搜尋此網誌

2013年11月6日星期三

情歸老外 選完港姐等運到 亞軍蔡思貝流浮山湊鬼 蔡思貝,港姐,MF,




18:15長堤漫步

蔡思貝同新歡老外流浮山睇完日落,更短褲長腿 look沿住長堤步行成個鐘到街市食海鮮。住過德國同鬼仔拍拖冇咁港女。

真面目

情歸老外 選完港姐等運到 亞軍蔡思貝流浮山湊鬼

港姐形象一向要大家閏秀兼玉潔冰清,公開拍拖基本上係禁忌。

應屆港姐冠軍陳凱琳,便率先表態守身如玉,講明婚後先有性行為。但亞軍蔡思貝相反,德國留學鬼妹性格,選前已被爆同東歐立陶宛男友剛分手。估唔到當選後兩個月即有新歡。上週日( 27日)被拍得同新歡 6呎金毛外籍男拍拖,二人由又一城出發,再搭車去元朗流浮山睇日落。想喺 TVB撈,做港姐都係避忌啲好!

22歲蔡思貝( Sisley)喺德國讀過 4年書。主修冷門科目民族學,性格鬼妹仔乜都 open,選美期間 facebook唔加密保安,同立陶宛前男友嘅親密照亦冇刪除,蔡思貝更加唔避忌:「我覺得冇問題,所以唔刪。」

今年港姐票後陳凱琳(右)有 17萬網民支持;而亞軍蔡思貝都有 11萬,都算有民意基礎。

陳凱琳受歡迎,加上無綫等人用,好快已推佢出嚟接 job,下年套重頭劇《廣東五虎》又將有份拍。陳更自爆係處女,港姐處女黨又有新成員加入。

海邊睇日落

戀愛大過天,當選為亞軍後。蔡思貝原來已有老外新歡。上週日( 27日)出席完港姐活動,蔡思貝即約 6呎高外籍新歡在又一城會合,其間雖有人認出蔡思貝為今屆港姐亞軍,但蔡思貝拍拖仍然大方,行完商場二人更不怕山長水遠,坐西鐵再轉的士到流浮山睇日落,再於海邊長堤漫步兩公里食海鮮, 22歲女仍然好享受浪漫。

蔡思貝雖貴為今年港姐亞軍,但根據無綫慣例,得獎佳麗通常要擺足一年先正式有嘢做,像冠軍陳凱琳般極速有劇拍的實為少數,難怪蔡思貝可以同新歡 hea足一日遊山玩水。對於同新歡拍拖,蔡思貝上週五( 1日)出席東華三院活動,本刊欲將拍拖照給蔡思貝睇時,她經理人即緊張地代答:「我哋趕時間,唔會答!」想問吓拍咗幾耐拖啫,唔使咁緊張喎!

六小時漫遊

要做一年港姐親善大使,亞年蔡思貝起碼要到下年 5月先有機會拍戲,家陣冇乜細藝,難怪可以同新歡由九龍塘拍拖到流浮山。

14:08細心照顧

蔡思貝一見新歡,即上前幫佢整理斜孭帶。認真細心。

14:07買埋香檳

四眼新歡外形就薯啲,但勝在有情調,約蔡思貝前更買定枝香檳。

15:15慳家女友

蔡思貝非一般港女,同新歡拍拖平民化,一齊搭西鐵亦冇所謂,之後食茶記一樣唔會黑面。

1/11唔畀回應

上週五( 1日),蔡思貝同陳凱琳一齊出席活動,本刊想問吓蔡思貝同新歡拍拖幾耐兼點識,不過佢經理人(左)就好盡責代蔡思貝答話:「我哋趕時間!」

選前飛仔

蔡思貝喺德國讀書期間,曾經同立陶宛籍男友 Deividas Puplauskas拍拖兩年多。不過蔡思貝話選美前已分手。

亞軍難發圍

港姐雖然係入行捷徑,不過近年選得亞軍嘅星途都未有邊個標青,暫時最好成績係最近被指搶鏡王嘅處女黨首領王君馨。另外上年亞軍黃心穎今年算開始發力。至於 11年朱希敏、 10年張秀文,大家仲記唔記得係邊個咩?

上位代表

王君馨

07年亞軍王君馨除拍劇之外,亦唱得跳得,早前喺《星夢傳奇》表現出眾。嚟緊仲有機拍住星夢幫出碟,但最令人有印象都係佢表情誇張,守身如玉,堅持將處女留畀老公。

失蹤人口

張秀文

10年亞軍張秀文, J2主持工作算多,網民對佢最有印象係同蘇民峰主持《食得峰騷》,可惜之後都冇乜代表作。

朱希敏

11年亞軍朱希敏, 5呎 9嘅佢有標準模特兒身形,上年主持過一個節目《香港美食 100強》後,暫未有工作。



. 情歸老外 選完港姐等運到 亞軍蔡思貝流浮山湊鬼 蔡思貝,港姐,MF,
http://hittt.blogspot.com/2013/11/mf_6.html
. 情歸老外 選完港姐等運到 亞軍蔡思貝流浮山湊鬼 蔡思貝,港姐,MF,
http://hittt.blogspot.com/2013/11/mf_6.html
Related Posts Plugin for WordPress, Blogger...