搜尋此網誌

2013年2月7日星期四

[壹週刊]絕交半年 胡杏兒認有仔溝 黃宗澤橫店包兩女示威




娛頭

絕交半年 胡杏兒認有仔溝 黃宗澤橫店包兩女示威

2013年02月07日

與黃宗澤拍拖八年,主動斬斷情絲的胡杏兒,最近公開承認身邊有出現追求者,原來唔只一個,除了有她口中所指的圈外人外,還有與她合作內地劇《紅酒俏佳人》男主角茅子俊,同樣都大獻殷勤,戲裡戲外,經常出雙入對。

至於過氣前度黃宗澤,則依然故我,繼續食散餐,同樣在大陸拍劇的他,同時間包起兩女,起雙飛服侍,明向胡杏兒示威。回復自由身,黃宗澤無王管,當眾調戲女演員亦唔使避忌惹來閒言閒語,風流快活攞正牌。

胡杏兒被大陸演員茅子俊大獻殷勤,無論戲裡戲外都形影不離。

放大圖片
放大圖片

避之則吉

去年七月,黃宗澤與胡杏兒正式宣布分手,從此再見不是朋友,過去半年來,完全斷絕來往,即使在電視城開工碰到,又或者同場出席台慶頒獎禮,都視如陌路人,零交流。主動撇清關係的胡杏兒,更加急住搬竇避開對方,連撞口撞面都唔願。

分手後,黃宗澤執鄭嘉穎二攤,去年十二月到橫店拍攝內地劇《少年神探狄仁傑》,偷食搞到俾女飛,導致形象插水的他,為挽救形象,終日扮成情癡可憐蟲;但人在內地,立即回復真我,除去慘爆面具。

在大陸開工,黃宗澤都會請助手,月薪三千蚊請女不請男,揀人要求條件是樣貌身材都要入得眼,年紀絕對唔可以大,經驗無拘。但今次黃宗澤決定做大爺,豪氣一次過包兩件起雙飛,全天候貼身服侍他。

放大圖片

之前包開一條女,今次黃宗澤包起兩件,全天候服侍他。

放大圖片

一齊返房

為了方便隨傳隨到,黃宗澤貼錢租酒店俾助手住,每晚收工一齊返酒店。

放大圖片

貼頭開餐

放飯時,黃宗澤同助手頭貼頭一齊開餐。

放大圖片

興奮撩女

對住劇中嘅女演員,黃宗澤當然唔放過,排戲時不停調戲對方,又攞包煙出來撩對方玩。

放大圖片
放大圖片

兩年前陳小琳以 fans身份去見黃宗澤,化曬妝的她即被黃睇中,每月用三千蚊包起對方做助手。

大送波餅

黃宗澤請大陸女助手向來有眼光。一一年,他與胡杏兒一同合作《跑馬場》時,原本是他 fans的陳小琳,便自動送上門,而黃宗澤亦貪對方二十歲夠嫩口,加上身材豐滿又主動,即請!

「當年杏兒都好唔鍾意 Bosco請呢個女仔(陳小琳),覺得佢好姣,成日借啲意送波餅,不過 Bosco點都唔肯換,之後每次返親大陸,都一定會 call小琳去服侍佢,仲每次都貼埋錢,幫個助手租埋住同佢同一間酒店,方便一有需要,小琳隨傳隨到。」黃宗澤身邊人說。

放大圖片

肉緊採礦

黃宗澤在大庭廣眾下,公然撩鼻屎,仲要愈撩愈肉緊,搞到面形扭曲。

放大圖片

煙癮極大的黃宗澤,每拍完一個鏡頭都會扯煙。

放大圖片

自從爆出分手後,黃宗澤每次見記者都裝出一副慘樣,但去到橫店唔使見記者又多女陪,即刻成個生猛曬。

放大圖片
放大圖片

頻頻見

傳黃宗澤拍《好心作怪》撩周麗淇散餐,他們更被影到分別在上海(右)及香港都有約埋食飯。

放大圖片
放大圖片
放大圖片

去年 7月同胡杏兒分手的黃宗澤,在上海拍劇期間已經被影到同小琳一齊去 shopping。

放大圖片

開工搞女

有女助手全套服侍,口技一流兼鍾意撩女的黃宗澤,冇正印包袱,更加肆無忌憚。現場所見,無女不歡的他,只要是同女演員做對手戲,便呈現興奮,十分風騷。有場戲他與飾演宮女的內地女演員做對手戲,排戲期間,黃宗澤又出招,讚對方靚女可愛,哄埋身講笑話,又攞包煙出嚟問對方食唔食,令對方失曬魂。

黃宗澤攞正牌風流快活!胡杏兒亦逐漸脫離男友偷食的陰影,試圖重新開始,投入拍拖。

正在深圳拍攝大陸劇《紅酒俏佳人》的她,更春風滿面承認有人追。「呢個階段都算有人追,不過只係觀察期,對方係圈外人,係朋友階段。(有無約你過情人節?)唔會咁快啦,仲係普通朋友,我都唔會主動約佢,女仔要有矜持。」胡杏兒說。

追上深圳

據知,胡杏兒雖然主動同黃宗澤斬纜,但感情並非一時間可以完全放下,分手以後,過去半年胡杏兒都避席朋友飯局,對身邊朋友介紹男仔,更加全部落閘。

「直到聖誕節嗰排,杏兒先肯出番嚟見嚇啲 friend,就喺嗰段時間識到呢個圈外人,個男仔外國返嚟嘅,同杏兒都幾啱傾;對方一開始已經好主動,約杏兒單獨出街,又專登追到上深圳。杏兒對佢印象唔錯,應該有發展機會。」胡杏兒身邊人說。

放大圖片

上星期胡杏兒同茅子俊拍攝一場結婚戲,兩人十分合拍。

放大圖片

穿著低胸婚紗的胡杏兒,罕有露出三吋事業線。

放大圖片

休息期間,他們一把遮兩份用。

放大圖片

內地小生茅子俊有一身胸肌,雖然比胡杏兒細六年,但依然夠膽追她。

放大圖片

胡杏兒身邊的親友,怕她情傷未好番,間中都會聚會,順便介紹男仔給她認識。

放大圖片

去年尾在台慶頒獎禮上,兩人分手後首次公開同場,不過兩人零接觸。

等埋收工

搣甩前度後,胡杏兒身邊其實出現過不少裙下臣,去年拍《金玉滿堂》,便有傳「台視一哥」黃少祺力追,最近拍《紅酒》,劇中男主角茅子俊同樣向她大獻殷勤。茅子俊雖然只得廿七歲,同三十三歲胡杏兒相差六年,但二人出奇啱 key。

「杏兒大部分對手戲都係同(茅)子俊一齊,相處時間多,等埋位冇嘢做,子俊就會話想學廣東話,乘機撩杏兒傾偈,氹佢開心;每次食飯又主動坐埋杏兒身邊,有時佢早收,都等埋杏兒收工先一齊走。咁杏兒都 dry咗咁耐,有人示好,一定開心,所以心情都靚番好多!」現場工作人員說。

分手黑仔

同胡杏兒八年情玩完,收埋多年的爛蒲爛滾形象全浮上面,商業客戶嫌棄形象差,外快即時搵少一截。同 Stephy(鄧麗欣)擔正的電影《等•我愛你》上畫,票房亦極其慘淡,只收得二百多萬。黑開有條路,無綫高層樂易玲欽點為他開拓電影市場,安排在賀歲片《我愛香港恭囍發財 2013》做後生版阿倫(譚詠麟),點知片長關係,被迫刪減其戲份;和謝天華孭飛的《神獸巴打》(前名:神獸刑警),去年五月底拍完,原定十月上畫,可惜至今一直無影。

「上面(高層)睇咗試片,嫌導演戚家其拍到部戲支離破碎,根本出唔到街,除非補拍先有得諗,但劇本又度極都唔掂,就算兩個主角俾期補拍,都唔知拍乜,拖拖嚇隨時會胎死腹中。」一名邵氏的幕後人說。

放大圖片

去年黃宗澤拍了《等•我愛你》(左)及《神獸巴打》(右),一部仆直一部上映冇期。

放大圖片

三千蚊位

小生北上搵錢,長時間留守內地有錢無定使,最大開銷是「月包」制請女助手貼身服侍,身材好樣任揀,平均每個三千蚊人仔一個月,有女隨傳隨到,抵到爛!

鄭嘉穎

放大圖片

去年留守橫店兩個月拍攝劇集《英雄》,其間聘請兩名女助手貼身服侍,斟茶遞水,連襪都有人幫手著埋。

吳卓羲

放大圖片

10年,吳卓羲在橫店拍《大丫鬟》時,豪到月花九千元請三女助手,廿四小時侍候,開工一個攞零食,一個拎劇本,一個則負責揸機影相,有指其中一名女助手更不時與吳卓羲咬耳仔,態度曖昧。

林峯

放大圖片

自 04年開始,林峯每逢返內地工作,都有一名貼身女助手美美全程傍實,二人連暖包、手襪都兩份用,在上海工作時,美美更試過被拍得鬼祟走入林峯酒店房短聚。



.[壹週刊]絕交半年 胡杏兒認有仔溝 黃宗澤橫店包兩女示威
http://veryy8.blogspot.com/2013/02/blog-post_4916.html
Related Posts Plugin for WordPress, Blogger...