搜尋此網誌

2013年10月22日星期二

千嬅家庭樂 丁子高湊仔又搣又啜 丁子高,楊千嬅,千嬅,

video


千嬅家庭樂 丁子高湊仔又搣又啜

素顏千嬅全家躝街 丁生啜仔曬父愛

【銅鑼灣利園】楊千嬅最近雖然忙於拍電影《單身男女2》,但都會抽時間陪老公丁子高同囝囝Torres,好似前日家庭日,佢哋一家三口又出動,同行仲有千嬅媽咪同工人。佢哋前日下晝5點左右一齊喺銅鑼灣利園商場睇BB用品,當時Torres坐咗喺張BB凳試坐,跟住素顏嘅千嬅同丁子高喺度密斟研究,幫囝囝揀凳都好認真,而一歲嘅Torres好乖,全程冇扭計。Torres兩邊鏟曬青,中間頭髮全部豎起,睇落好型仔好可愛。咁抵錫,又難怪千嬅兩公婆揀揀嚇期間輪住「曖」囝囝,丁子高後來仲忍唔住搣囝囝面珠,真係好肉緊。



■Torres兩邊鏟青髮型好型仔,佢試凳時仲笑笑口望住媽咪千嬅。

訂BB用品

冇幾耐,千嬅兩公婆發現記者影相,千嬅第一時間戴番副墨鏡,而丁子高就抱起囝囝行入舖頭最入面睇小朋友衫,睇睇嚇丁子高又忍唔住錫咗個仔幾啖,父愛爆棚。另一方面,千嬅揀完一輪嘢就落柯打埋單,相信佢哋訂咗啲BB用品叫舖頭送貨,所以離開舖頭時兩手空空。記者問丁子高係咪幫囝囝換季買衫,佢就話:「唔係,普通行街箒。」千嬅就話:「我哋成日躝街㗎啦,個仔似我呀。」跟住就笑笑口同家人離開。

採訪、攝影:徐錦池



■丁子高望幾望之後,肉緊到搣囝囝面珠。



■抱囝囝睇衫期間,丁子高忍唔住錫Torres幾啖。



■素顏楊千嬅前日家庭樂同老公囝囝睇BB用品。DV圖片



足本收睇《亂噏24》x陳慧琳;之後有請搞笑孖寶鄭中基穀德昭玩轉再玩轉!

周一至周五《亂噏24》約定你:http://bit.ly/appletalk24



.千嬅家庭樂 丁子高湊仔又搣又啜 丁子高,楊千嬅,千嬅,
http://hittt.blogspot.com/2013/10/blog-post_7415.html
.千嬅家庭樂 丁子高湊仔又搣又啜 丁子高,楊千嬅,千嬅,
http://hittt.blogspot.com/2013/10/blog-post_7415.html
Related Posts Plugin for WordPress, Blogger...