搜尋此網誌

2013年3月13日星期三

FACE 303 本地娛樂 二人世界  18萬婚紗上海豪嫁  Yumiko:唔打算生仔




真面目

二人世界  18萬婚紗上海豪嫁  Yumiko:唔打算生仔

入行以來意外頻頻的鄭希怡( Yumiko),上年 6月於布吉旅遊時,不慎跌落山坡至頸骨移位,更一度昏迷,化妝師男友 Andy全程不離不棄照顧。患難見真情,兩人回港後, Andy已跪地求婚,婚期鐵定 11月。

31歲的 Yumiko會先在上海擺 40圍酒,再返香港搞結婚 P。據知為冧未來老婆, Andy將豪擲 250萬擺酒,上星期一對新人更到 Vera Wang試婚紗, Yumiko睇中一件 18萬的婚紗, Andy都冇手軟。而 Andy和 Yumiko更決定唔生 BB,羨慕死一班恨嫁,但嫁咗又被老爺奶奶催生仔的港女。

Yumiko一口氣試咗 5套婚紗,款式都以簡單設計為主,她說︰「我都試過啲好公主 feel嘅婚紗,但好似唔係好啱我。」

Yumiko與 Andy拍拖 8年多,感情一直穩定, Andy去年開設的 D-mop beauty又愈做愈好, Andy一直諗住等 Yumiko康復後,馬上籌備婚禮。婚禮定於 11月舉行,因為 Yumiko的老家在上海,為免父母頻頻撲撲, Yumiko會先在上海擺 40圍酒席,再在香港搞一個大型 party招呼圈中好友。

睇囍帖

月中就開始派帖, Yumiko除咗試婚紗外,更開始訂囍帖和結婚蛋糕,問她結婚當日,會唔會叫男友化妝,她說︰「都幾 sweet喎!睇吓佢當日會唔會太忙先。」

駁假髮試婚紗

上週四( 7日),本刊發現 Andy陪 Yumiko到中環的 Vera Wang試婚紗。據知, Yumiko之前曾以短髮試婚紗,但感覺不合襯,於是今次刻意駁了長假髮, Yumiko希望做長髮新娘。始終一生人一次, Yumiko一口氣揀了 5套,每套起碼 10萬以上的婚紗入試身室,而 Andy就在身邊幫眼,足足試了 2個鐘,最後 Yumiko揀了一條 low-cut拖尾的長婚紗。

不少荷里活巨星結婚,都喜愛美籍華裔名設計師 Vera Wang的設計,劉嘉玲和李玟結婚當日,都是身穿 Vera Wang的婚紗, Yumiko當日所揀的更價值 18萬。之後, Yumiko和 Andy到附近的囍帖鋪揀帖,相信好快就派帖畀老友!

Vera Wang的婚紗由幾萬至幾十萬都有, Andy都任由 Yumiko揀,不過買完婚紗走嗰陣,二人都冇拖手,保持少少距離。

發生布吉意外後, Yumiko同男友患難見真情。返港後 Andy更向 Yumiko跪地求婚, Yumiko當然即刻答應。

「對 BB冇感覺」

Yumiko和 Andy現於西貢的別墅同居,月租 6萬。 Yumiko話正計劃同未婚夫買樓,「投資又好、自住又好啦。」

本刊致電 Yumiko,她承認當日跟男友去試婚紗,她說︰「第 2次去試㗎喇,今個月一定要決定好禮服,婚禮 11月會先在上海搞,起初係打算去外地搞,但大部分家人都喺上海,唔想佢哋咁辛苦。」問到 Yumiko婚後會否積極造人,她反應極大,「我唔打算生仔㗎,其實我一向對 BB都冇咩感覺,同 Andy有曬共識,二人世界幾好吖!」

荷里活女星當寶

曾幫 J.Lo、 Mariah Carey及 Sharon Stone等荷里活一線女星設計婚紗的 Vera Wang(王薇薇),打破了舊式婚紗的傳統,以簡約、時尚、現代的設計,在美國時尚界擁有了自己的地位,之前推出的黑色婚紗,更得到極大回響。

08年 Vera Wang為劉嘉玲設計婚紗後,這位美籍華裔女設計師在亞洲更具知名度。之後更在電影《 Sex and The City》為 Carrie設計多套婚紗、她的名字又在美劇《 Gossip Girl》出現。

Vera Wang

08年劉嘉玲同梁朝偉在不丹結婚,亦是穿着 Vera Wang婚紗。圖片

荷里活電影《新娘愛鬥大》的婚紗都出自 Vera Wang手筆。圖片

20兄弟姊妹團

Yumiko同 Andy在娛圈一向人緣勁好,有大堆朋友,大眾最關心邊個會做 Yumiko的伴娘及姊妹, Yumiko話決定唔會有伴娘,姊妹就暫定應采兒及黃伊汶等。至於兄弟團就多達 18人, Yumiko說︰「雖然兄弟人多勢眾,但丁丁同黃伊汶可以一打十,個個都怕咗佢哋。」

姊妹團

應采兒

黃伊汶

兄弟團

陳小春

謝霆鋒

李璨琛

劉浩龍

陳國坤

採訪、撰文︰娛樂組

攝影︰周凱瑩


.FACE 303 本地娛樂 二人世界  18萬婚紗上海豪嫁  Yumiko:唔打算生仔
http://veryy8.blogspot.com/2013/03/face-303-18-yumiko-yumiko-face.html
Related Posts Plugin for WordPress, Blogger...