志偉沖喜壽宴 無綫埋單 300萬

媽咪姐

志偉沖喜壽宴　無綫埋單 300萬

下周三（ 10日）無綫為曾志偉舉行名為《志在高興志偉大派對》嘅六十大壽生日 party。媽咪姐收到風，當晚喺會展擺 60圍（配合六十大壽），節目會喺 14號晚播映。

全靠你破冰！（設計對白）

上月 21日，餘詠珊代表無綫，同四大唱片公司舉行破冰記者招待會。破冰成功，志偉居功不小，殼王為志偉搞壽宴，當是論功行賞。

志偉 96年和黎明拍《甜蜜蜜》結緣。睇見黎明同志偉隊啤隊到面紅紅，就知兩人啱嘴形啦。

天王賀壽

志偉近年包辦邵氏的賀歲片，每年他都找來好友助陣。 09年他就邀張學友演出《 72家租客》，同自己做一對歡喜寃家。

劉德華和志偉在《精裝追女仔 2》做溝女拍檔搞笑又得，在《無間道》鬥智鬥力又得。華仔自然要為這位多年的拍檔獻唱啦。

今次壽宴，星光熠熠到勁過曬任何一個頒獎禮，除咗汪明荃同鄭裕玲做司儀外，學友、劉華及黎明三大天王都會出席，劉華仲會上台唱歌㖭。而之前因「掌摑黃浩事件」落口供，傳與志偉不和嘅娘炳（梁漢文），據知都會出席。其實件事丟淡咗，加上明星足球隊成班手足居間調停，呢兩「父子」邊有隔夜仇！

媽咪姐仲八到，生日 P由籌委會負責搵嘉賓。至於製作、場租、晚膳等開支合共 300萬，全部都係無綫科水。今次無綫咁大手筆，全因志偉有功。呢幾年，志偉幫無綫拍賀歲片搵到錢，啱啱又搞掂四大唱片公司。老闆殼王（陳國強）見志偉今年犯太歲，官非纏身，咪同佢擺大壽沖喜吓囉。

我都撐志偉！（設計對白）

志偉和李嘉欣雖然只曾在《十月圍城》合作，不過兩人在吳君如介紹下熟絡，大美人亦將俾面出席生日派對。

志偉同吳君如拍笑片做咗多年拍檔，兩人一直老友鬼鬼，君如梗要同志偉賀壽啦！

「父子」破冰

梁漢文稱志偉做「爸爸」，娘炳結婚時，志偉亦是座上客。去年掌摑事件後，娘炳被指是二五仔，志偉末日 P佢亦冇份去，今次志偉終於主動破冰。

. 志偉沖喜壽宴　無綫埋單 300萬
http://hittt.blogspot.com/2013/04/300.html