八卦嘢(八卦野) [八卦o野][日日818] : 陳茵媺 500萬代言奶粉　陳豪心情靚狂隊酒

2013年10月4日星期五

陳茵媺 500萬代言奶粉　陳豪心情靚狂隊酒

街市慶功

煞科宴喺北角渣華道街市熟食檔舉行，陳豪同大家一齊起哄賀導演求婚成功！

媽咪姐

陳茵媺 500萬代言奶粉　陳豪心情靚狂隊酒

上周六（ 28日），陳茵媺（ Amiee）終於由加拿大返港安胎，陳豪頭都唔得閒梳，清晨就去接機。媽咪姐都有去八吓㗎！見佢哋兩個全程拖實，真係 sweet到隔籬街都聞到陣甜味。所以，周日（ 29日）知道 Amiee揸車出街俾人撞埋嚟，媽咪姐個心都嚇一嚇，好彩醫生 check過，證實母子平安咋。

其他影片

不過，最緊張梗係就嚟做老竇嘅陳豪，佢啱啱拍完曬新劇《點對點》，準備全面停工陪 Amiee安胎，起碼唔使大肚婆再揸車先啦！但媽咪姐收到風， Amiee今次返香港，除咗安胎待產，其實都傾緊幾個嬰兒產品廣告。據知兩大奶粉商荷蘭美素佳兒同美國惠氏 Illuma都斟佢做靚媽代言人，個價仲搶高到成 500萬！而且唔包未出世嘅陳小 B㗎。咁好價錢，加上陳太一向鬼妹仔性格，覺得佗 B都可以做嘢，所以好大機會接，只係揀緊品牌。

隊啤面紅紅

揸住杯啤酒嘅陳豪，飲到面紅紅，「好多開心事，自己結婚又生小朋友，依家到導演結婚。」

見到導演求婚，陳豪好似自己結婚一樣咁高興，伸長手用電話喪影相，好鬼 cute！

陳豪同《點對點》台前幕後慶祝煞科，邵音音話陳豪好尊敬前輩，仲話想佢生個仔，傳宗接代㖭！

導演黃浩然喺煞科宴上，突然跪地向女友求婚，同陳豪一樣咁浪漫喎。

Woo，陳豪終於等到老婆仔返嚟，仲要咁吸金，當然笑到合唔埋口啦。早幾日，媽咪姐就喺北角街市熟食檔見到佢，同成班工作人員慶功， high隊啤，又狂影相，龍友上身。啱嘅，陳茵媺不經不覺有咗 5個月，陳小 B好快出嚟同大家 say hi，呢位廿四孝老公兼老竇係時候練定攝影技術，同老婆仔女影沙龍咯！

日夜趕戲嘅陳豪，上周六（ 9月 28日）清晨 5點幾，眼紅紅咁去機場接老婆陳茵媺機。兩公婆俾半百傳媒包圍，十指緊扣， nice爆任影。

Amiee撞車後，多數留喺陳豪精心布置嘅比華利山別墅愛巢養胎，出入就由老公做司機。

陳豪喺機場見到細路女，都忍唔住望多幾眼，恨 B恨到出曬面。唔使心急！就到你喇。

依然多女

陳豪有「筍盤」之稱，就算婚後都一樣有好多女埋身！但放心，呢位 Deep V女係 TVB姐仔張雪芹，呢日佢哋喺天後拍緊《點對點》啫。

42歲嘅陳豪，有咩未見過吖！就算俾大班囡囡包圍，依然處變不驚。一停機就狂 send message，或者打俾老婆報到兼傾偈， good呀。

你睇又俾女圍喇！不過係劇組工作人員啫。大家對陳豪真係特別細心，褸都會幫佢除埋，「筍盤」果然係「筍盤」！

最快最新　 Like《忽周》 fb啦!

陳茵媺返港安胎，全港傳媒都喺香港機場守候。不過，媽咪姐就快人一步，率先睇到佢同陳爸爸喺多倫多上機情況，見證 Amiee心急見老公嘅甜蜜心情。點解咁快？咪就係因為媽咪姐晨早 like咗《忽周》 facebook，睇到《忽周》獨家拍到 Amiee返港實況，有聲有畫有笑容！姊妹們，嗱嗱聲 like《忽周》 facebook嘞，唔係下期無話題。