宣誓嗌驚 李蕙敏孖老公死忍唔喊
現年43歲的李蕙敏（Amanda）下嫁英籍老公Serge Micallef，於英國時間6號在倫敦一棟200年歷史的古堡舉行婚禮，Amanda穿著自己設計的古典婚紗出嫁，晚上換了英國崩後設計師Vivienne Westwood的紫色低胸晚裝跟老公切結婚蛋糕。
■李蕙敏著上Vivienne Westwood的低胸晚裝，依偎著老公切結婚蛋糕。
獨家情歌伴舞
Amanda昨在英國接受本報記者電話訪問，她說：「搞掂曬啦，𠵱家心情輕鬆又舒服。」Amanda謂出嫁前一晚失眠，朝早6時起床準備，感謝天公造美沒下雨；由於Amanda是孤兒，故請了好友黃偉文做代父送她出嫁，行禮時有否感動流淚？她說：「自己有幾次想喊，但死忍同自己講要冷靜。」問老公有否講愛的宣言？她靦腆說：「都係基本嘢，老公幾次好感動想喊，但都忍住。」
■李蕙敏和老公領跳第一支舞，音樂用自己唯一一首英文歌《If this isn't love》。
■黃偉文擔任代父送好友出嫁，令李蕙敏十分感激。
婚禮在下午2時舉行，Amanda指髮型師Roy幫她整頭紗時，自己心情起伏激動，她說：「唔喺香港行禮有少少緊張，後來化妝師Kenneth上台致辭，講咗一首父女愛嘅詩，搞到好多人喊。」Amanda還自爆宣誓的瘀事：「因為冇綵排，原來啲字好深，自己讀嚇有啲驚，我唔鍾意綵排，唔係做騷想真摯啲。」
晚上舉行婚宴派對，一對新人領跳第一支舞，Amanda揀了自己唯一一首英文歌《If this isn't love》做伴曲，她說：「呢首係情歌，當年身痕錄英文歌，估唔到婚禮可以用，呢刻好獨家，播自己英文歌，著自己設計婚紗，想婚禮多啲回憶。」
採訪：林妙萍
■李蕙敏穿上自己設計的A line款式婚紗，伴娘關寶慧（左）幫忙整理。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！
.宣誓嗌驚 李蕙敏孖老公死忍唔喊
http://hittt.blogspot.com/2013/10/blog-post_9.html.宣誓嗌驚 李蕙敏孖老公死忍唔喊
http://hittt.blogspot.com/2013/10/blog-post_9.html
