八卦嘢(八卦野) [八卦o野][日日818] : 甘比阻路交警請牛肉乾

2013年5月2日星期四

甘比阻路交警請牛肉乾

同你吟一吟

甘比阻路交警請牛肉乾

大劉劉鑾雄二千萬涉賄案，星期一（二十九日）喺澳門初級法院再審，大劉三度以病不便外遊缺席聆訊，六月中再嚟過！

長命官司有排拖，大劉可以見招拆招。不過，換轉喺香港，情況大不同。早個禮拜，甘比帶埋囡囡劉秀樺去跑馬地食麵，是日大劉雖然冇蒲頭，但兩母女有三保鏢兩司機兩車同行，照顧周到。

下午四點幾近五點，有鐵馬趕車，大劉兩司機唯有開車走，兜個圈返到嚟，甘比母女已經食完企出嚟等上車，點知鐵馬尾隨不捨，甘比上咗車唔走得，差人抄牌，抄完一架再一架。

比起大劉澳門「禦海•南灣」五幅地皮嘅損失，呢兩張牛肉乾，跌都跌咗！

甘比女得意到爆，難怪細佬出咗世，大劉一樣錫佢錫到燶。