黃宗澤掟300萬蠔入中環

黃宗澤（Bosco）繼早前在馬來西亞豪擲800萬港幣投資酒吧餐廳後，不出半年已收支平衡，雄心壯志的他猶如打了強心針，一於將其飲食投資版圖再伸展至自己地頭。今次Bosco將與拍檔投資300萬港幣在香港中環蘇豪區開「蠔吧」，正式進軍香港飲食界，一圓其兒時做廚師的心願。

滿肚密圈

在餐廳傾談期間，Bosco走出店外講電話，十分忙碌。

32歲的黃宗澤（Bosco），去年與相戀多年的胡杏兒爆出分手後，情傷的他埋首在內地拍劇，期間雖曾傳出不少緋聞，然而一切僅是過眼雲煙，他最終還是切切實實將精力投資到實務上。由於Bosco在圈中投資有道，除買樓、投資紅酒外，去年開始染指飲食界，與數名朋友合資近800萬港元，在馬來西亞開設酒吧餐廳「House Music Club」，不出半年已收支平衡，他食髓知味，把投資版圖回歸香港，今次Bosco將與拍檔投資300萬港幣，於6、7月在香港中環蘇豪區開「蠔吧」，一圓其兒時做廚師心願，當其「廚神波士高」。

主攻千呎單位

剛在橫店拍完內地劇《少年神探狄仁傑》的Bosco，日前與生意拍檔和地產經紀到了中環蘇豪區睇舖。當日約下午三時，頭戴黑帽、黑超、穿黑衣的Bosco出現在歌賦街一帶，與拍檔和經紀於街頭傾談一陣，便出發到多間吉舖視察環境。記者所見，Bosco主攻約一千餘呎舖位，熱愛煮食的他希望「蠔吧」餐廳的餐牌都要由他設計，所以餐廳最好另闢工作室，方便他長時間在店內幕後親政，所以面積、間格都很有要求。最後一行人巡視超過7個舖位後，便在一間餐廳落腳密密斟，約個多小時後，Bosco坐著他新買的平治返家，煮飯給媽媽食作為當廚神「熱身」。

共商大計 Bosco在餐廳小休，與友人交換意見。	目標卑利街 Bosco在店舖外徘徊良久，擺明對此舖甚有好感。	浩浩蕩蕩 黃宗澤一行數人四出巡舖，相當大陣仗。

• 深入視察
  
  有些吉舖爛溶溶，不過Bosco仍深入了解，事事親力親為。

方便朋友落腳

正身在杭州工作的Bosco，對於在蘇豪區開「蠔吧」一事，顯得滿肚密圈，並透露首次在香港投資飲食其實是一項高風險生意，但為了一圓兒時心願，不惜一博：「我有幾個朋友都係搞飲食，又可以攞到酒牌，所以我今次想開『蠔吧』，等一班鍾意食蠔嘅朋友有一個落腳地，大家可以聚嚇。（心水舖有幾大？）一千呎左右我會易handle啲，因為我都會落手落腳，又想設計埋菜單，我志願係做廚師，所以我會盡量參與。（擺花街有古巨基開舖頭喎！）擺花街舖位我都想搵，但最近冇舖，又好貴租，要諗諗……乜基仔喺嗰度開咩？（打造明星區？）又冇咁諗，最緊要搵到啱心水位置，因為飲食生意最重要係位置。」

文：影視組

上一則

下一則

.黃宗澤掟300萬蠔入中環
http://hittt.blogspot.com/2013/04/300_13.html