搜尋此網誌

2013年1月6日星期日

公益金百萬行 TVB全台姐仔出動做善事




公益金百萬行 TVB全台姐仔出動做善事

全台姐仔出動做善事 小生唔見人

年年百萬行都係咁行,年年一眾女藝人都係晨早起身執番眼耳口鼻,急急上路——做善事。無綫眾花旦幾乎出齊,反而班小生好似林峯、黃宗澤、鄭嘉穎等冇曬影。係喎,黃宗澤俾人影到北上冧女斷正,當然唔得閒嚟。好彩有個男神馬國明同新晉殺手陳智燊。

講番班姐仔,陳法拉、楊怡、胡杏兒、苟芸慧、楊思琦、高海寧、呂慧儀、岑麗香、王君馨、黃智雯、李璧琦以及一眾應屆港姐化咗淡妝先出嚟,馬賽都係化咗nude妝,但感覺特別pure,只係個下巴好似尖咗啲咁喎。



On Call要出動喇。



楊思琦塊面白到青,保重身體呀。



處女王君馨與香香



幾咁人強馬壯,但班小生呢?去曬搵人仔?



近日陳智燊被傳速食馬賽。例牌要澄清一嚇。



唯唯同無綫巨頭合照,是否代表同黃浩單官司無綫會力撐佢?



多麼希望…佢兩個會同場拍 一場戲……即係,好考演技嗰啲呢…



成張相,苟姑娘同香香最吸引,沈大師最失色,馬賽就最似pure。

梁振英行百萬行 同無綫多偈傾

無綫、亞視同新城電台今早都派出代表去政府大球場參加百萬行,噚晚搞完飯局嘅行政長官梁振英亦分別去到幾個媒體前握手合照。

之後梁振英停留喺無綫隊伍前,又同李寶安握手,仲逗留得特別耐,事後李寶安話:「可能我哋藝員多啫。」真係咁簡單?

起步禮完畢後,三大媒體都一齊去茶聚,無綫高層李寶安又同亞視高層鄺凱迎握手示好,又拉攏大棚藝員合照。兩人既是好友,依家仲同一陣線反發牌,Wiki王維基真係要諗諗計。



689同一眾TVB藝人打成一片。



氣氛幾咁融洽和諧



再同新城打招呼。親切友善,善心滿載。

梁烈唯望王晶 快啲用番佢

梁烈唯今日有份到政府大球場參與百萬行活動,佢早前捲入黃浩事非,搞到要收律師信惹官非,不過就盛傳無綫有高層力撐。

佢今日同高層樂易玲好好傾,唯唯話:「公司每個同事有事都會全力協助,關於官非唔會再講,但好多謝公司。」不過一講指佢本來獲王晶一次過簽十部戲,但疑因情緒問題,搞到只能逐部電影簽,損失過百萬。唯唯強調自己唔會將情緒帶到工作,希望晶哥快啲考慮用番佢。

樂易玲就話:「所有同事受到不公平對待,公司都會為旗下員工出頭。」但就唔會刻意將梁烈唯同徐淑敏分開工作,而徐淑敏亦冇向公司表達要求幫忙。

江美儀為洗亞視味 請蔡國威「過主」

無綫、亞視同新城電台今早都派出代表去政府大球場參加百萬行,無綫高層李寶安同樂易玲率領六十人曬冷支持,亞視由高層葉家寶同鄺凱迎帶領應屆亞姐,同僅餘嘅藝員出席。相比真係弱台弱勢。

亞視藝員蔡國威仲膽敢踩入無綫列隊欄內搵好友江美儀,因住俾人話你想搵路跳糟呀。江美儀即刻封後門話幫唔到手,仲講笑話近期好動盪,唔敢主動行過去同亞視前同事打招呼,驚要入雪櫃,仲叫蔡國成比心機上堂。

陰功,黑絲儀做乜請舊同事食咁大個檸檬呀﹗咁當然,江美儀只係講嚇笑啫,點會咁現實呢?



講嚇笑啫,黑絲儀係義氣仔女,點會咁無情?



無綫咁疊馬,亞視得一兩個高層力抗。

亞視百人參加百萬行 人材濟濟

數嚇先…有亢帥克啦,筱靖啦,亞洲先生黃集鋒啦,陳啟泰啦,劉錫賢啦…鮑姐呢?冇做囉;張啟樂呢?炒咗啦。車車同黛黛呢?都炒埋喇﹗

相比起無綫,亞視今日個勢真係弱咗啲。王征又冇嚟跳《江南Style》,大為失色。幸好仍然有高層葉家寶同鄺凱迎,仲有幾個「no.1」到咗﹕

亞視一哥陳啟泰;或者叫亞視百人都得。

亞洲之子亢帥克;記住,佢話佢唔係亞視之子。

亞視何守信蔡國威;ATV主力培訓嘅司儀,依家主力訓練佢主持六合彩。

亞視第一號小生劉錫賢,做埋藝訓班導師。

亞視第一號花旦筱靖,近期代表作係全力撐亞視培訓課程,認為課堂冇洗腦,自爆人工得7千,仲呼籲收幾萬蚊一個月嘅藝人要尊重公司。

唔知下一年百萬行,仲幾多個仍然係亞視人?香港電視(HKTV)王維基會否拉隊行?



亞視未來一哥一姐﹕蔡國威與筱靖。



有fans0架



亞視高層葉家寶(左)與鄺凱迎。



亞視百人陳啟泰。點解叫「百人」?因為佢一個人可以頂一百個角色。



都話蔡國威受捧啦,佢企正喺鄺凱迎身邊嘛。

日期: 6/1/2013

活動: 2012/2013 港島、九龍區百萬行

出席: 梁振英 、 李寶安 、 區偉林 、 陳樹鴻 、

樂易玲 、 張名雅 、 黃心穎 、 朱千雪 、

岑杏賢 、 馬國明 、 楊怡 、 古明華 、

黃智雯 、 梁烈唯 、 劉丹 、 黎芷珊 、

黎諾懿 、 陳智燊 、 苟芸慧 、 岑麗香 、

高鈞賢 、 徐榮 、 翟威廉 、 陸浩明 、

阿感 、 洪永城 、 江美儀 、 高海寧 、

呂慧儀 、 馬賽 、 林夏薇 、 沈卓盈 、

宋熙年 、 楊思琦 、 王君馨 、 李璧琦 、

朱慧敏 、 莊思明 、 彭慧中 、 羅天宇 、

林曉峰 、 李霖恩 、 張達倫 、 安德尊 、

蔣家旻 、 劉俐 、 林漪娸 、 楊卓娜 、

張美妮 、 呂珊 、 馬海倫 、 莊思敏 、

王舒銳 、 湯洛雯 、 許廷鏗 、 胡鴻鈞 、

馮允謙 、 羅孝勇 、 周志康 、 劉威煌 、

謝東閔 、 廖仲謙 、 鍾一憲 、 麥貝夷 。

時間: 09:00

地點: 香港大球場



.公益金百萬行 TVB全台姐仔出動做善事
http://veryy8.blogspot.com/2013/01/tvb_6.html
Related Posts Plugin for WordPress, Blogger...