楊愛瑾現孕味

媽咪姐

楊愛瑾現孕味

前 Cookies成員楊愛瑾（ Miki）自從戀上永安百貨太子爺郭永淳之後，負面報道未停過，拜金女形象搣唔甩。不過 Miki啱啱拍完 TVB劇《神槍狙擊 2013》，今次有機會入屋，梗係把握機會執靚個 image，希望得到師奶們另眼相看。

早兩日佢就去咗銅鑼灣買衫，同助手挽住一袋二袋有衫有化妝品。不過 Miki等的士期間「一時放鬆」，現咗個肚腩仔出嚟，媽咪姐記得佢早排同人講隨時會閃婚，依家肚凸凸孕味濃，好易令人誤會喎！如果係真嘅話，媽咪姐都恭喜佢囉！

Miki男友永安太子爺郭永淳同髮妻伍志恆離婚，每個月要俾四萬幾蚊贍養費，不過郭生上訴。但上訴法庭已駁回，四萬蚊贍養費俾硬！

當日放假嘅 Miki，買完衫就單拖搭的士返西半山寓所。無乜嘢做都可以住豪宅，難怪 Miki話隨時閃婚啦。

. 楊愛瑾現孕味
http://hittt.blogspot.com/2013/04/blog-post_4153.html