請假匿埋 試超級減肥藥 城嫂葉熙祺寸肥苟：係咪有病

黑色遮肥

今年 5月苟芸慧已開始發脹，雖然對住鏡頭笑曬口，但實情為城城不實緋聞同失眠而困擾緊。留意苟姑娘長袖衫加絲巾嗰時開始經常着黑色遮肥。

封面

請假匿埋　試超級減肥藥　城嫂葉熙祺寸肥苟：係咪有病

曾是宅男女神，又被郭富城睇中過的苟芸慧最近體重節節上升，早前出席新加坡一頒獎禮，更被指體重達 170磅，直迫欣宜。

為減肥，苟姑娘乜都試，試過食中藥調理身體，但冇效；最近惟有試埋近來 hit爆演藝界的直銷品牌減肥藥。據知苟姑娘自年初爆跟郭天王緋聞而面對沉重壓力，壓力大更導致失眠半年，亦因為經常天光才入睡，導致生理時鐘大亂，新陳代謝差以致體重一發不可收拾。剛拍完《飛虎 II》的肥苟，最近更向 TVB請假一個月調理身體。情敵葉熙祺就乘機踩一腳，暗寸肥苟：「係咪有病？」

苟芸慧於 09年因奪華姐冠軍入行，憑住 34C身形，加上樣貌標致，極速成為宅男女神。但自今年 3月起，索爆嘅苟芸慧忽然暴脹，更被起朵「肥苟」，雖然苟芸慧不斷話要減肥，但磅數不跌反升，直至上月到新加坡出席「星和無綫電視大獎 2013」頒獎禮，更驚現疑似達 170磅的「大山婆」身形。

上月 28日苟芸慧同一眾無綫小生到新加坡出席頒獎禮，更獲得《最佳女新人》獎，不過近 170磅水桶腰身形、麒麟臂、雙下巴，再拍埋姚子羚度，令肥苟身形更巨型。

苟芸慧同郭富城只係合作過一次拍手機廣告，就被指係新城嫂，雖然令佢騷接騷賺咗一筆，但苟姑娘原來唔想借緋聞上位。

新城嫂葉熙祺，雖然被城城指是過去式，但對城城依然咬住唔放，仲寸苟芸慧：「係咪有病？」

中西合璧乜都試

上月苟芸慧被拍得到朱慧敏、陳嘉恒等介紹的黃埔學泰拳減肥，仲被偷拍運動過程，但據知報道出街後，苟芸慧已冇再幫襯。

據知， 30歲苟芸慧其實一向飲食健康，每天只吃約 2羮飯加少許餸菜，平日亦愛到健身室跑步做 gym，但自被封「肥苟」後，苟芸慧開始心急減肥。初時用中藥調理身體，但可惜適得其反，反而愈減愈肥，加上不斷被追問身形問題，令苟芸慧承受更大壓力更難減。中葯冇效，苟芸慧開始食西葯，她的身邊人更透露苟姑娘最近豪擲幾萬元，掃入大量某直銷品牌新推出，眾多明星密試的減肥藥，又到拳館學泰拳減肥。

唔潛水發脹？

今年 3月，苟姑娘曾被拍到在好友陳君宜介紹下跟潛水教練 Stephen學潛水減肥，更傳出緋聞，報道出街後，苟姑娘即放棄潛水！

兩個禮拜冇見佢，但減肥要靠自己先得。我信佢冇 170磅，報道誇張咗！

潛水教練 Stephen

報道出街後佢冇再學喇，我都覺得有啲可惜。

陳君宜

由索變肥

09年 26歲嘅苟芸慧代表溫哥華成華姐冠軍，當時 C cup身材、小蠻腰，只得 115磅，索到爆。但近年體重不斷標升，自從 3月開始跟郭富城傳緋聞後更一發不可收拾，直迫欣宜。

09年 115磅

當年三圍 34、 24.5、 34.5，更有「翻版林熙蕾」稱號。

12年 10月 120磅

未受郭富城緋聞影響嘅苟芸慧比選美時肥少少，但仍見到鎖骨，有胸有靚樣，成宅男女神。

13年 3月 130磅

受郭富城緋聞影響，體重開始標升，失眠亦開始出現。

6月 140磅

每次出席活動都被追問郭富城緋聞及體重問題，令壓力爆煲，體重失控。

8月 150磅

冇人再叫新城嫂，但依然被追問身形問題，失眠亦開始嚴重，每日真正熟睡只有 2小時。

壓力爆煲失眠

自今年同城城拍攝手機廣告後，加上當時郭富城同熊黛林分手，有傳苟芸慧成為新城嫂，更令佢人氣急升騷接騷，但苟姑娘一直否認緋聞，表示跟郭富城冇聯絡。但每次傳媒都繼續追問，令苟芸慧開始減到壓力，知情者說：「佢唔想靠緋聞賺人錢，但又驚得罪傳媒，最重要係公司冇乜教佢點應對，搞到佢每次出騷都好緊張，慢慢開始失眠！」失眠令苟芸慧新陳代謝減慢致水腫，體重亦開始上升。

直至 7月開始傳內地嫩模葉熙祺成為新城嫂，傳媒冇再以「郭富城」啄着苟芸慧，反而以肥作為每次訪問話題，令苟芸慧承受更大壓力，加上拍攝新劇《飛虎 II》期間，被影到着上軍裝服後身形肥上加肥，令苟姑娘壓力爆煲，失眠情況更嚴重，每日只能睡 2小時。

冇工開播剩《飛虎 II》

苟姑娘喺啱啱拍完嘅劇集《飛虎 II》做女三，戲分跟黃智雯平起平坐，可惜大好形勢因體重問題開始減弱。

巡禮冇份

苟姑娘之前劇接劇，但愈來愈肥後只接拍《飛虎 II》再冇新劇，所以上週台慶亮燈亦冇佢份。

上月播映嘅《情逆三世緣》，拍攝期由上年 11月開始，當時苟芸慧未發褔，加上古裝包到冚，睇唔到肥肉。

探望病母

《蘋果日報》圖片

有指苟芸慧向 TVB請假的另一原因，是母親近日身體麻麻，所以苟姑娘除了休息一個月積極減肥，更會飛往加拿大溫哥華探母親。

舊愛力證　冇食避孕丸

羅天宇

其實已經冇咩聯絡，對上一次佢生日， send過訊息畀佢，我唔信佢會食避孕藥。呢啲係失實報道，同埋肥係一種幸福，我只希望佢開心。

請假 1個月調理

直至上月《飛虎 II》煞科，苟姑娘終於頂唔順向 TVB請假一個月，減少曝光，從而壓力得到紓緩再慢慢調理身體。

前城嫂抵唔住壓力要唞唞，反而纖瘦新城嫂葉熙祺就踩多兩腳，她接受本刊訪問，提起情敵暴肥便忍唔住偷笑：「佢係咪有病呀？係就唞吓喇！」而苟姑娘就回應本刊：「我冇病！對於我健康情況我唔會再回應！我𠵱家放緊假，我心情好似去咗馬爾代夫咁！多謝關心。

個個撐肥苟

雖然個個叫苟芸慧做肥苟，但苟姑娘一向人緣好好，一班圈中好友力撐苟姑娘一啲都唔大食而且積極減肥。

鍾嘉欣：佢好努力

有見佢食啲清淡嘢，希望傳媒放過佢啦！唔好只 focus喺佢身材上面，佢做戲好努力，希望佢減肥成功。

梁烈唯：佢好專業

我冇留意佢身體變化喎，佢每次埋位都相當專業，唔見佢有咩情緒問題。佢背稿好咗，廣東話又有進步。

李綺雯：佢食 2羮飯

唔覺佢情緒有問題，佢識講笑，但有次出去做嘢，成班人食飯，佢只係食咗兩羮飯就冇再食，佢減肥好有決心㗎！

. 請假匿埋　試超級減肥藥　城嫂葉熙祺寸肥苟：係咪有病
http://hittt.blogspot.com/2013/10/blog-post_3142.html. 請假匿埋　試超級減肥藥　城嫂葉熙祺寸肥苟：係咪有病
http://hittt.blogspot.com/2013/10/blog-post_3142.html