女人斟–佘詩曼學懂生活：做嚇停嚇
現年37歲的佘詩曼參選97年港姐而入娛圈，至今入行16年，曾奪06年台慶頒獎禮視後，原本穩坐無綫首席當家花旦的寶座，誰知前年毅然改簽部頭合約。呼吸過自由自在的空氣後，阿佘坦言有新的生活哲學，她說：「o依家係新開始，學識去生活，女人真係唔可以唔保養，唔可以濫用你嘅青春，我o依家開始領悟咗呢個道理，我就做嚇停嚇，好好分配啲時間。」
撰文：何慧斯
■佘詩曼跟無綫改簽部頭合約，這個新開始連帶生活模式也改變，現在的她懂得停低休息，好好愛惜自己。攝影：林德雄
風塵僕僕的佘詩曼，中港兩邊工作密密麻麻，碰巧早前無綫收費電視正重播阿佘早年舊作，感覺上與眼前的阿佘分別不大，只是比當年多了一份自信，她接受本報訪問時笑說：「都唔係?，可能自己睇自己咪覺得有囉，或者係經歷令人改變，其實一個演員嘅經歷都幾豐富，好似我差唔多拍咗成50套劇集，我演過50個唔同類型嘅人，即係話我活咗50次，加埋自己咪多一次，變咗人生經歷都幾豐富。」
■身邊好友陸續結婚生仔，阿佘坦言對愛情隨緣，一切等天安排。
■阿佘06年奪得無綫台慶視後寶座，喜極而泣。
資料圖片
母親生病領悟大
問阿佘怎去形容現階段的生活？她笑說：「好舒服，o依家可以拍鍾意嘅劇本，去啲自己鍾意嘅活動，唔係話以前冇自由度，而係以前個心態係衝呀衝呀衝，o依家係識得停、識得唞，女人真係唔可以唔保養，唔可以濫用你嘅青春，我o依家開始領悟咗呢個道理，我就做嚇停嚇，好好分配啲時間。」
阿佘有這個轉變，除了是重複又重複的工作令她覺得有點疲累外，最重要是佘媽媽早年試過有一場死過翻生的大病，阿佘說：「嗰時開始諗呢個世界唔係只得工作，仲可以有好多其他嘢，上天畀機會你再享受家庭樂，如果你都唔去珍惜，下次可能冇喎，一個sharp cut就玩完喎！所以o依家係新開始，學識去生活。」
■一齣《天與地》令林保怡、阿佘和黃德斌事業登上另一高峯。劇照
■阿佘緋聞多，除了鄭嘉穎（左）外，連陳豪也和她傳過緋聞。資料圖片
對感情一切隨緣
否以前在無綫工作不能揀工作？阿佘說：「以前都有得揀，只不過係你唔想得罪人，我喺嗰度大，同個個監製都好friend，結果搞嚟搞去都唔完，有一年最多試過拍百幾集，真係好恐怖。」
阿佘的感情生活向來是焦點，對於緋聞，她一向豁達處理，她說：「我只不過係一個演員，都會有我嘅生活，我唔可以為咗人哋而改變我自己嘅生活。」對於尋覓另一半，阿佘謂一切睇緣份，她說：「隨緣啦，好似我姪仔嚟呢個世界一樣，初初我阿哥阿嫂都唔想要小朋友，避咗10年都冇要，點知有一日打嚟話阿嫂有咗，我見到呢啲嘢咪覺得個天要你有，就一定會有，好多嘢要睇緣份，我相信自己一定會有，不過我係揀緊啲好啲，要睇定啲同互相了解，一生一世嘛。」
保養最緊要勤力
■阿佘與胡軍在內地拍《建元風雲》，又乾又凍的天氣令皮膚活受罪。劇照
佘詩曼說女人要保養，加上藝人到底是靠臉孔搵食，問37歲的阿佘怎樣保養皮膚？原來要訣盡在兩個字──勤力，她日前出席Lancome活動後笑說：「我幾攰都會落妝，呢啲緊要過任何一切，我對塊面有潔癖，每一個程序最少做四次，不過我嘅皮膚好易敏感，唔會亂試嘢，用過好就會繼續。」
阿佘表示有次在內地拍劇集《建元風雲》時令她嚇了一跳，她說：「嗰陣天氣又凍又乾，喺螢光幕見到個樣，連化妝師見到都嚇一跳，呢世未試過乾得咁緊要，結果要日日敷mask先得。」
.女人斟–佘詩曼學懂生活：做吓停吓
http://veryy8.blogspot.com/2013/02/blog-post_3381.html
