《變形 4》西九 OT MF,

週日（ 27日），《變形 4》喺香港拍攝嘅最後一日。當日下晝，大隊喺中環拍完外景，即飛車去西九繼續拍攝。由於時間非常緊迫， Mark Wahlberg拍一場揸住新劍形武器畫面，導演 Michael Bay（紅衫者）就好緊張一直望實攝影機，淨係呢個鏡頭，就拍咗差唔多 15分鐘。

FBI

《變形 4》西九 OT

由美國大導米高比爾（ Michael Bay）執導嘅《變形金剛 4》（ Transformers 4），由前週三（ 16日）開始來港取景，其間去過鰂魚湧、深水埗、土瓜灣，仲連政總都炸埋，拍足 12日，週日（ 27日）香港部分嘅拍攝工作終於埋尾。

其他影片

當中一場，講揸住水喉公司「錢七」嘅 Mark載住個女 Nicola同 Stanley等逃亡，佢哋一路飛車一路望實後面大叫。鏡頭其實只影住呢架車，其餘畫面當然係後期 CG搞掂。

當日，一班主角 Mark Wahlberg、新變形女 Nicola Peltz、 Jack Reynor同李冰冰，先去中環嘉鹹街街市，拍攝鬧市追逐戲，之後再轉戰西九海濱長廊對出嘅空地繼續拍。

去到西九，除咗一班主角 Mark Wahlberg、 Nicola同李冰冰外， 3部變形車好似大黃蜂、 Drift同 Crosshairs都有出動，仲不停玩掟灣同飄移，《變形》迷 FBI當然睇到如癡如醉啦！但由於當日係最後一日拍攝，第 2日大隊就要趕去重慶繼續拍，所以拍攝工作好趕，其間 FBI見導演 Michael嫌進度太慢，不斷催促工作人員加快進度。留港期間《變形 4》通常拍到太陽落山前就收得工，但呢日由於係留港最後一日，都仲有好幾場戲未搞掂，所以 Michael亦落 order全世界 OT，天黑照拍，卒之拍到 8點先收得工。原來 OT，荷里活一樣有㗎！

新武器曝光

喺西九仲拍咗一場 Mark Wahlberg同乖女擁抱場面， Michael一直企喺前面教路。拍到太陽就快落山都未拍完， FBI只見 Michael可能見進度未如理想，不斷手指指催促工作人員加快速度。

網上圖片

拍到天黑

劇組拍到夜晚 8點先收工，而李冰冰就拍到 6點幾先行走人。冰冰被成班保鑣圍住離場，因保密協議關係，冰冰一路唔出聲，只肯透露話週一（ 28日）會去重慶繼續拍攝。

之後輪到拍李冰冰載住 Stanley Tucci嘅飛電單車戲，嗰日李冰冰（小圖）雖有到場，但因飛車場面太危險，所以劇組搵咗一個身形瘦削嘅男替身扮冰冰，遠睇真係睇唔出破綻，但近睇替身有喉核㗎！

班演員拍完自己嗰場戲就可以休息，但導演 Michael就不停拍，好似呢場 3架變形車，大黃蜂、 Crosshairs同 Drift極速甩尾戲， Michael亦要親自指揮，騰來騰去好唔得閒。

《變形 4》自 16號喺香港開工，幾乎每日都係一早開工，黃昏前收工，星期日由於係留港最後一日，但仍未拍完，所以入黑後仍要開大光燈繼續拍，拍到 8點先收得工。

. 《變形 4》西九 OT MF,
http://hittt.blogspot.com/2013/10/4-ot-mf.html. 《變形 4》西九 OT MF,
http://hittt.blogspot.com/2013/10/4-ot-mf.html