八卦嘢(八卦野) [八卦o野][日日818] : [壹週刊 1232 娛樂名人] 阿佘發姣功

2013年10月17日星期四

[壹週刊 1232 娛樂名人] 阿佘發姣功

回眸一笑

阿佘呢招交叉手拗腰回眸發電，真係少啲電力、腰力都做唔到。

同你吟一吟

阿佘發姣功

剛回巢 TVB嘅阿佘佘詩曼，上星期三（十月九日）孖住準爸爸陳豪，一齊出席手錶品牌活動。電咗個新髮型，阿佘唔只加咗幾分女人味，佢仲將「姣佘」嘅美譽，發揮得淋漓盡致。

話說當日阿佘以兩套性感戰衣出席活動，一件大露背，另一套曬香肩，露肉多寡，多少能夠反映出酬勞有幾豐厚。受人錢財，阿佘呢日對住兩位手錶外籍高層，一顰一笑姣味十足，其中一位鬼佬，仲忍唔住要錫錫阿佘對玉手。

但活動接近尾聲阿佘樂極生悲，唔小心露出缽仔糕邊。其實當時佢已經發覺唔對路，不斷扯番高件衫，只係一切已經為時已晚。「打底王」老貓燒鬚，阿佘下次發姣功前， check清楚件衫先好。