八卦嘢(八卦野) [八卦o野][日日818] : 吳尊阿嫂　原來係老婆

2013年10月4日星期五

前飛輪海成員、 33歲嘅吳尊日前突然喺自己官網上載咗一篇跟佢新書《決定勇敢》有關嘅千字文，自爆 09年同相戀 18年嘅女朋友林麗瑩結咗婚，依家仲有個女㖭。消息一出，令人嘩然。

事關前年 6月，佢俾雜誌踢爆已婚生女，當時佢誓神劈願矢口否認，仲將雜誌影到嘅林麗瑩話係佢阿嫂喎。雖然有人認為吳尊今次嘅做法分明係為咗穀新書。點都好啦，媽咪姐覺得佢都係忠於新書書名《決定勇敢》啫，而且對佢太太及囡囡都係好事，起碼唔使再做隱形人嘛！

媽咪姐喺網上發現疑似吳尊跟林麗瑩嘅婚紗照。從圖片睇，兩人又的確係郎才女貌。

前飛輪海成員均喺微博送上祝福，跟吳尊感情最好嘅汪東城驚訝之餘，亦親向吳尊道賀。

前年，吳尊曾被雜誌喺汶萊影到疑似林麗瑩女子駕車入吳宅，事後吳尊則堅稱此女是他阿嫂。圖片

吳尊突然公開承認已婚兼有女後，被指係為新書《決定勇敢》宣傳外，另一原因係想穀番起近年低迷嘅人氣。