難忘思琦妹 李泳豪醉駕玩命

媽咪姐

難忘思琦妹　李泳豪醉駕玩命

李泳豪自從同楊思琦分手之後，好似潛水一樣，唔多覺喺電視見到佢。話就話豪仔仲有拍劇，不過每次演出都係過一過鏡，對白一兩句，好話唔好聽，真係可有可無。事業唔多掂，豪仔梗係冇心機，惟有寄情女人。上年遇上中韓混血女 Miki，以為搵到女伴啦，點知 Miki原來係人妻，最後俾人哋老公喺 facebook鬧爆。

唉，話咁易搵番個好似思琦妹咁嘅質素咩？豪仔情場又失意，惟有專心玩自己最耍家嘅飄移！

周日（ 31日）李泳豪參加咗一個飄移比賽，成功攞到 B組冠軍成為飄移王。比賽當日媽咪姐都在場，發現佢比賽前匿埋隊咗三支啤酒，換咗賽車衫之後再飲多一支先去比賽。飲到迷迷吓，落場連頭盔都唔記得戴，俾大會警告。結果 high住揸嘅豪仔，飄移飄到攞咗個冠軍，不過媽咪姐勸各位駕駛者，咪學呀！

入房飲

比賽當日，豪仔自己匿入休息室不停隊酒，隊到夠先換衫比賽。見佢愁眉苦臉，心情似乎唔多好喎。

場上隊

換咗賽車衫，依然酒不離手繼續隊，似乎豪仔嫌自己仲未夠「飄」喎！

無咗女神，做車神！（設計對白）

李泳豪同楊思琦拍拖 9年，最終分手，如果唔係殺出個「空心老倌」吳帥，豪仔隨時做咗爸爸嘞！

攞咗 B組冠軍即時有女埋身合照，不過豪仔似乎冇反應，唔通見過鬼怕黑？

豪仔戴住 cap帽就落場，俾大會發現兼警告！要工作人員冒雨攞頭盔俾佢換。

其他影片

• 飄移王李泳豪誕生

. 難忘思琦妹　李泳豪醉駕玩命
http://hittt.blogspot.com/2013/04/blog-post_6450.html