鄭伊健蒙嘉慧東京結婚 驚爆「全裸婚照」
恭喜恭喜﹗伊健同蒙嘉慧拍拖7年，終於拉埋天窗喇﹗今日寰亞發言人梁小姐代表兩人發聲明，指伊健同蒙嘉慧已於噚晚喺東京，喺雙方家長見證下，註冊結婚。蒙嘉慧終於做咗鄭太喇﹗恭喜恭喜﹗
伊健果然冇呃你，佢講過一結婚就會知大家，依家兌現喇﹗
伊健同蒙嘉慧風雨同路七年，噚晚終於拉埋天窗。
鄭伊健與蒙嘉慧這對圈中愛侶於在東京結婚，身穿禮服的伊麵拖著穿著黑色低胸裙的yoyo笑容一致。這次婚禮由伊麵一手精心策劃，並於日本一間古堡餐廳擺酒，林珊珊表示一個月前收到伊麵的短訊，只是問經理人與好友是否有期吃飯，直至一周前又再聯絡大家，問大家是否有期往東京吃飯，珊珊笑謂：「大家都清楚他的個性，明知有大事件發生。」所以大家各自訂機票、酒店。到達日本後，大家乘坐旅行巴士往古堡餐廳，場地已佈滿鮮花，婚宴以西式進行，以法國菜招呼來賓。一對新人亦分別說出自己的感受，yoyo剛開口已感動得淚如泉湧，說了兩句就無法再說下去。最感動的是伊麵公開叫yoyo爲老婆，眾兄弟林曉峰、陳光榮等亦改口叫yoyo爲阿嫂。
由於婚宴十分保密、低調，連林珊珊都沒有預備禮物，伊健只放了一張兩隻可愛的結婚熊公仔於網上分享喜悅，從此人生踏入另一階段。
【蒙麵大婚】東京擺酒 林珊珊攜男友到賀
浪子鄭伊健同蒙嘉慧噚晚喺東京筵開七席，請一眾親友見證兩人成婚之喜。呢個高度機密，就連有份去飲嘅經理人林珊珊都冇洩露半句口風，果真口密﹗
噚晚去東京飲「蒙麵」呢餐嘅，除有林珊珊及男友Michael外，仲包括林曉峰康子妮夫婦、蒙嘉慧經理人、陳光榮及蒙嘉慧嘅好友周子駒，據知佢仲做埋司儀。每席得6至7人，相當鬆動。
林珊珊爆料﹕伊健發神秘通告請飲
伊健經理人兼親密戰友林珊珊今日錄咗條聲，講番噚日「蒙麵婚禮」詳情，原來係非常爆笑。之前已經傳過，話伊健會於20121221世界末日當日搞神秘婚禮，仲要神秘到當日上晝先至send message話俾大家知道時間地點，估唔到伊健結婚，真係玩神秘，認真大細路﹗
林珊珊話﹕「今次成個婚禮都係突擊邀請嚟嘅，我嚟到之前，收到個通告，話『有期？食飯？』跟住再遲啲、個零禮拜之前，又收通告，寫住﹕「有期？食飯？喺東京？』」
珊珊續稱﹕「因為係各自邀請嘅關係，今次我哋全部自己book機票酒店 ，所以全部都唔知大家嘅存在。跟住我哋跟住通告呢，話幾多點樓下 巴士會等大家。跟住我哋去咗一間好大嘅餐廳，一間好靚古堡，舉行佢哋小型party，裡面都有花，好似小小嘅婚宴一樣，咁食嘅法國菜 ，伊健同YoYo都分別同大家講左佢哋嘅心聲。」
「YoYo一講就已經喊曬 ，伊健呢，就真係估唔到，講咗兩句之後，就真係喊到收唔到聲，咁佢都多謝我哋嘅來臨。我哋都唔知送啲咩畀佢哋，因為今次突擊，大家都唔知係一件結婚嘅事情。」
「最後最感動當然係伊健叫一聲『老婆』，成班兄弟﹕陳光榮、林曉峰就嗌聲﹕『阿嫂』，咁就結束咗個美麗嘅晚上。」
伊健微博驚爆「全裸婚照」 YoYo心心回應
鄭伊健同蒙嘉慧（YoYo）噚晚於東京拉埋天窗喇，伊健今日下午三點係微博發相，仲係「全裸高清結婚相」———哦，呢張「結婚相」，其實係兩隻大熊公仔嘅合照嚟呀，分別代表佢兩個。婚照中的伊健同YoYo仲「曬黑」咗好多，YoYo仲披埋頭紗，兩人腳底分別有個「E」同「Y」，真係好浪漫溫馨﹗
伊健仲話：「我們進入人生另外一個階段，感恩！從此我們不再孤單，多謝！」恭喜曬﹗
之後YoYo用兩個心心回應老公仔，代表心心相印，認真Sweet。
伊健在微博上載兩隻大熊公仔婚照。 
呢個角度點睇？
堅！蒙麵婚照曝光
之前伊健喺微博放咗張佢同Yoyo嘅結婚照….不過只係兩隻全裸大熊當交代咗…hea咗啲喎，唔通真係咁神秘？
當然唔係啦，伊健剛剛就發咗同老婆Yoyo噚晚結婚嘅相畀一眾傳媒，佢哋喺日本一間好大嘅古堡餐廳擺酒，見YoYo造型都似係著黑色晚裝，佢同伊健笑到好開心，但就暫時仲未有婚紗相睇，唔知遲啲會唔會發靚靚婚照呢?
張相影上影，仲有隻手指，似乎一開始係唔打算發相畀傳媒。
.鄭伊健蒙嘉慧 昨晚東京結婚
http://veryy8.blogspot.com/2013/01/blog-post_3924.html
