同性相吸 潘美辰𥄫中北京同居 陳雅倫：好多 TB追我！

陳雅倫與李思最近捷過從甚密，不避嫌地把合照放上微博，唔知李思捷有冇諗過陳雅倫好受 TB歡迎呢？

真面目

同性相吸　潘美辰𥄫中北京同居　陳雅倫：好多 TB追我！

《玩嘢王》李思捷近排傳出撇女友春卷，秘撻比他大 8年的陳雅倫（ Ellen）發展姊弟戀， 2人承認互相上對方屋企夜談之餘，李思捷更在好友面前宣布：「佢陳雅倫，𠵱家係我條女。」

戀情愈講愈烈，但據傳陳雅倫原來曾被台灣女歌手潘美辰睇中， 2人更曾在北京同居兩年後分手。陳雅倫上週在電話中回應時十分緊張：「男又鍾意我，女又鍾意我㗎啦，有好多 TB追我㗎！」咁 open，啱曬溝女王李思捷！

陳雅倫入行以來常以性感示人，亦曾拍過三級片， 93年拍寫真時身材樣貌都 fit到震。

47歲陳雅倫入行 28年來緋聞唔算多，最為人知的，是曾與音樂人黃尚偉長達 11年的戀情，及 08年跟黃秋生拍電影《硬漢》傳出假戲真做，到最近才再和 39歲李思捷的姊弟戀。

洪欣婚禮相識

陳雅倫 11年復出拍戲，有傳她向王晶𢱑撈才有份演《絕色武器》，但她澄清是王晶主動聯絡她的。

但圈中盛傳陳雅倫有段神秘的同性關係，她 09年在好友洪欣的婚禮上，認識台灣女歌手潘美辰，據知一向中性打扮、貌似周傑倫的潘美辰，被陳雅倫美貌吸引，瘋狂追求下 2人很快便撻着，發展迅速。

由於陳雅倫自從拍完杜琪峯執導的《放．逐》後事業停滯不前，知情者指她索性搬到潘美辰在北京的居所黐住黐食，嬌藏金屋過二人世界。可是一直愛男人多過女人的陳雅倫，只維持了約兩年的關係便提出分手， 11年回港拍王晶的《絕色武器》，便絕少再聯絡潘美辰。「有人同潘美辰一齊嗰陣，問潘美辰借過好多錢…… Ellen要分手，搞到潘美辰好傷心，成日同朋友訴苦。佢哋嘅關係，北京音樂圈子好多人都知！」知情人說。

陳雅倫上週六（ 11日）在電話中回應時，問到傳曾跟潘美辰同居，即顯得頗為激動：「黐線咩！男又鍾意我、女又鍾意我㗎啦，有好多 TB追我㗎！我幼稚園開始讀女校，好多靚女，唔會抗拒同性戀嘅，身邊有好多 TB存在。」

被追問與潘美辰關係，她續說：「識咗好多年，十幾年前我上《勁歌金曲》已經識佢（潘美辰）啦！係好好朋友，我做過佢台灣演唱會嘉賓添，但冇試過一齊住。識咗咁耐經常都有聯絡嘅，但呢兩年少啲，佢住喺北京我喺香港，總之我始終係鍾意男人嘅！」說到潘美辰有否熱烈追求，她就說：「唔覺得喎，佢係男仔打扮但我唔知佢嘅性傾向喎，我又冇問過佢。」潘美辰咁 man，唔問都睇得出啩？

婚禮撻着

09年洪欣與內地演員張丹峰結婚，潘美辰（右二）與陳雅倫都有出席婚宴，有傳潘美辰一見陳雅倫便被其美色吸引，展開追求。《蘋果日報》圖片

潘美辰多次在台灣開個唱， 10年在她的內地演唱會中，陳雅倫更有份上台做表演嘉賓。台灣《蘋果日報》圖片

波蘭新歡

喜歡中性打扮的潘美辰，性傾向一直成疑，去年被指搭上波蘭裔美籍歌手 Joanna Moon， 2人早前更結伴到新加坡。

長居內地

潘美辰近年作品不多，但單靠一首成名曲〈我曾用心愛着你〉，已可唱勻國內，巡迴騷不斷，她更長居北京，走埠登台唱歌，搵埋唔少。

同期出道唱歌

陳雅倫與潘美辰同樣以歌手身份出道，潘美辰 88年起已是創作歌手，名曲包括〈我曾用心愛着你〉、〈我想有個家〉等。陳雅倫則於 85年參加新秀歌唱大賽進身娛樂圈，同屆有李克勤、蘇永康等，但只出過兩張唱片便轉拍電視劇和電影。

潘美辰出道超過廿年成為老牌歌手，近年長駐大陸搵錢。

陳雅倫雖已脫離歌手身份，但間中會被邀請到佛山等內地登台。《忽然 1周》圖片

玩嘢王新蒲竇

李思捷貪玩，毫不避嫌與陳雅倫雙雙夜蒲，據知李思捷最新夜蒲點是尖沙咀的拍板餐廳酒廊，思捷每星期打躉三、四晚，曾經帶女友春卷（王寶寶）慶祝自己生日，而最近則愛帶陳雅倫去玩。

酒廊門口有電視機不斷播放李思捷的相片，其中有他與春卷在場內跳舞。據知該酒廊老闆與思捷相熟，並將投資他開戲，思捷為討好對方亦甘願做生招牌。

. 同性相吸　潘美辰𥄫中北京同居　陳雅倫：好多 TB追我！
http://hot104.blogspot.com/2013/05/tb_15.html. 同性相吸　潘美辰𥄫中北京同居　陳雅倫：好多 TB追我！
http://hittt.blogspot.com/2013/05/tb_15.html