喬寶寶回歸復出

喬寶寶喺英國生活都算優遊，吃喝玩樂唔少得。臨返香港前，仲特意陪老婆去食大餐。

媽咪姐

喬寶寶回歸復出

早幾個月先離開香港嘅喬寶寶，失驚無神又返咗嚟！媽咪姐同佢傾開，原來佢老婆獲批三年蘇格蘭嘅居留權，所以揸英籍嘅佢唔使再陪坐，可以回港工作喎。佢仲好開心話，返嚟拍劇登台唔少得，仲希望做生意㖭，不過資金就要等老婆第二次批居留權後先可以鬱得。據聞佢依家已經有舞台劇同電影喺手，以佢「爛做」性格，回歸舊時應該唔難嘅。

老婆攞到身份證，成家仲開心過執到金。大仔（右）同細仔（中）直情笑到四萬咁。

喺英國居住期間喬寶寶不時會出席當地華人舉辦嘅聚會，絕對不愁寂寞。

. 喬寶寶回歸復出
http://hittt.blogspot.com/2013/10/blog-post_624.html. 喬寶寶回歸復出
http://hittt.blogspot.com/2013/10/blog-post_624.html