藍莓濕平唔睇錢

媽咪姐

藍莓濕平唔睇錢

娛樂圈嘅女藝人，一向財來自有方！早前媽咪姐喺又一城陪個女溜完冰，就撞正「味之天使」藍莓（劉俐）喺 Godiva濕平。見佢揀咗好耐，店員不斷 sell，又請佢試食咗幾粒唔同味道朱古力，咁就食咗幾十蚊喇！最後藍莓都冇混吉，買咗兩大盒走。

之後佢會合埋女友人，進攻時裝店掃貨！見藍莓三幾下手勢，唔使點睇價錢，就掃走兩件褸兩條褲。轉個頭，佢仲喺 H&M買咗幾件小朋友衫㖭！估唔到無乜嘢做嘅藍莓，購買力同強國同胞一樣咁強勁喎！都話唔好睇小女人。

唔買唔知咁開心㖭！（設計對白）

轉個彎，行入時裝店睇吓，又買一大袋。

再殺入 H&M買童裝買傘，愈買愈 high！後尾佢同媽咪姐講，話買俾姪仔姪女。都幾有愛心。

. 藍莓濕平唔睇錢
http://hittt.blogspot.com/2013/04/blog-post_9781.html