撐港人睇港奶

媽咪姐

撐港人睇港奶

早前奶粉短缺，搞到滿城風雨。你問係咪應該港 B港奶？係！不過媽咪姐更覺得，港人應該睇港奶。

本周三（ 10日），認真忙到不得了，九展嗰邊舉行「第九屆華鼎獎」，會展則有曾志偉 60歲大壽，中港台紅星雲集，可謂星光熠熠。難得係一班香港女星波濤「胸」湧之下獨領風騷，紛紛打破「限奶令」，胸前大解放。作為港人嘅你又點可以唔𥄫！

Angelababy鐵甲奇奶

嘩，好多壽包呀！（設計對白）

壽星公曾志偉喺圈中出名人緣好，佢 60歲大壽 party，無綫為佢擺 60圍，逾百明星出席。是次活動更會現場錄影，並將於周日（ 14日）播放。

身材一直零睇頭嘅 Angelababy，近年上圍亦同佢身家一樣，愈來愈脹。「華鼎獎」當晚， Angelababy雖然身穿飄逸雪紡裙，但竟然穀出硬淨事業線，認真神奇。無所謂啦，世事真假難測，佢呢條事業線，總算為港人爭番啖氣。

熊黛林 D+偵探

當晚出席「華鼎獎」嘅熊黛林從國內來港發展八年，足夠有資格做三粒星居民有突。有愛情滋潤下，熊黛林上圍亦變得飽滿，就連金色晚裝都包唔曬，望落比 D cup更大。真係要搵郭富城偵測吓。

黃婉曼導彈攻勢

有傳年底同圈外男友拉埋天窗嘅黃婉曼，當晚身穿嘅晚裝多布咗啲，但震盪效果強烈。講導彈攻勢，北韓領導人金正恩都要向黃婉曼取經。

騎呢鬥密實

大部分女星胸群而出，但亦有小部分竟然反高潮，以騎呢密實造型「搶鏡」。

國際範拒益同胞

有「國際範」之稱嘅範冰冰，早前喺奧斯卡頒獎禮嘅 after party上透點益老外。不過呢次佢竟然長袖晚裝出席「華鼎獎」，再一次印證呢位傳奇女星大細超拒益同胞之餘，又證明港人始終都係大方啲！

範曉萱騎呢女妖

同場嘅台灣女歌星範曉萱向來鍾情 rock風。今次佢梳咗一頭亂髮，露出半臂紋身，再着上桃紅晚裝，完全九唔搭八，騎呢爆。

關淑怡黑寡婦

曾志偉緋聞情人之一嘅關淑怡，當晚出席慶生 party。一身長黑裙造型雖然夠曬型格，但由頭包到落腳，欠缺睇頭。

長腳蟹露肉人妻

呂慧儀參加志偉生日 party前，收到 WhatsApp話要着靚啲。當晚佢不負眾望，以 V字胸出擊，為人妻組爭口氣。

張美妮上下誘惑

有指志偉上月為張美妮包場慶生，兩人更玩到淩晨先齊齊返酒店。如今志偉生日，緋聞情人張美妮梗係穀胸撐場，另配上黑絲，上下都引死人。

劉嘉玲低調曬坑

老友劉嘉玲撇低老公梁朝偉出席 party。貴為阿姐嘅佢未有同班小妹妹爭妍鬥麗，反而一身黑色套裝，內裏襯上低胸背心，低調中見性感。

滕麗名忽然爆胸

本身係豐胸代言人嘅滕麗名，為咗突圍而出，專登走去再豐胸。佢仲話今次一共升咗兩個 cup，遲吓大過周秀娜都唔奇。

. 撐港人睇港奶
http://hittt.blogspot.com/2013/04/blog-post_1080.html