搜尋此網誌

2013年1月23日星期三

無綫姐仔爭做《一代宗師》妓女




無綫姐仔爭做《一代宗師》妓女

真面目

分秒必爭 入選Jeana:出鏡兩秒我當贏

第296期

《一代宗師》上映一星期狂收 1,200萬(國內更已過 2億),王家衞終於都有賣座冠軍。

王大導出名仔細,由選角到布景陳設都一絲不苟,連過鏡的金樓藝伎,一樣都挑花咁執。最威係明知角色只係過鏡妓女兼零發揮,王大導一吹雞搵人,大班無綫姐仔仍仆住去面試,最後爆冷由梁政玨同o靚妹李綺雯和陳美詩入圍,每人收 8萬蚊做妓女,難怪非無綫族類但仍有兩秒鏡頭的 Jeana囂說:「有兩秒我當贏咗!」

出名慢工出細貨嘅王家衞拍《一代宗師》用咗 17年時間。主角梁朝偉、章子怡、張震為拍呢套戲,練足 3年功夫,練八極拳練到攞全國八極拳冠軍,就知王導拍片幾認真。



《一》片重頭戲,偉仔同章子怡喺金樓大戰,同一班藝伎同場,除咗劇照中影唔到嘅無綫姐仔同o靚模,其餘嘅都係國內演員,有啲係特約演員,好似喺梁朝偉身後呢位內地演員(箭嘴),原來係廣州電視台嘅藝員何文婷。



何佩瑜

佢叫我唔好似砵蘭街嗰啲。



出鏡 1秒

梁政玨

導演(王家衞)教我撥扇!



冇份出鏡

李綺雯

預咗見唔到我!有得拍已經開心!

3姐仔入選



除了王大導要求高,禦用美指張叔平亦一絲不苟,連班藝伎嘅衣服同首飾全部由頭到腳跟足,難怪同王家 衞咁夾。

王家衞對大牌明星認真唔奇,估唔到對過鏡冇對白嘅演員都超嚴謹。戲中主要場景妓院金樓,入面有好多飾演藝伎嘅女角色,原來王導都要精心挑選,王大導更試過去無綫搵姐仔,有份面試 嘅分別有姚子羚、龔嘉欣、陳爽、陳美詩、梁政玨、李綺雯等十幾人。不過最後只得陳美詩、梁政玨、李綺雯 3位入選,而有份出鏡的更只得梁政玨一人。據知面試要即場被副導試戲,內容係飾演賣藝不賣身藝伎,太姣太浮誇都會即場被 out。

姣誇即 out



王家衞出名仔細,每次開工打燈都用上 10小時,每一個鏡頭都一定親自拍攝,事前亦會同演員溝通。

最終 3位無綫姐仔及o靚模 Jeana成功突圍做藝伎,為期一個月拍攝期,實則開工只有 10天,不過每人有 8萬蚊酬勞勁好 pay。而不用開工 嘅日子,就要上堂跟老師學習儀態、舞蹈、食煙姿勢等。最誇係每一位現場演員,即使係臨時演員 嘅衫都係張叔平親自修改,飾物亦係由張叔平親手戴上。有份演出 嘅李綺雯說:「前年去試鏡,一入片場就唔可以影相?喇!我哋啲衫全部由張叔平親自處理,瘦咗都會修改。出場前仲幫我哋噴香水。總之成個環境務求要大家一入片場就入曬戲,酬勞有 8萬?!」有 1秒出鏡的梁政玨則說:「估唔到有 1秒囉,王導演好好人呀,佢仲教我點樣撥扇!」至於最後亦有份出鏡兩秒嘅 Jeana(何佩瑜)就話:「個副導叫我唔好姣,唔好似砵蘭街啲囉,叫我要誘惑佢,結果出嚟宋慧喬有 6分鐘,張智霖有 6秒,我有兩秒出鏡,我當贏咗!」

TVB

被 out大軍

據知 10年 7月無綫有十幾人去《一》片面試,但最終只有 3位入圍。副導演會即場試戲,內容係飾演金樓藝伎招呼賓客。太姣,太冇儀態,冇氣質都會落選,不過 Jeana竟然入圍,唔通真係有演技?



龔嘉欣

out



姚子羚

out



陳爽

out



朱璿

out

爆王導獨門導技

王家衞貴為國際級大導演。除咗拍攝手法脫俗,原來亦有好多特別習慣。偉仔、章子怡唔只有動作替身,就連打燈都要有替身,咁有派頭,唔怪得啲大星都咁肯俾王導任舞啦!

打燈替身

動作替身就聽得多,王導首創「光替」,意思係試燈替身。如偉仔嘅「光替」,會先著偉仔嘅戲服,除咗被燈光師打燈,更要講對白,做戲,對打,等工作人員準備好曬,真身偉仔先埋位,完全唔騷擾大星入戲。

20副導候命

王導資金雄厚,連班底都勁過人。平時拍戲只得一兩個副導演,但王導就將每個工作細分,單係副導演就有 20個。每人負責不同崗位,而且王導片場內從不鬧人。即使未開拍前現場好嘈,王導只會繼續望住鏡頭,然後講:「其他人唞唞先。」就自動有人幫手清場。



.無綫姐仔爭做《一代宗師》妓女
http://veryy8.blogspot.com/2013/01/blog-post_8836.html
Related Posts Plugin for WordPress, Blogger...