搜尋此網誌

2013年2月14日星期四

[FACE]北京高富帥包起情人節  Chrissie負評前度:最憎男人軟皮蛇

新歡要又長又耐!(真實對白) <br><br>上月中,決定發出分手短訊前夕,娜姐正好為自己投資,代言兼設計嘅內衣品牌 La Miu拍攝 2013年春夏新款宣傳照:「因為醞釀 咗好耐, 嗰晚係要交代清楚,所以完全冇影響我工作狀態!」


封面

北京高富帥包起情人節  Chrissie負評前度:最憎男人軟皮蛇

2013年02月13日

舊 嘅唔去,新 嘅又點 嚟呢? 啱 啱宣布同男友陳偉成結束六年情,咪以為周秀娜( Chrissie)仲沉溺 喺情傷之中至得 㗎!蛇年新開始,娜姐一早已經向前看,物色緊新男友!

過去兩年積極北上搵人仔,娜姐唔只工作不斷,仲因此結識唔少內地富二代,據知情人士透露,最近就有北京高富帥撩 Chrissie出埠賀情人節,不過工作排到出年, Chrissie亦話今次要睇真 啲至去馬:「男人最緊要有腦又要夠 man。聽講外籍人士又長又耐……軟皮蛇我至憎!」

上月底,周秀娜失驚無神在《十大中文金曲頒獎典禮》台上宣布與男友 Avis甩拖,事後驚爆多張 Avis與不同異性親密合照,三五七流𡃁模齊齊自爆與 Avis有染。前男友人品大爆破, Chrissie就話事不關己,接受本刊專訪時透露:「見到 啲相真係冇乜感覺喎。最難過嘅時候過 咗,其實大家已經有成三個月冇見面, 啲相入面嘅對我 嚟講已經係前度。」

放大圖片

呢頭宣布分手, 嗰頭就傳出 Avis與𡃁模 Vivian親密床照:「問心 嗰句,真係冇乜感覺。以前嘅男朋友我可以忘記好快,出街撞到都未必認得。」

放大圖片

去年娜姐仲同 Avis結伴睇樓有意同居,半年後就話分手,娜姐唔否認自己近年工作愈接愈多、生活圈子擴大:「佢投訴我睇工作太重,我承認,呢 啲機會唔係人人有。」

放大圖片

宣傳啫

Avis有床照,娜姐亦被指介入方力申同鄧麗欣之間:「追我嘅人好多。我份人公私分明,方力申擺到明就係新劇《唐朝浪漫英雄》宣傳伎倆啦!」

放大圖片

上月 22日,暴瘦周秀娜擔任十大中文金曲嘉賓時宣布回復單身,歡迎大家「熱烈追求」:「我瘦唔係因為情傷,係 嚟緊要拍打戲,一個星期學四日功夫 啫!」《蘋果日報》圖片

5大揀仔條件

放大圖片

唔經唔覺今年 5月就 28歲,三圍 32D、 22、 32,大把條件嘅娜姐根本唔心急拍拖,亦更加冇諗過嫁唔嫁得出,新歡一定要慢慢揀。

要夠高:我 169cm,佢起碼都要有 180,咁先係 perfect match!

要大胸:又唔使好 fit,但胸起碼要大過我囉!

冇體味:同我一齊一定要乾淨,無論如何我唔接受特別體味。

有諗頭:收入不限、工種不限,不過一定要有諗頭、有擔帶。

見識多:我唔太鍾意大男人,但佢要見多識廣、教到我 嘢。

攬杜汶澤過節

話曬六年感情,前年還被週刊拍得二人雙雙飛去曼穀推油度歲兼過情人節,下週四( 14日)入行五年來首次回復單身過情人節, Chrissie就話一早有人約:「咪拍戲囉!哈哈! 嚟緊三套戲開鏡,前幾晚( 7日)《爛滾夫鬥爛滾妻》開鏡先,我同杜汶澤扮兩公婆已經攬 咗十幾個鐘,呢個情人節我 哋已經約埋一齊…… 喺片場過啦!跟住二月尾去米蘭睇時裝騷、返 嚟再開《紫荊俠》同卓韻芝寫劇本嘅《爆 3俏嬌娃》;五月再返內地開劇,加埋拍廣告仲有兩部戲傾緊,我成年排滿曬!仲好,用工作塞滿曬時間,包唔會寂寞,搵到錢仲可以快 啲入市做業主。」

週五( 8日),杜汶澤在 facebook上載娜姐睡衣照曬命。 Chrissie話今個情人節都要同阿澤拍戲度過。

放大圖片
放大圖片
新歡要又長又耐!(真實對白) <br><br>上月中,決定發出分手短訊前夕,娜姐正好為自己投資,代言兼設計嘅內衣品牌 La Miu拍攝 2013年春夏新款宣傳照:「因為醞釀 咗好耐, 嗰晚係要交代清楚,所以完全冇影響我工作狀態!」

高富帥請去小島

放大圖片

今個蛇年加情人節都要 喺工作中度過,娜姐就話冇時間接受高富帥追求:「得閒我都想返屋企陪嚇爹哋媽咪過年啦!又冇時間拍拖無謂拖住人!」

北上唔只搵人仔,女神娜姐亦成功拓展另一個市場。據悉娜姐去到邊都有人追,分手後更主動,有北京高富帥揸跑車去北京片場探班:「咁我又唔知係唔係高富帥,佢揸架跑車 嚟話帶我 喺北京周圍遊嚇。我都唔識車,人 哋同我講係法拉利咁囉。 嗰日我開工,最後都係冇上佢車,尤其係分 咗手後,有 啲追求者會再明顯 啲,約我食飯旅行,仲話請我去小島過情人節……其實就咁睇,好多人條件都唔錯,最起碼做得過朋友,可以繼續觀察。不過我最慘就係冇時間觀察吖嘛!連 喺香港 嗰 啲,都唔得閒出街食飯,仲點出埠?」

「要又長又耐!」

講到擇偶條件, Chrissie就話呢排同新戲《爆 3俏嬌娃》編劇卓韻芝好好傾,聽阿芝分享異國情緣多,話想試外籍人士添。

「聽講鬼佬又長又耐吖嘛(大笑)!我工作咁忙,對方性格獨立、體貼到我好緊要,阿芝話佢經驗,外籍男友多數好長情同好好耐性喎。(哦,原來咁解!)至於錢方面,講真我都識搵,我唔使佢賺好多,但係男子漢一定要有膊頭,千祈唔好似我初戀男友咁,一腳踏兩船仲使我錢要我交租,呢 啲最唔要得。男子漢就應該話一就一、話二就二,我最怕 啲男人冇氣概,成條軟皮蛇咁!」

蛇年玩曬

出道五年做唔停,娜姐都話仲未儲夠錢完成業主心願。唔緊要,做內衣老闆娘, 8月新店開張有代言費落袋又有紅分,電影片酬急升至每部 120萬。暫時落實 5部電影等開工,仲有內地電視劇密斟中,今個蛇年,娜姐應該好快賺到層豪宅首期返 嚟啦!

出內衣

放大圖片

娜姐去年以 500萬天價成為 La Miu代言人,再入股三成做埋老細,香港旗艦店今年八月將在尖沙咀 The One開幕。

新歡要又長又耐!(真實對白) <br><br>上月中,決定發出分手短訊前夕,娜姐正好為自己投資,代言兼設計嘅內衣品牌 La Miu拍攝 2013年春夏新款宣傳照:「因為醞釀 咗好耐, 嗰晚係要交代清楚,所以完全冇影響我工作狀態!」

狂接戲

放大圖片

二月跑三組戲同期開工外,去年分別與藍正龍及汪東城主演的《電梯驚魂》、《名模》又將上畫,七月《紫荊俠》開鏡,娜姐仲透露有兩部內地巨製神鬼大片密斟緊。

劇接劇

放大圖片

今年五月,娜姐與鄭嘉穎合拍的電視劇版《葉問》將於內地播出,同時又接 咗另一部電視劇要埋位開鏡:「都係大卡士,一拍又要幾個月,不過暫時唔講得住。」



.[FACE]北京高富帥包起情人節  Chrissie負評前度:最憎男人軟皮蛇
http://veryy8.blogspot.com/2013/02/face-chrissie-face.html
Related Posts Plugin for WordPress, Blogger...