搜尋此網誌

2013年11月6日星期三

斷藥暴肥 20磅 復出 DaDa:諗過自殺 MF,




29/10 最後覆診

DaDa上週二(上月 29日)出現中環曾繁光診所所在大廈,表示要減少食抗抑鬱藥,但對自殺傳聞則未有回應。

封面

斷藥暴肥 20磅 復出 DaDa:諗過自殺

陳靜( DaDa) 3個月前退出娛樂圈,《喜愛夜蒲 3》需臨陣易角,經過一輪潛水,上週又突然宣布復出,本週二( 5日)身形暴脹的她開記招向公眾道歉。

據 DaDa身邊好友透露, DaDa因為醫治情緒病要食抗抑鬱藥而出現嚴重水腫,加上休息期間食多過做,令體重曾暴升 20磅,抑鬱症發作時更想過自殺,幸好得到好友開解才捱得過。

上週 DaDa現身中環精神科醫生曾繁光的診所所在大廈外,疑似覆診,她向記者承認已開始減藥,家陣雨過天青, 24歲大把前途啫!

其他影片
  • 11月 5日 Dada陳靜道歉記招鞠躬 8秒

今年 8月初,陳靜( DaDa)突然玩失蹤,單方面於微博宣布因壓力過大要退出娛樂圈,連導演錢國偉正準備開拍的《喜愛夜蒲 3》都要即時換角頂上,經理人施念慈( Celia)亦要公開「通緝」 DaDa及追討損失。

1/11

發福 DaDa全身包冚,同師妹 Liz(李莉琳)出發去泰國度假,承認復出幕前。

《蘋果日報》圖片

華欣喪食

同門師妹 Liz與 DaDa到華欣度假, Liz週一( 4日)將 2人煮飯仔照片放上 Instagram,但 1小時後便刪除了。

網上圖片

喊住認錯

不過 DaDa退出只不過 3個月,便突然戲劇性地宣布復出,有指 DaDa喊住向 Celia認錯,及願意將剩餘的 6年合約加至 10年,抽傭比例不變。本週二( 5日)更開埋復出記招,正式跟經理人施念慈冰釋。

復出一切回復正常,但據 DaDa身邊好友透露, DaDa曾試過抑鬱症發作時情緒失控:「佢嚴重嘅時候會瞓唔到覺,仲同朋友講諗過自殺……曾繁光醫生(精神科)逐個月開啲藥畀佢食,先慢慢康復!」

索爆變肥爆,友人解釋 DaDa事非得已:「係因為 DaDa食咗隻藥會出現水腫,加上佢放咗 3個月假,之前去澳洲避世,啱啱喺泰國華欣旅行又亂食嘢,肥咗成 20磅呀!所以上個月尾開始減藥,要減肥囉!」

而起初聲稱嬲到震要告 DaDa的施念慈終回心轉意,原來全因 DaDa曾拉埋媽咪出面道歉:「其實喺 9月 2號 Celia發出最後通牒前一日, DaDa就搵佢認錯,呢 3個月嚟前後聯絡過 5次,佢仲試過帶埋媽咪去求 Celia原諒添,佢媽咪對 Celia講:『我個女唔識諗』、『帶畀你好多麻煩』之類, Celia見佢咁有誠意,至決定唔告 DaDa同埋再畀機會佢咋!」身邊好友續說。

覆診前 DaDa與女友人逛屈臣氏,買了幾樽維他命丸,養好身子為復出再拼搏。

𠵱家都好番好多!

真實對白

黑色巨躉

DaDa表示多謝關心,雙手合十後乘保母車離去,其間見 DaDa個躉明顯未減曬,好巨。

孖 Jeana解悶

好友 Jeana(右)在 Instagram貼出跟 DaDa的合照, DaDa睇落幾精神。

8月尾 DaDa退出後仍有同 Jeana遊夜水,唔使做的確幾悠閒。

DaDa最近轉睇曾繁光醫生(小圖),早前則由羅允堂醫生證明她患中度抑鬱, DaDa更向施念慈出示醫生紙表示需要休息。

《喜愛夜蒲 3》要抽起她的主線劇情,改由許亦妮當女主角。

努力𢱑舊客

DaDa退出前除了《喜愛夜蒲 3》之外,已接下兩部港產片及一套內地片,兼已收了部分片酬;《喜》已由雨僑頂上和新加入許亦妮補位,其餘則要靠 Celia再接洽才能確定是否續用 DaDa;杜汶澤年尾開拍的喜劇則仍然預咗 DaDa。

引退這三個月, DaDa甩底四個代言活動,幸好經施念慈努力解釋,百果園和 spa collection仍願由 DaDa代言,而前藝人姚樂怡本月 17日於新蒲崗 Mikiki Mall搞的商場騷,亦已落實搵 DaDa做聖誕亮燈嘉賓。據知施念慈這次「再接收」 DaDa,為要防止她再潛水,除了加簽至 10年賣身契外,條款亦註明若結婚,必須於 6個月前通知公司等「辣招」,免她搵到好碼頭「閃婚」又唔撈。

由大怒到攬番,施念慈這樣回應:「見佢情緒比之前好番少少,試吓畀佢面對傳媒囉!佢上次太衝動,如果同公司商量吓會好好多囉!(係咪會同錢國偉道歉?)對個個都應該道歉,好彩啲客戶都支持佢復出。」

上週 DaDa宣布復出前,本刊記者發現她步出中環萬邦行,正是其主診精神科名醫曾繁光診所所在,似乎是去覆診。離開時 DaDa表示:「其實一路都減緊藥,多謝關心!」對於藥物可能引起副作用, DaDa就話:「𠵱家都好番好多,最主要係休息嘅,休息咗一段時間。」就匆匆上車離去,未肯回應是否曾經想過自殺。

加監 4年

DaDa今年 4月奪得「金像獎最佳女配角」,還同施念慈慶祝,誰知 8月 DaDa就玩失蹤,上週五( 1日),更有報道指 DaDa公開斟茶向施念慈認錯。

開記招謝罪

週二( 5日) DaDa好豪咁喺美麗華酒店 18樓 ball room一角搞復出記招,雖公開謝罪,卻講明不設問答,似足巨星。

DaDa息影,有傳是因《低俗喜劇》出品人周焯華,人稱「洗米華」賞識,點知得個桔。

周焯華

三個月鬧劇

DaDa由突然退出稱想「回到原來的生活」,到上週復出向施念慈斟茶認錯,三個月前劇情峰迴路轉。

8/8 微博發布

DaDa突然在微博宣布退出幕前:「家庭、情緒、健康和感情問題……我要退出幕前演員工作,回到原來的生活。」翌日再留言:「基於情緒病及心理狀況醫生建議我停止所有手頭上有關幕前的工作……我只想做個簡單的人……有個愛我又只屬於我的男人,着衫隨便但不用暴露……」隨即失蹤連經理人都聯絡不上。

9/8 全面停工

DaDa經手機訊息通知經理人施念慈,要求全面停工及出示醫生紙請病假至 9月 1日。施念慈發出聲明表示將法律追究。

10/8 忽然補戲

DaDa突然到彭浩翔執導的電影《曼珠莎華》現場補戲,其間閃縮避開記者,只低聲說:「 Sorry唔好意思,目前畀少少空間我,唔該。」

20/8 臨時易角

報道指錢國偉決定由許亦妮代替 DaDa做《喜愛夜蒲 3》女主角。

22/8 澳洲散心

有讀者指在澳洲墨爾砵的皇冠賭場撞見 DaDa,氣色唔錯;翌日 DaDa在微博放上風景照,並說:「讓你難過的事情,有一天,你一定會笑着說出來。」

31/10 承認復出

DaDa暴肥現身機場,表示飛往泰國度假,並承認復出。

仲有機會

DaDa忽然復出,之前慘遭放飛機的錢國偉依然未嬲完,而一直撐 DaDa的杜汶澤則說:「萬一佢再想退出,都要早啲話我知。」人哋唔會無止境畀機會你, DaDa今次要珍惜啦。

錢國偉

前兩日佢(施念慈)先同我講,如果 DaDa返嚟都雪佢幾年,𠵱家睇落唔多似。

杜汶澤 

如果佢決定復出都要做好心理同生理上準備,好似要減肥,萬一佢再想退出,都要早啲話我知。

姚樂怡

同 DaDa合作過 6、 7次,表現幾好吖,所以 Mikiki個商場騷我再用佢。情緒病係冇得控制,值得原諒吖!

揸磚頭儲錢

DaDa陳靜一向食腦,努力拍電影洗𡃁模底之餘,仲識買樓投資保值,雖然現時暫租住西九奧海城,但其實佢有一 400萬細價樓揸手,之前賣長沙灣泓景臺都執 142萬, 24歲女算好勁囉!

長沙灣泓景臺

13年賣出 賺 142萬

深水埗景怡峯

12年 7月買入 市值約 400萬



. 斷藥暴肥 20磅 復出 DaDa:諗過自殺 MF,
http://hittt.blogspot.com/2013/11/20-dada-mf.html
. 斷藥暴肥 20磅 復出 DaDa:諗過自殺 MF,
http://hittt.blogspot.com/2013/11/20-dada-mf.html
Related Posts Plugin for WordPress, Blogger...