搜尋此網誌

2013年4月2日星期二

麥玲玲簽TVB想咀黎耀祥 拍曾志偉監製新劇




麥玲玲簽TVB想咀黎耀祥 拍曾志偉監製新劇

      

好多電視觀眾成日都話無綫套套劇都係嗰班花旦、小生,加上王維基嘅香港電視遲早殺到嚟,無綫都要搵多啲唔同嘅面孔拍劇,既有新鮮感又可以箍實班藝人唔益王維基,好似曾志偉6月底監製嘅女人劇,開始籌備,女主角就想搵葉玉卿,旁邊嘅卡士都想特別啲,就連堪輿學家麥玲玲都唔放過,想搵佢演出一角。

其實麥玲玲師傅都經常拍邵氏電影,喺《抱抱俏佳人》中仲做過林峯阿媽,不過拍劇就係第一次,問麥玲玲係咪會拍呢個劇,噚日佢笑曬話:「多謝樂小姐(樂易玲)幫我遞咗名上去,要試鏡o架?,唔知合唔合格o架!」係咪好有興趣試嚇拍劇呢?麥玲玲笑得更加開心話:「我見阮小儀之前拍《情人眼裏高一D》都有得同黃宗澤拍咀戲,咁好員工福利,梗係想試嚇啦!其實做乜嘢角色都冇所謂,只希望有條愛情線囉。」



■三屆視帝黎耀祥同事業線強勁嘅堪輿大師麥玲玲拍咀戲,場面肯定震撼!設計圖片

抗拒拍姦戲

嘩,無綫咁多靚仔小生,有得揀嘅話,麥玲玲會揀邊個同佢談情、拍咀戲呢?佢笑笑口話:「陳豪、馬國明……就唔好喇,費事俾觀眾鬧啦,同黎耀祥拍啦,我同佢太太熟嘛。」麥玲玲同黎耀祥拍咀戲,都應該會幾搞笑。



■甚少拍咀戲嘅祥仔要獻吻,唔知祥嫂會唔會監場呢?



■小儀拍劇有得咀黃宗澤咁好福利,搞到麥玲玲心鬱鬱。劇照

平日麥玲玲出鏡都幾性感,唔介意騷事業線,咁拍劇性感得唔得先?會有乜嘢底線呢?佢笑住話:「性感就唔介意,不過強姦戲就唔好喇!」麥玲玲咁搞笑,拍笑戲最適合不過。



.麥玲玲簽TVB想咀黎耀祥 拍曾志偉監製新劇
http://hittt.blogspot.com/2013/04/tvb.html
Related Posts Plugin for WordPress, Blogger...