搜尋此網誌

2013年6月6日星期四

口不對心 扮箍煲 張柏文背 Jeana搵女消暑




拍拖初期,柏文同 Jeana經常糖黐豆, sweet到爆。(《忽然 1周》圖片)

探熱針

口不對心 扮箍煲 張柏文背 Jeana搵女消暑

與張柏文拍拖一年的 Jeana(何佩瑜)早前暗示二人感情有變,但男方不願放手,還在微博公開箍煲。

不過,箍煲純粹整色整水!上週五(五月三十一日),一邊氹緊 Jeana的柏文,趁女方人不在港,立即出動覓食充飢,陪索女暢泳。但一發現有人拍照,掩耳盜鈴的柏文即時將索女質俾男性友人帶走,扮冇事發生。

斷正轉 plan

Jeana在微博留言:「原來自己能走出這片森林……向住前面曙光繼續走。」暗示同拍拖一年的柏文分手,不過,上月底女方跟柏文出席江湖叔父陳惠敏娶新抱的喜宴,關係時好時壞。

據了解,數月前開始,二人經常嗌交,有指 Jeana因柏文經常性不忠,忍無可忍,一度搬離跟柏文入住只有半年的跑馬地愛巢,寄居朋友屋企,以示分手決心。見 Jeana玩認真,柏文積極箍煲,奪命追魂 call加長命短訊,希望 Jeana回心轉意,甚至不怕肉麻,公開在微博氹女:「溫暖回憶……會支撐我們走很遠的路。」

箍煲一件事,出去「食好嘢」又另一件事。上週五(三十一日),柏文趁 Jeana出埠開工大好時機,跟兩男帶住三名索女,三對三到石澳鴛鴦戲水。為此,柏文更向友人借咗架戰車,三男三女在石澳解暑至黃昏,原本打算載索女離開的他,發現有人拍照,即轉 plan將索女交託另一男性友人帶走,自己則同另一友人上戰車離開。

上週五(五月三十一日),柏文趁 Jeana不在港,即約會索女去海灘曬太陽。原本一直黐住班索女,但一見有人影相,箍緊煲嘅柏文即把她們推曬俾男友人,自己揸車走。

公開氹 Jeana

柏文日前在微博上載同 Jeana溫馨照片同時,還寫下:「生命中有如沐春風的溫暖回憶,那件事,那些美好,會支持我們走很遠的路!」

縱容細佬的栢芝,一直供養他們生活。就算去年豪龍在深灣遊艇會搞結婚派對,也是栢芝負責找數。

俾栢芝鬧

柏文頻頻出招,確令欲斷難斷的 Jeana心軟,計劃待馬來西亞的工作完成後,再俾多次機會男友。

「柏文唔俾 Jeana出去蒲,但自己就成日趁女友出去開工去飲酒溝女,兩個成日為呢啲事嘈交, Jeana想分手,但每次柏文氹幾氹又冇事。其實成班朋友都希望 Jeana唔好再拖,雖然柏文做緊雪條代理,亦喺網上賣自家品牌衫,但最弊佢玩多過做,冇乜錢賺,好多開支都係 Jeana俾,個個朋友都勸緊佢唔好再心軟。聽講之前 Jeana喺微博暗示分手,即刻俾栢芝鬧,話佢分手都要低調,唔好影響柏文。」知情者說。

對於柏文唔願分手, Jeana有保留地回應:「總之我哋仲係好朋友,希望佢以後勤力啲做嘢,我都想佢好!我大個女,經歷咗啲嘢,依家覺得事業重要啲。」

柏文是陳惠敏新抱,內地女星閻清的媒人,撮合她與陳的兒子 Kif。當晚婚宴楊千嬅及彭浩翔亦是賓客之一。

日前栢芝帶埋兩個仔去日本玩,唔明點解 Lucas可以成日唔使返學!

與 Jeana鬧分手期間,柏文出席江湖叔父陳惠敏娶新抱的喜宴時,與前緋聞女友 Angela同行。

今年初,仍處於甜蜜期的他們由大坑搬去跑馬地,想不到新居未住夠半年,二人就情變。

突解婚約

感情生活一直多姿多采的柏文,最爆的一次是 09年同圈外女友廣發請帖在大除夕於深灣遊艇會結婚,但二人卻在婚前一日吵大鑊,一怒之下柏文取消婚約。結唔成婚,本來包起整個婚宴的栢芝,又要無端端使一大筆賠酒席訂金。有家姐照,一個仙都唔使出的柏文,鍾意話分就分。



. 口不對心 扮箍煲 張柏文背 Jeana搵女消暑
http://hot104.blogspot.com/2013/06/jeana.html
. 口不對心 扮箍煲 張柏文背 Jeana搵女消暑
http://hittt.blogspot.com/2013/06/jeana.html
Related Posts Plugin for WordPress, Blogger...