連掃 4豪宅 李彩華暗交地產才俊

娛聞樂

連掃 4豪宅　李彩華暗交地產才俊

近年轉攻內地賺錢的李彩華（ Rain），連專搵紅星跳水嘅《星跳水立方》都要預埋佢。雖然跳水失敗首圈出局，但她亦因喊到梨花帶雨，反而得網民 like，被內地網友封為宅男女神。

Rain不但事業順境，愛情同樣精采！繼今年二月被內地傳媒撞破，在北京機場依偎富二代萬思維後，早前 Rain回港時，本刊發現她身邊有個貌似林德信的西裝男侍奉左右，離去時更出動三百多萬的 Bentley及司機接載伊人，甚為豪氣。新歡是炒樓高手，難怪 Rain夠膽手揸四層樓。

型男開路

Rain與趙雪英及 Patrick在連卡佛行咗大約一小時。 Rain與趙雪英對店內的高跟鞋及手袋特別感興趣，而 Patrick一直在旁邊等候，離開時他更行先為 Rain開路。

三百萬𠝹女戰車

Patrick在六時半埋單，然後乘坐價值三百多萬的黑色 Bentley離開。揸車由司機負責，而 Patrick就細心幫 Rain開車門。

Rain除了拍劇年賺千萬，炒樓短短 3年賬面已賺千六萬。晉升鑽石女王老五的她，身邊亦不乏富二代追求。 3月 18日下午， Rain現身中環 ifc，身邊還有前寰宇老闆娘趙雪英與一名三十多歲的西裝友。其間 Rain在連卡佛揀手袋時，不時向西裝男冧笑兼問意見，行足一小時，三人便去 high tea。

傷心跳水

在周日播出的《星跳水立方》，李彩華跳三米板時跳水變炸水，在第一輪就被淘汰，賽後她激動落淚。

Bentley接送

上月 25日，記者向 Rain問及新歡時，她就暗示新歡要出多啲力：「我哋係朋友，嗰日係第二次見面，我依家仲係單身，好享受俾人追嘅感覺。」

High Tea時，趙雪英走出餐廳傾電話，而 Rain與該名男士即把握機會密密傾， Rain不時發放電眼，男方顯得甚為受落。西裝男更主動夾沙律俾 Rain，又幫她 order飲品，非常細心。一小時後，三人乘坐該名男士價值三百多萬的黑色 Bentley離開，之後向銅鑼灣方向駛去，極速擺脫記者追蹤。

前周一（ 25日）， Rain出席活動被問及新戀情，她雖然甜絲絲，但甚有保留，似乎未肯為一棵樹放棄整個森林，「我哋係朋友，唔係見過好多次，總之依家仲係單身，好享受俾人追嘅感覺。（追求者例必富貴喎！）我唔知㗎，唔通一識人就問人揸乜車做乜職業咩！男朋友最緊要對我好啫。趙小姐仲急過我，成日介紹男仔俾我。（林小明告你嗰單誹謗官司，有乜進展？）林生申請延期，都唔知點解要延期！我就好想快啲上庭講真相！」

身家 4千萬

李彩華去年在大陸劇《我拿青春搏明天》，和朱孝天擔任男女主角，在內地甚吃得開。

知情者說︰「個男仔叫 Patrick，姓李，喺旺角及西貢區各有一間地產舖。佢睇市好準，係專業炒家，身家過 4千萬。大半年前， Patrick經趙小姐介紹俾 Rain識，個男仔一見 Rain已經好鍾意，佢知女方想投資，仲彈咗好多料俾佢。今年 Rain喺大坑買樓，都係 Patrick建議，買咗兩個月已經升近二百萬， Rain當然覺得 Patrick有料啦！不過， Rain仲有其他男仔追，佢未揀定，所以嗰日特登叫埋趙小姐出嚟做電燈膽。」

記者致電為 Rain做媒的趙雪英，她說：「個男仔係我朋友，做地產嘅。（身家幾千萬？）人哋嘅嘢就唔講嘞！我介紹佢兩個見吓面，有冇發展我唔知㗎！」

賬面升千六萬

Rain近年多投資物業，連續四年都買樓保值，而且眼光愈來愈準。去年購入名門，已為她賺千萬，近日在 Patrick推介買入的德信花園，不足兩個月已賺近二百萬，難怪 Rain愈來愈富貴。

多富貴男友

Rain一向桃花暢旺，而且男友個個富貴。單是今年，連埋地產才俊，她已經被拍到三次同富貴男友密會。

靚車四眼男

今年三月初， Rain與一名四眼男在大坑晚飯，食飽後四眼男更駕着五百萬的 McLaren接載 Rain回家。

煤礦太子爺

今年二月， Rain被發現在北京機場依偎富二代萬思維。萬家經營煤礦生意，兩人更在新劇《錯嫁》中合作。

保險才子

08年， Rain被發現同友邦保險區域總監王傲山拍拖，兩人拍拖兩年後分手。之後王傲山戀上有線主播劉明軒，兩人更於今年結婚。

蕭定一

04年 Rain被拍到和蕭定一車廂激吻，有傳李彩華由金牌轉到寰宇時，亦是蕭花巨款為 Rain贖約。

林峯

Rain在 01年和林峯拍電影《別戀》而撻着，之後林峯開始走紅，兩人因聚少離多而分手。

撰文：娛樂組

攝影：攝影組

. 連掃 4豪宅　李彩華暗交地產才俊
http://hittt.blogspot.com/2013/04/4.html