重修舊好 翻撻同居 陳司翰復收莊思明

探熱針

重修舊好　翻撻同居　陳司翰復收莊思明

陳慧琳胞弟陳司翰，去年四月跟莊思明分手後，女方放不下情緒跌至穀底，一度抑鬱；甩拖唔夠一年，雙方由身邊朋友刻意撮合，感情死灰復燃，對前度未死心的莊思明，更即棄拍拖只有四個月的德越混血兒新歡，重投舊愛。

未來大姑奶陳慧琳公開踢爆二人已經見家長，莊思明更加毫無避忌，火速搬往男友位於渣甸山豪宅，長駐！

掌握行踪

上週一（四月二十九日）晚上八時多，有份演出處境劇《愛•回家》的莊思明收工後，揸住 LisaＣ牌白色 Fiat，由將軍澳電視城過海返中環時裝店「 Tinselton」，幫手埋數執衫忙完一輪後，再與合夥開店拍檔，樂基兒老友劉晨芝孖住離開。

兩人到 ifc商場食上海菜約一粒鐘，主動埋單的莊思明，在中環鏞記附近放低女友，跟住踩行油往中環美國銀行中心，將車泊入停車場後，轉乘的士到男友家。十分鐘左右，有行李喼隨身的陳司翰，亦坐的士返到。

據了解，當晚陳司翰剛由北京行完騷落機，掌握男友行程的莊思明校啱時間，自動蒲頭。

心急返男友家，莊思明在中環放低劉晨芝即撇。

陳慧琳唔小心踢爆莊思明已見家長，對 Lisa印象良好。

莊思敏早前出席活動，提到胞妹跟陳司翰翻撻成功，敢言的她亦封嘴冇回應。

敢做唔敢認

「身邊朋友都知 Lisa對 Victor未死心，今年初雙方喺朋友聚會撞番，之後 Victor幫 Lisa搞生日 party，個人亦變咗好多，冇再咁少爺脾氣，大家都特登製造多啲機會俾佢哋，雖然今次都算係 Victor做主動提出復合，但 Lisa根本就等緊佢，所以一定撻番着。兩個人本來想低調啲，只係俾 Kelly唔覺意踢爆咗。」二人身邊朋友說。

上週六（五月四日）下午，莊思明返電視城開工，問到同男友同居，她敢做唔敢認。

「我唔想回應感情事，總之我同佢依家關係良好，工作同私人生活都愉快，如果要結婚，無論同咩人，我都會公開嘅。」

少爺仔陳司翰近日與趙碩之合作的電影《冬戀望日》，一場他被人打到瞓街，再被垃圾筒擲，俾人狂踩，拍了十幾 take，冇燶面，壞脾氣不再。

拍完一場被糟質戲，坐低抖一抖，身為富家子的陳司翰，拍戲梗有助手跟身。

收工後到中環看鋪，由早踩到晚的 Lisa不單冇倦容，更笑唔停。

收鋪後， Lisa同劉晨芝到 IFC醫肚。

反翻撻舊草

身為拿督千金，莊思明要乜有乜，偏偏愛情卻波折重重。前年戀上陳司翰後，眼淚多過笑容，糾纏在離離合合之中，甚至搞到有情緒病。

撻着

2011-3月：二人被拍得撐枱腳，事後女方稱雙方是好朋友，但又大讚對方高大威猛有風度，一個字，冧！

甜蜜期

2011-7月：拍住拖在銅鑼灣掃街，之後雙雙返回男方寓所過夜。

火熱期

2011-9月：頻頻拍拖出巡，被傳媒影到二人出發外遊時在機鐵車廂熱吻，事後莊思明承認與男友去汶萊度假。

平淡期

2012-3月：莊氏三姊妹時裝店開幕派對，陳司翰鬼祟地與一名女伴從場地後門入場。

鬧翻期

2012-4月：在澳門夜蒲後在街頭吵大鑊更驚動警方。未幾陳司翰被踢爆在台灣約會混血模貝兒，傷心的莊思明在微博寫上「 I hate you」，更揚言不會再被影到她與陳司翰出街相片，關係決裂。

各有各

2012-7月：飽受情傷，被傳媒影到終日以淚洗面的莊思明，與德越混血模男友出雙入對，陳司翰也不愁寂寞，經常有女相伴。

翻撻

2013-2月：甩拖一年唔夠再秘密翻撻，莊思明為保護復合戀情封嘴，卻被 Kelly踢爆，細佬陳司翰帶莊思明見家長。

. 重修舊好　翻撻同居　陳司翰復收莊思明
http://hot104.blogspot.com/2013/05/blog-post_6572.html. 重修舊好　翻撻同居　陳司翰復收莊思明
http://hittt.blogspot.com/2013/05/blog-post_5494.html