《On Call 36小時Ⅱ》楊怡心情大好 街頭拖實馬國明
前晚，馬國明同楊怡在上環必列者士街為《On Call 36小時Ⅱ》拍外景，劇情講述張一健拖實老婆魚仔過馬路再上車，而女方要表現出想喊想喊，一臉淒涼豬的情緒，拍慣苦情戲的楊怡當然輕鬆應付。埋位，轉場，補妝，街坊求合照，對劇本，兩位On Call男女主角整晚Circle式做出以上動作，Feel到那陣悶味，幸好記者往探班，令發呆中的楊怡立即神采飛揚，望著鏡頭再加揮手無敵Hi Bye，精神曬。
當晚，這對劇中夫婦表現自然，拍攝好順利，兩人見到記者聞風而至並無眼厲厲，而被涼風吹住，有點睡意的楊怡更突然精靈，望著鏡頭微笑。導演嗌埋位，馬明情深款款的望實楊怡，五秒後，楊怡忍唔住擰轉面笑，又難怪嘅，大家睇嚇馬明個樣先啦。
馬明拖實楊怡過馬路，男的開心女的冧，幾Take完事。
情深馬明唔係人人頂得順，楊怡第一個投降。
男人老狗的馬明在補妝中，而楊怡則不斷跟記者揮手。
.《On Call 36小時Ⅱ》楊怡心情大好 街頭拖實馬國明
http://hittt.blogspot.com/2013/04/on-call-36.html
