要啲乜嘢鞋，我唔做鞋住，做番苟芸慧同工作。」

把口企硬，但上星期五（五月三日）傍晚，肥苟明知有記者跟實，卻同好姊妹李亞男到銅鑼灣高調買新鞋，更任影唔嬲，以行動呼應城城「換鞋」的決定。

獲封為「新城嫂」，更懂得打蛇隨棍上，製造話題爭取見報率，亦因此成為客戶新寵，兩星期內出席了七個商業活動，騷價由四萬升到六萬；更公開挑機，想同「手下敗將」熊黛林一齊同台亮相，順便認識對方。

肥苟開到口，果然有客戶願意出雙倍價錢，邀請兩代「城嫂」世紀同場，但熊黛林卻不為所動，免墮入肥苟過橋宣傳圈套。

「富黛戀」玩完，被視為「第三者」的肥苟漁人得利，與李亞男銅鑼灣血拼，笑曬任影。

揀鞋時，肥苟不時嘟起嘴仔，樣子風騷。

購物治情傷

嫌錢腥的熊黛林，反過來要使錢靠 shopping治療心靈創傷。上星期四（二日），她在中環 ifc的 Dior睇完化妝品，再殺入廉價 Zara買衫，女人開心唔開心都要買鞋，但想起城城「著鞋論」，熊黛林血拼期間，一對鞋都無望過，以免觸景傷情。

分手後，據知以淚洗面的熊黛林，近期均以黑超遮掩一雙「熊貓眼」，日前更被發現去了城城居所附近的超市買了二十卷衞生紙，再加十盒盒裝紙巾，喊到要大手入貨補倉。

其實熊黛林已經遷往西灣河區一段時間，但依然要幫襯城城寓所附近的超市，問她會否順路探城城，她一臉黯然：「唔會喇！冇可能啦！」然後載住兩隻愛犬離開。