搜尋此網誌

2012年10月18日星期四

[FACE]禁獄生活 激瘦 45磅保釋 劉公子:冇契仔嚟探我

瘦到現筋 <br><br>暫時「放監」,劉公子著番入獄前著過的 Givenchy T恤到銅鑼灣希慎行街,塊面雖然已比起剛放監時多番 啲肉,但條頸就瘦到現曬青筋。佢話:「瞓得安心 咗,壓力冇咁大,食 嗰方面,唔敢一下子食咁多。」


真面目

禁獄生活 激瘦 45磅保釋 劉公子:冇契仔嚟探我

2012年10月17日

轟動一時 嘅男藝人艷照案主角, 62歲劉公子(劉定成), 6月時被裁定非禮及刑事恐嚇罪成判監 17個月,上週四( 11日)申請上訴期間保釋外出並獲批准,劉公子得以暫時「放監」。

入獄前風騷的劉公子,經過 4個多月牢獄生涯,週日接受本刊獨家訪問,劉公子除披露體重急降 45磅,更大嘆人情冷暖,不願再提眾契仔及男星。「冇契仔 嚟探我……我之前真係玩得大 咗!」


出身富裕家庭,家住跑馬地,人稱劉公子的劉定成,早前因非禮及刑事恐嚇罪成判監 17個月。身為廣東銀行行長霍芝庭後人,含金鎖匙出世,習慣全身名牌,一直食好住好的劉公子忽變階下囚,自然難以抵受牢獄煎熬。上週四( 11日)申請上訴期間保釋外出時現身法庭,經過 4個月的牢獄生涯,身形由以往飽飽滿滿變成火柴人,面部更凹陷,行路亦左搖右擺,似要被風吹起。

放大圖片

契仔反面

放大圖片

上週四( 11日)劉公子「放監」,滿頭白髮嘅佢被傳媒形容瘦咗 23磅,但佢向本刊獨家披露,瘦咗 45磅先真。

放大圖片

羅仲謙:對劉公子冇回應!

放大圖片

翟威廉:件事由得佢過去啦,唔想再提!

放大圖片

陳志健:冇回應!

放大圖片

袁偉豪:希望佢好彩啦!啲相我唔使攞番,普通 styling相啫。

行誠品食$98拉麵

入獄前劉公子相當風騷,對男記者有問必答,但踎了 4個多月監後性情大變,變得沉默寡言,對傳媒追訪亦封口,只以微笑回應。本刊自劉公子於週四「放監」後連日追訪,週日( 14日)劉公子趁天氣好離開跑馬地住所往銅鑼灣希慎廣場行街才願意受訪,他更首度披露獄中生活:「 喺入面(監獄)都係睇嚇報紙,知道有個新商場開咗,咪去睇嚇。」之後更到誠品書店買咗一大堆感謝咭,不過劉公子話未諗到送畀邊個。記者再陪他到 foodcourt,他點了 98元的炸蝦拉麵,邊食邊感慨:「當你試過乜都無得食,就會好珍惜㗎喇!」

獨立囚禁冇鏡照

當日銅鑼灣人頭湧湧,唔少途人認出劉公子都大叫。記者與他逛完商場食埋飯,劉公子亦心情輕鬆,開始有問必答,但當提及契仔( 4anda成員盧昕傑)及其他男藝人名字,如羅仲謙及袁偉豪等,他即時封口,「邊個契仔呀?我邊有呀?我想搵契爺添呀,哈哈……。」

對於體重急降原因,他表示:「我 喺入面唔知自己係點樣,我獨立囚禁。入面無鏡照,只得塊好矇 嘅鐵皮,隱約見到少少樣,佢哋叫『哈哈鏡』,我返到屋企先知自己變成咁,我都嚇 咗一跳,原來我瘦 咗 45磅。(由於獨立囚禁) 4個多月 嚟冇人同我傾過偈,係食飯先可以睇報紙。真係好難捱,好悶,我每日做 300幾下掌上壓呀。我唔會再亂講 嘢,上次……真係玩大 咗……我家會好珍惜每一日。(契仔有無 嚟探過你呀?)冇呀,冇人 嚟探過我。」

據知,劉公子的上訴聆訊最快可望於明年 4月底進行,現以 5萬元現金保釋外出,並交出旅遊證件等候聆訊。

出獄遊老銅

劉公子一直嬌生慣養,要踎監真係苦不堪言。上週四保釋後,劉公子叉足 3日電,週日出動去銅鑼灣行街街,行 咗 4個鐘。食拉麵、行書店又揀名牌恤衫。

放大圖片

工人護送

週日( 14日)劉公子由傭人護送下出街 shopping,記者見他行路相當緩慢,過馬路要左右望十幾次先敢行過去。

放大圖片

捐紅衫魚

行到銅鑼灣 Sogo遇到籌款,劉公子即捐 咗 100蚊。

放大圖片

狂擦拉麵

去完誠品買感謝咭,劉公子即到樓下 foodcourt食日式炸蝦拉麵。他說:「 𠵱家有得食就得喇!乜都冇所謂。」

放大圖片

劉公子到銅鑼灣 I.T試衫,試 咗件 4,000幾蚊 嘅 Ann Demeulemeester黑色恤衫及 6,000幾蚊外套,最後冇買,期間更問記者:「有冇辦法幫我買到 1月嘅東方神起演唱會呀?我要最貴㗎!」

放大圖片

轉冧韓仔

東方神起

瘦到現筋 <br><br>暫時「放監」,劉公子著番入獄前著過的 Givenchy T恤到銅鑼灣希慎行街,塊面雖然已比起剛放監時多番 啲肉,但條頸就瘦到現曬青筋。佢話:「瞓得安心 咗,壓力冇咁大,食 嗰方面,唔敢一下子食咁多。」

黃國桐律師:刑期可加可減

劉公子只坐了 4個多月監就獲保釋回家, 黃國桐律師話上訴如果失敗,劉公子分分鐘要加監:「 𠵱家保釋好似好著數咁,其實唔係,因為上訴判決刑期可加可減,法官可以將刑期加長,亦可以維持原判,但如果佢唔講明可扣除 4個月(刑期)的話,咁就由監房監頭決定,當然亦可以縮減啦,所以 𠵱家未可以樂觀住。」

4個月牢獄生涯

劉公子親爆獄中生涯,雖然唔使剪草、摺信封、印咭片,不過懲教署安排他獨立囚禁,相當苦悶,連同其他囚犯傾偈 嘅機會都冇,簡直係度日如年。

放大圖片

日做 300掌上壓

劉公子 喺獄中由於無所事事,所以每日做 300幾下掌上壓,佢話:「呢幾日冇做喇, 嗰陣悶 啫,有咩好做呀唔係?」

放大圖片

冇鏡用

一向相當貪靚 嘅劉公子, 喺獄中原來未見過自己個樣,他說:「得塊鐵皮隱約見到自己個樣,我連時間都唔知,冇鐘冇手表。」

放大圖片

傾偈都冇

被獨立囚禁 嘅佢,食飯、沖詠自己一個人,冇人同佢傾偈,最 relax係可以睇報紙。他說:「份報紙好多抽起曬,冇波經、馬經,有少少性感相都會被抽起。」



Related Posts Plugin for WordPress, Blogger...