揞名爆
「大鼻妹」唔夠紅送「外賣」無人知
早幾個月，影圈小生「魚仔」俾人話喺上海帶金髮女上酒店房，各位記者朋友都無乜意欲去跟進。講真吖，佢個底咁
花，多一單唔多，少一單唔少啦！不過有圈中二五啱啱向媽咪姐爆料，話嗰個金髮女唔係大家以為嘅北地胭脂扮鬼妹，原來係歌手「大鼻妹」呀！
話說嗰陣「魚仔」同「大鼻妹」仲曖昧緊，但女方好主動，知道愛人北上做嘢，特登「人肉速遞」自己上去陪佢解悶。 Well，其實「大鼻妹」真係豁出去，都唔怕喺啲多人出入嘅時間跟「魚仔」返酒店。可惜嘅係，佢喺國內嘅知名度……差咗少少囉！同胞們只認出「魚仔」，無人識「大鼻妹」，如果唔係就可以乘機早啲攞到個正印牌啦。
. 「大鼻妹」唔夠紅送「外賣」無人知
http://hittt.blogspot.com/2013/04/blog-post_9609.html
