新水喉 搶救亞視 王征打龔仁心主意

探熱針

新水喉　搶救亞視　王征打龔仁心主意

亞視由王征掌舵後，誤報江澤民死訊被罰三十萬、將電視台當成私人俱樂部、開「洗腦班」，騎呢管理又有新動作，近日有人去信告密，指王征連新聞部記者升遷瑣事，都要幹預。

王征在「位」三年，亞視不單零收視，更入不敷支年年赤字，「成績」驚人！為解財困，王征早前親自出馬，遊說由龔仁心三兄妹主導的華懋慈善基金，入股救亡。

有錢有得傾

去年被政府指責幹擾亞視運作，明退暗控的王征，眼見家族過去三年來，投放十三億銀彈無法令亞視起死回生，近年廣告收入每況愈下，唯有事事「錢」行先，無論製作或用人方面，只要幫公司搵到生意，便萬事有商量。

今年初，王征吹雞搞「洗腦班」，凡違規缺席藝人即時被炒，令公司上下充滿怨氣，他仍一意孤行；但多次遲到的過氣亞姐王欣，卻不曾被開刀。

「王欣返學遲到咁多次，但連警告都冇收過，就係因為佢有個內地富貴男友，經常贊助公司大型節目，所以無論佢點唔聽話，都一定唔會俾公司叮走。」一名亞視人說。

在王征領導下，就連亞姐「仁美清敍」都搞到四分五裂，羅霖先行退會，就連亞姐中的亞姐黎燕珊亦唔再留低，唔撈亞視。

顏子菲（左一）早前為亞視節目《星動亞洲》主持記者會，因為活動超時煞停王征冇得講嘢，激嬲老闆後，結果被放入雪櫃。

亞視鍾意搞大型節目，不過多數只得自己友，年初搞春晚，就請到李雲迪做特別嘉賓，算係零的突破。（《蘋果日報》圖片）

年尾有錢開劇

要撲水救亞視，王征機不可失！據知早前亞視製作的清談訪問節目《亞視百人》，邀請到華懋慈善基金的龔中心做嘉賓，王征食住上，乘機搭門路認識了主導基金的龔仁心，斟對方入股亞視。

「華懋慈善基金由龔如心遺產管理人變咗信託人，同政府打官司，而家搞緊上訴，王征同人哋講自己跟『阿爺』關係好有偈傾，應該可以幫到龔家，所以近排佢同姓龔嘅行得好埋。」知情者說。

對於華懋入股一事，亞視有關方面雖然否認，但內部近日卻收到風，稱公司財務狀況將有轉機。

「啲高層冇講明係咪有新老闆入股，但就一味話好快會有好轉，年底仲會有資金開劇，所以大家都冇以前咁灰，好期待。」一名亞視員工說。

因唔肯上「洗腦班」，在亞視多年的藝人包括左起張紫櫻、陳綺雯、張嘉倫以及戚黛黛全部被炒。

高層盛品儒緋聞多多，早前被拍到跟大他數年的陳霽平在街頭拖手錫曬。

王征去年反對發電視牌而吹雞搵藝人到政府總部舉牌搞大龍鳳，龔中心亦有到場支持。（《蘋果日報》圖片）

根正苗紅

5O歲的王征，是上海第一豪門盛氏家族第四代成員、有「中國近代工業之父」之稱的盛宣懷曾孫。王征跟母姓，其母王雲飛是八路軍老戰士，繼父舒同是山東省委第一書記，亦是書法家，與毛澤東私交甚篤，也是前中共中央總書記江澤民的堂姨甥。身為亞視揸弗人的王征更是深圳交易所上市公司榮豐控股的董事、北京市政協副主委，並曾任第十、十一屆全國政協委員，內地人脈甚廣。

撰文、攝影：娛樂組

mailto:nextb@nextmedia.com

. 新水喉　搶救亞視　王征打龔仁心主意
http://hot104.blogspot.com/2013/05/blog-post_92.html. 新水喉　搶救亞視　王征打龔仁心主意
http://hittt.blogspot.com/2013/05/blog-post_1282.html