搜尋此網誌

2013年3月13日星期三

《On Call 36小時Ⅱ》拍攝 楊怡餵馬國明食魚蛋

《On Call 36小時Ⅱ》拍攝楊怡餵馬明食魚蛋戲分


《On Call 36小時Ⅱ》拍攝 楊怡餵馬國明食魚蛋

      

FACE週刊 第303期

真面目

逆來順受 吳啟華外援惡曬

馬國明《On Call 2》Cut戲坐歪

最近網民熱烈討論TVB的持續「大叔潮」,老戲骨係師奶劇收視保證,又難怪TVB近年所有重頭劇都重金請老薑助陣。《衝上雲霄 II》要等「Sam哥」吳鎮宇點頭;《金枝慾孽.貳》搵雯女、蔡少芬埋位;就連上年令馬國明彈起嘅《On Call 36小時》開續集都特登搵吳啟華助陣。

48歲啟華叔當年喺《妙手仁心》飾演腦外科權威程志美醫生,成為當年男神,今次插旗《On Call 2》原來戲分拍得住馬國明,令到原本擔正嘅馬明被迫刪減戲分。「今次我戲分係無咁集中嘅……不過係好事嚟!」「一件頭」坐歪,會唔會趕走曬班少女同師奶o架?



上週六( 9日)拍攝一場楊怡餵馬明食魚蛋戲分,期間導演要用唔同機拍攝,搞到馬明食咗 20粒咖喱魚蛋。今次《 On Call 2》有伊利沙伯醫院幫手,大部分場景係實景拍攝,唔使再用電視城扮醫院喇!

39歲馬國明喺無綫捱足 14年,上年憑《 On Call 36小時》首次擔正,更憑「一件頭」呢個深情醫生角色上位,成為新一代男神,同陳豪一齊做無綫筍盤。《 On》劇收視高,開續集係意料中事,但勢估唔到 TVB為穩陣起見,專登邀請已 7年冇返 TVB拍劇的 48歲吳啟華孭重飛,分薄馬明戲分。

《On Call 36小時Ⅱ》拍攝

今次戲分冇咁集中!真實對白



吳啟華事隔 7年再為無綫拍劇,著番醫生袍,即刻程志美上身,企喺馬明隔籬一啲都唔輸蝕。《蘋果日報》圖片

穀內地人氣

據知 TVB搵吳啟華助陣,除想增加劇集新鮮感,更想借吳啟華於內地的人氣而令馬明在大陸更多人識。

知情者說:「馬明喺香港上緊位,但喺國內知名度未算太高,反而啟華哥當年演程志美醫生仲好多人記得,所以 TVB諗住搵啟華令馬明喺國內多人識啲。」今次吳啟華在《 On Call 2》戲分同馬明有得揮, 25集戲分全部有份,劇中飾演患有絕症嘅顧問醫生,尾段又有催淚結局,隨時「搶」過馬明。

《On Call 36小時Ⅱ》24歲朱千雪做 48歲吳啟華女友

24歲朱千雪做 48歲吳啟華女友

啟華叔雖然將近 50,除咗 keep得好,仲緊貼潮流,識得用 iPhone 5之餘,仲識搵朱千雪玩自拍。

《On Call 36小時Ⅱ》拍攝

48歲吳啟華喺《 On Call 2》劇中唯一女友係上屆港姐季軍,今年 24歲嘅朱千雪。雖然老一倍,但好在啟華叔 keep得好,唔係似父女多過似情侶。

《On Call 36小時Ⅱ》成套劇25集,4對情侶玩曬,啟華配千雪,馬明配楊怡,黃智雯配袁偉豪,羅仲謙原本只有張慧雯,後尾加埋李雪瑩、岑麗香。《蘋果日報》圖片

成套劇 25集, 4對情侶玩曬,啟華配千雪,馬明配楊怡,黃智雯配袁偉豪,羅仲謙原本只有張慧雯,後尾加埋李雪瑩、岑麗香。《蘋果日報》圖片

「啟華哥有新鮮感」

外援來勢洶洶,不過馬明除咗拍《 On Call 2》外,之後亦會拍《寒山潛龍》,跟上緊位嘅黃翠如合作, TVB今年擺明力穀馬明。

上週六( 9日)馬明為《 On》劇拍外景,劇情講楊怡餵馬明食魚魚蛋,一 take就搞掂,相當有默契。對於吳啟華搶戲,馬明大方承認:「今次戲分係冇咁集中,不過係好事嚟,因為第 2集我由頭到尾同楊怡,冇其他感情線。有啟華哥會令成套劇有新鮮感。(驚唔驚搶鏡過你?)唔驚,最緊要套劇多人鍾意……我戲分多少並唔重要。」

馬明拍外景期間,不斷有粉絲要求合照,而且仲係排住隊等影,男神魅力沒法擋。

馬明拍外景期間,不斷有粉絲要求合照,而且仲係排住隊等影,男神魅力沒法擋。

馬明兩套台慶劇

王維基嘅 HKTV隨時打到嚟,無綫亦嚴陣以待,上年開始已拍定唔少有卡士嘅重頭劇迎戰。 4月先上神級監製戚其義《金枝慾孽.貳》,而據知《 On Call 2》將會喺今年台慶播映。萬眾期待嘅《衝上雲霄 II》亦做緊後期,亦跟 2003年嘅《衝上雲霄》一樣排喺 11月台慶檔期。兩套都有馬明份,想唔紅都幾難。

《金枝慾孽.貳》

播映期: 4月

賣點:神劇孖寶戚其義、周旭明離無綫前最後作品。

《 On Call 36小時 2》

播映期: 11月

賣點:馬明加程志美醫生,兩代男神合作。《蘋果日報》圖片

《衝上雲霄 II》

播映期: 11月

賣點: Sam哥加張智霖再加索過空姐的女機師陳法拉,集體回憶。

《巾幗裊雄 3之諜血長天》

播映期:未定

賣點:胡杏兒頂替雯女做九姑娘,你仲想唔想睇?《蘋果日報》圖片

涉藏毒甩難

華姐有望翻生

《 On Call 2》除咗講醫生同病人嘅故事,當然有唔少感情戲。上輯馬明同楊怡,羅仲謙同華姐張慧雯搶曬鏡。可惜《 On Call 2》開拍前張慧雯因涉嫌藏毒被捕,續集即搵岑麗香、李雪瑩嘅三角戀頂上,但上週四( 7日)警方決定唔起訴,張慧雯隨時喺續集中翻生。

劇中最多感情線嘅竟然係第 2男主角羅仲謙,佢除咗同李雪瑩及岑麗香談情外,仲有機會同原本被叮嘅張慧雯再續前緣。

劇中最多感情線嘅竟然係第 2男主角羅仲謙,佢除咗同李雪瑩及岑麗香談情外,仲有機會同原本被叮嘅張慧雯再續前緣。

張慧雯

張慧雯



.《On Call 36小時Ⅱ》拍攝 楊怡餵馬國明食魚蛋
http://veryy8.blogspot.com/2013/03/on-call-36.html
Related Posts Plugin for WordPress, Blogger...