煎 pang極速轉肌

FBI

煎 pang極速轉肌

近排晚晚都見到嘅陳展鵬同鍾嘉欣喺《巨輪》入面打情罵俏，最肉痛係睇住嘉欣 BB因為煎 pang而俾阿媽打咗一巴！《巨輪》一早拍完， FBI發現煎 pang呢排都走咗去健身做 gym，學人練大隻喎！

煎 pang同李亞男上《獎門人》玩遊戲，要扯開件冰衫呢啲粗重嘢落喺煎 pang身上，當日就見煎 pang手臂線條已經出曬嚟，成績唔錯喎！

話說上月底，煎 pang突然出現喺觀塘一幢工業大廈， 2個鐘後至落番嚟， FBI後來見到煎 pang，忍唔住要問佢上去搞乜。「𠵱家拍緊《廉政行動 2014》算比較得閒，呢排又個個都興健身打拳做拳王喎，見自己啲肉又鬆泡泡，有時間咪去做吓 gym，𠵱家每星期去 3次，打 45鐘拳同跑步 1個鐘，我想操到變鋼條。」煎 pang話佢係齋做運動，連營養餐單都冇跟。咁啱上星期佢上《獎門人》，就急不及待除剩件背心玩遊戲大曬手臂靚線條！下次除埋上衫啦，唔該！

上年鬆泡泡

上年拍《衝呀！瘦身兵團》時煎 pang的確有啲鬆。

勁錫車

早排唔停落雨，煎 pang都風雨不改去做 gym，行行吓架車唔少心揩花咗，煎 pang即緊張冒雨落車檢查，馬路嚟㗎喎！

雖然 check過冇乜嘢，不過煎 pang喺觀塘泊架車嗰陣都忍唔住要再回望，真係咁依依不捨咩？

私竇操肌

煎 pang就係去觀塘呢幢工業大廈一個私人健身室做 gym，雖然唔係咩中環名店，但 FBI聽聞最近唔少 TVB台前幕後都興去呢類「私竇」做 gym，因為包唔會俾狗仔隊影到。

. 煎 pang極速轉肌
http://hittt.blogspot.com/2013/10/pang.html. 煎 pang極速轉肌
http://hittt.blogspot.com/2013/10/pang.html