搜尋此網誌

2012年10月18日星期四

[壹週刊]16年 婚姻 危機  47歲 扮o靚妹 羅霖 北京 瘟花o靚




娛頭

16年婚姻危機  47歲扮 𡃁妹 羅霖北京瘟花 𡃁

2012年10月18日

結婚十六年,育有三子的羅霖被傳和劉坤銘婚姻有暗湧,去年中舉家回流香港後,婚姻不穩傳聞不絕於耳,甚至有指兩人之間出現第三者。上週五(十月十二日),記者目擊年屆四十七歲、身穿黑喱士花絲襪超短褲,一副戰鬥格的羅霖現身北京夜店,同行尚有一名年約二十多歲的年輕男子,兩人態度親暱,蒲完消夜直落,淩晨五點,始結伴返回酒店。

留港工作的丈夫劉坤銘,拿 著老婆瘟仔相,露出冷笑:「你 哋問番羅霖喇!」

教友圈傳婚變

去年中,羅霖( Candy)和劉坤銘舉家從上海回流返港,重新活躍本地社交圈,同時間兩人婚姻出問題的傳聞,亦開始於基督徒圈子間流傳。

「 Candy有同教友呻過婚姻出問題,仲話想搵律師搞手續離婚,不過劉坤銘就唔想分開,仲想挽救段婚姻。」知情者說。

婚姻關係不穩,傳兩人之間出現第三者。今年六月,有指已經四十七的羅霖與亞洲先生林睿過從甚密,甚至主動幫林睿搵 job,兩人又經常在微博有互動,態度曖昧。不過,原來除了林睿,近年羅霖身邊不時有年輕男仔為伴;有時甚至玩通宵,夫妻感情危機,愈來愈浮面。

放大圖片

鬼祟繑手

放大圖片

冧爆甜笑

年輕北漂陪玩

一○年移居上海的羅霖,曾向外宣稱投身做經理人,成立模特兒公司。

「當時 Candy孭住個亞姐銜頭 喺上海開公司,識落一大班俗稱『北漂』、一心想成名嘅富二代,經常約埋一齊出街、夜蒲,有時玩到連老公都頂唔順,先決定成家搬返 嚟香港。」

不過,婚姻未見有轉機。羅霖對內地生活似乎非常眷戀,每月例必撇低老公同三個仔,飛北京或上海。

「自從 Candy打算離婚後,就經常返北京、上海玩,由今年七月到十月,已經返 咗大陸五次,每次都有後生仔陪玩,一齊唱 K食飯蒲夜店,同佢玩開嗰班後生仔,個個家境富裕,每次出 嚟玩都負責埋單找數,仲管埋接送,相當殷勤。」

放大圖片

前言不對後語

變番端裝,但依然著低胸裙的羅霖回應婚變傳聞,雖然小心翼翼,但講多錯多。

放大圖片

老公劉坤銘睇相冷笑

睇到羅霖在北京瘟仔相,劉坤銘冷笑,更有意擸相即走。

放大圖片

回春瘟仔戰衣

四十有七的羅霖,在北京瘟仔突然回春,著牛仔熱褲加黑網絲襪,戰鬥格出動跟 𡃁仔新歡唱 K。

放大圖片

有女友做掩護,食完消夜的羅霖左手拖女友,右手則繑實 𡃁仔新歡去攞車,十分 sweet。

與花 𡃁返酒店

上週五(十月十二日)淩晨時分,記者目擊身穿白色上衣、超短褲襯黑色喱士花絲襪,即使五張在望,依然戰鬥格的羅霖,現身北京工人體育館旁的 MGM酒吧,同行有一名年約二十多歲的黑衣年輕男子及數名女性朋友。

淩晨四時,羅霖和該年輕男子及一名女性友人離開夜店,一行三人登上該年輕男子的寶馬,前往位於二環,俗稱鬼街的一家川菜店食烤魚消夜,其間有多一名男子加入,食到淩晨五時,兩啤人離開川菜館,羅霖上了年輕男子的坐駕,同返王府半島酒店後,直至翌日早上,仍未見兩人離開。

據知情人士透露,該年約二十多歲的年輕男子名王嶠,亦是「北漂」族,曾留學英國,家境富裕,羅霖每次到北京,他例必管接管送。

第二晚(十三日),兩人繼續孖咇出動,到北京人氣卡拉 OK「 Vicks」消遣,直至深夜始各自離去。

星期日(十四日),羅霖獨自離開酒店,到機場搭飛機回港,返回跟劉坤銘同住的西半山慧苑寓所。

「 Candy其實好想搬出 嚟,早排已經周圍同朋友講,已經同老公分居,好想搵屋搬,依家因為西半山間屋租約未滿,佢唔想開支一闊三大,所以暫時仲同老公一齊住。」

放大圖片

今年初,轉口味嗒 𡃁仔的羅霖,帶住十八歲亞洲先生林睿周圍出席活動,有 𡃁仔做伴,羅霖更悉心打扮,夾胸出動。

放大圖片

九八年,羅霖跟劉坤銘孖咇恩愛去 ball,當時的她仍然圓臉,下巴未變尖。

放大圖片

愈變愈「塑」

○一年,依然是幸福少奶奶的羅霖,著低胸裙時,心口平坦。

放大圖片

一○年,不時返港出席活動,開始再度活躍 ball場的羅霖,無論樣貌身材都變得如塑膠般堅挺,狀態回春。

暗示婚姻出問題

本週一(十五日),羅霖出席公開活動前,並對本刊記者回應有關她的婚變傳聞。

壹:聽聞你同老公搞緊離婚?

羅:冇!邊個咁講!

壹:老公係咪唔鍾意你成日飛(返大陸)?

羅:我點會成日飛,我要湊仔!

壹:咁夫妻間係咪出 咗問題?

羅:一段感情一定有高有低,但暫時未去到呢個離婚階段。

接 著羅霖趕住出發到會場,到活動結束,她繼續回應婚變傳聞。

壹:外面傳你搵 咗律師搞緊離婚?

羅:冇搞緊!

壹:咁係咪有第三者?

羅:冇第三者!絕對冇!

壹:老公係咪唔滿意你去北京、上海?

羅:其實有時唔滿意係雙方,唔係單方面囉!夫妻雙方要包容!如果鍾意對方,有時缺點都會變成優點 嘅。咁暫時到目前為止,都未開始搞離婚手續!

放大圖片

06年仍然以家庭為重的羅霖,以師奶打扮跟劉坤銘帶住兒子出席活動。

放大圖片

掛住「仁美」主席銜頭,成日出門做慈善的羅霖,不時放相上微博,大曬自己有幾忙。

放大圖片

今年九月,羅霖罕有叫埋老公去黑龍江做慈善活動,據知,此次活動由劉坤銘扯線,所以他一定要出席。

放大圖片

早前出席活動,回春羅霖著緊身金色短裙,大曬弗爆身材,𠌥低身時更露半球。

劉坤銘否認婚變

本週二(十六日)早上,記者到劉坤銘位於上環信德中心的辦公室找劉坤銘,對離婚傳聞,他一口否認:「冇!唔係!」當記者向他展示羅霖與王嶠在北京夜蒲的合照時,他面色一沉,皺眉說:「呢 啲係 Candy嘅朋友,我唔清楚!」並企圖從記者手上拿走照片。

記者提到羅霖與王嶠淩晨結伴返酒店,劉坤銘冷笑一下,然後說:「你 哋問番 Candy喇!」

瘟仔行蹤

自言唔係成日去內地的羅霖,由七月至十月,未計「仁美清敍」活動,四個月內飛五次北京、上海夜蒲,更在微博唔覺意踢爆瘟仔行蹤。

放大圖片

七月中上海自由行

放大圖片

八月尾北京超級跑車開張 party

放大圖片

九月中北京超級跑車俱樂部

放大圖片

九月尾上海 White Night party

共患難

曾做空姐的羅霖, 91年參選「亞洲小姐」獲冠軍,拍過多部亞視劇集, 95年轉投無 綫後,因拍《真情》飾演「雙雙」一角廣為人識。當選亞姐後不久,羅霖即和劉坤銘拍拖,二人於 96年結婚,並分別於 96年及 98年誕下長子及次子, 05年生完細仔後宣告停產。

劉坤銘於 97年遇上金融風暴, 98年底財政出現問題, 00年更被太平洋電訊有限公司入稟高院申請破產,雖然其後獲撤銷申請,但當時劉坤銘的事業已陷入低穀,羅霖 02年復出賺錢,與丈夫同度難關,有情有義,可惜此情不再。

離婚亞姐

被外界喻為「最正派、最高貴」亞姐的羅霖, 16年婚姻現危機;亞姐婚姻觸礁,大有先例!

黎燕珊

85年亞姐冠軍黎燕珊, 92年與邵氏出身的演員劉永結婚,成為劉永第二任妻子,婚後育有一子一女。婚姻踏入第八年,夫妻關係惡化,黎燕珊要求離婚,並向高等法院申請禁制令,禁止劉永接觸自己及子女,兩人於 04年正式結束婚姻關係。

黎淑賢

95年亞姐亞軍黎淑賢,同年與動作演員盧惠光拍拖, 98年意外懷孕後,兩人註冊結婚,並於翌年誕下長子盧俊諺,同年十一月補擺喜酒。婚後雖多次傳出二人婚變, 05年十月誕下細仔盧俊希後, 06年終於離婚。黎淑賢於 07年再婚,下嫁美容醫生許智政,先後為對方誕下兩子,但最近老公被傳媒拍下當街攬啜新女斷正,婚姻再亮紅燈。

翁虹

89年亞姐冠軍翁虹, 03年與拍拖只有 8個月的美國大西洋賭場副總裁伍偉傑閃婚,可惜婚姻維持兩年便離婚收場。之後翁虹復出拍劇,並於 07年 1月下嫁擔任專業健身管理師的劉倫浩,同年 10月誕下一女。



Related Posts Plugin for WordPress, Blogger...