媽咪姐
阿佘多得曾志偉
曾志偉喺迪士尼搞 60大壽 party，大堆藝人玩到癲，幾杯落肚真面目出曬嚟！唔止犯禁喺室內食煙，仲 high到合唱粗口歌，亂曬大龍。志偉喺台上更辣埋佘詩曼︰「阿佘平時粗口咁流利，叫你上台唱又唔唱，真係×曬，×你老味，一齊俾句阿佘：×你老味！」事後志偉話成件事自己一個攬上身，仲堅持唱粗口歌係用嚟抒發，唔唱唔開心咁話。
至於被志偉公開爆粗嘅佘詩曼，周三（ 17日）出席護膚品活動就笑笑口話︰「嗰度全部好朋友，係自己人，一家人閂埋門講咩笑都得。」不過問到佢係咪從來唔講粗口，佢就局住答︰「唔相信一個人完全冇講過粗口，睇咩場合，一般唔應該講粗口鬧人，嗰首係歌啫！唔會嬲。」俾人爆粗之餘，仲被揭粗口流利，今次阿佘真係要同獎門人講句多謝曬咯！
. 阿佘多得曾志偉
http://hittt.blogspot.com/2013/04/blog-post_5402.html
