八卦嘢(八卦野) [八卦o野][日日818] : 楊怡食得住　謙謙冇得鬱

2013年5月2日星期四

楊怡食得住　謙謙冇得鬱

同你吟一吟

楊怡食得住　謙謙冇得鬱

星期一（四月二十九日），無綫新劇《 On Call 36小時Ⅱ》响大坑拍楊怡同馬國明結婚戲，而新娘子現實中嘅真命天子羅仲謙，就幫手扮戥穿石。

咁啱又有雜誌報導話謙謙背楊怡「點香」，𥄫中無綫四大處女之一嘅岑麗香，搞到楊怡要拍劇監場，防止男友沙沙滾。

難得兩位當事人在場，記者打蛇隨棍問回應，謙謙鬧報導冇句真，至於楊怡就話自己日日開劇，連瞓覺都冇時間，唔得閒監場！

既然只係煲水，記者叫謙謙同楊怡影合照，佢居然話：「等我問咗阿怡先！」嗱！講得好聽啲，就係尊重，難聽嘅話，就係怕咗女友，影張合照都要攞請示等批，謙謙就算有背怡點香嘅心，都冇咁嘅膽囉！

請示完女友之後，謙謙就護住楊怡過馬路，一齊企定定合照。