持續發脹 苟芸慧學泰拳洗肥朵

粗腰凸腩

當日冇化妝的苟芸慧在泰拳中心做熱身運動時，刻意着上 T恤和長褲包到冚，仍難掩其圓碌碌的腰圍和脹蔔蔔的肚腩。

滾熱辣

持續發脹　苟芸慧學泰拳洗肥朵

苟芸慧初出道憑白白淨淨清純外表再加魔鬼身材，深得宅男愛戴。但自從年初「攻城」失敗，又被後起的岑麗香平價搶 job後，壓力爆煲的她，身形一發不可收拾，花名亦由可愛苟姑娘慘變做「肥苟」。

為甩「肥苟」惡名，苟芸慧近日秘密跟一泰拳師傅學打泰拳。日前本刊直擊她上堂情況，只見她揮兩拳踢兩腳已頻頻喘氣，要減磅，仍漫漫長路！

其他影片

三月中， 30歲的苟芸慧被傳介入熊黛林和郭富城的戀情，一登「城」門聲價十倍，她挾住新城嫂之名，創下一個月內接廿個騷的輝煌戰績。可惜，自從盛傳城城搭上內地女模葉熙祺後，屬城城過去式的苟芸慧，隨即再與有未婚妻的梁烈唯傳緋聞，被指專做小三，人氣滑落。感情失意，苟芸慧體重卻一日一日增長，不單得了個「肥苟」惡名，更得失纖體公司，無綫早前亦私下向她落減肥令。

170磅嚇人

上周六（ 9月 28日），苟芸慧和一眾小生花旦飛到新加坡出席頒獎禮，穿上一件水桶晚裝的她，肥上加肥，比平日脹了一個碼，非常嚇人。

揚言台慶會 fit爆

據知為減肥肉，慌不擇路的苟芸慧，先後試過中藥和外國品牌的減肥產品，可惜雙管齊下依然未見成效。上周六（ 28日），她出席新加坡頒獎禮時，水桶身形更無所遁形。為求𢱑實廣告客戶，早前苟芸慧便揚言自己在十一月前修身成功，在台慶夜以 fit爆身形示人。知情人透露：「成日俾人話肥，其他女仔都唔鍾意啦，更何況係明星，苟姑娘都好心急㗎，始終靠個樣搵食。其實以前未肥嗰陣，佢次次出親嚟都自動波騷身材，啲客戶梗開心啦，一個月閒閒哋有十個八個 job。不過，自從俾人叫『肥苟』之後，出親嚟都着黑色衫，又包到冚，啲 job真係買少見少。」

據知，苟姑娘平日三餐有專人為她準備，餐餐分量少之餘，是八成菜兩成肉兼戒澱粉質，而且從不食零食。可是，即使忍得口，身形卻依然 keep住脹。現時距離台慶只有短短一個月，為求極速減磅，苟芸慧日前透過友人介紹，每星期都會秘密到紅磡一泰拳中心練泰拳，務求最短時間內，回復苗條。

求教泰拳冠軍

上月初（ 9日）下午五時，本刊記者發現頭戴 cap帽，包到密密實的苟芸慧乘車前往位於紅磡一商業大廈的孫悟空泰拳及健身中心。原來當日除了苟芸慧外，她還相約了好友朱慧敏和陳嘉桓齊齊練拳。她們一行三人，每星期都會跟拳館的首席教練，曾奪得多屆泰拳冠軍的 Tik學拳。知情人透露：「苟姑娘佢哋八月中開始打 Boxing，原本教練叫佢學初學者練嘅 Tai Boxing，不過苟姑娘同教練講，話想盡快 keep到 fit，問教練有冇速成班，最後佢哋就揀咗 Ringside Boxing。其實 Ringside Boxing單係熱身運動已經比 Tai Boxing辛苦好多，而且揮拳同踢腿亦比較複雜，不過苟姑娘話冇所謂。」

擘腿有難度

苟芸慧當日相約好友朱慧敏和陳嘉桓一齊學泰拳。眾人在擘腿熱身時，苟芸慧用盡全力，幅度始終未及身旁有功夫根底的陳嘉桓，但身形卻等如兩個陳嘉桓。

揮拳有力

正式揮拳時，紮行馬的苟芸慧，拳拳有力，終於跟番上教練的節奏。

飲水充飢

打完 Boxing，朱慧敏和陳嘉桓相約到附近食肆食晚飯，相反苟卻獨自返回日出康城寓所。其間她大量灌水，補充剛才打拳流失的水分。

7500呎任打

苟姑娘今次學泰拳的拳館位於紅磡一商業中心頂層，佔地 7500呎，十分寬敞，單是沐浴更衣地方已有近 400呎。普通 Thai Boxing只收$580四堂，首堂試玩只需$100；就算想同苟姑娘同班學 Ringside都只需$950就有五堂。至於教苟姑娘等人的總教練阿 Tik，更是泰國多屆拳王冠軍。平民收費，拳王教練，仲有星級同學陪你玩，宅男可以諗諗喎！

頻頻喘氣休息

當日現場所見，由於拳館不設間隔，為免被其他學員眼望望，苟芸慧和眾人預先 book定場館一處角落位。未知是否介意自己肥美肉厚，苟芸慧刻意穿上 T恤和黑長褲，衣着打扮明顯比其他學員密實。

未上堂前，教練要眾學員先做壓腿等熱身運動。只見苟做了幾下踢腿已大汗疊細汗，再做了幾下壓腿，更要走到場邊飲水唞氣。唞完大約五分鐘，教練已不斷催促她埋位揮拳，喘着氣的苟芸慧即時再埋位。為了 keep fit，似乎她幾辛苦都甘願。

最緊要靚

日前，記者在活動中訪問苟芸慧，最初她表現驚青說：「吓！影到我哋練拳呀，我哋嗰日冇化妝㗎，可唔可以出多啲靚相。」問她為何偏偏揀打拳，她說：「打拳其實幾適合女仔，一嚟全身做運動，二嚟可以減壓，仲可以學埋自衞㖭！」

苟：學拳為減壓

日前，記者就學泰拳一事訪問苟姑娘。對於學泰拳為減磅，一直堅持自己已經「瘦咗」的她，指自己學泰拳最大目的是減壓，而非純為減肥。「我到依家學咗三堂咋，我覺得學泰拳係一個幾好嘅發洩途徑。（見你練到喘曬氣喎？）其實練起上嚟真係好辛苦，因為唔會有時間俾你休息偷懶，教練一路叫你個名去踢。（係咪為咗減肥？）哈哈……唔好成日提個『肥』字啦，咁你做多啲運動，出得多汗個人自然 slim啲啦。」

甩「城」吹脹

三月中，苟芸慧有傳因拍廣告搭上城城，成為城城和熊黛林分手導火線。不過新城嫂做唔夠幾日，新新城嫂葉熙祺彈出，甩城苟芸慧自此邁向加大碼之路。

減壓靠運動

苟芸慧坦言打 Boxing為減壓，據家庭醫生關嘉美表示：「如果本身個人有情緒病，絕對可以靠運動減壓，唔單止打 Boxing，所有運動都係可以提升 Endorphin（胺多酚）。可以帶俾人正面嘅情緒，所以做運動除咗可以減肥消脂，亦會令人開心，絕對係有雙重效益。」

胖我成長路

女星真係唔 keep唔得㗎！苟芸慧由當日被封女神苟姑娘後，近半年體重一直急升，「肥苟」呢個花名叫足半年，唔想臭朵跟足一世，苟姑娘都係時候諗下辦法。

09年 1月 110磅

苟芸慧挾着多倫多林熙蕾之名大熱勝出華姐選舉，身高五呎七吋，當時體重只有 115磅，穿三點式泳衣簡直 fit爆。

去年 12月 115磅

在《萬千星輝頒獎典禮》上，苟芸慧就憑這個凹凸有致身材，撼贏同場一眾當家花旦。

今年 2月 130磅

被封為「新城嫂」後，苟芸慧當時曾為此事而公開道歉。無形壓力便由此開始，短短一個月內體重直線上升，「肥苟」之名亦從此得來。

今年 6月 150磅

由於體重不受控，出席品牌活動更被取笑與吳千語組肥瘦雙妹嘜，就算配上腰帶亦掩蓋不了水桶身形，嚇走不少廣告商。

今年 9月 170磅

上周六（ 28日），苟芸慧飛到新加坡出席活動，現身時不但身厚腰圓，就連個樣亦肥到無朋友，衣着亦以黑色為主。

其他影片

. 持續發脹　苟芸慧學泰拳洗肥朵
http://hittt.blogspot.com/2013/10/blog-post_3002.html. 持續發脹　苟芸慧學泰拳洗肥朵
http://hittt.blogspot.com/2013/10/blog-post_3002.html