放假回氣嘅偉仔頭唔 gel鬚唔剃，比起出席公開場合例必上行妝嘅劉嘉玲， hea好多。
同你吟一吟
朝偉停工回氣
用咗十三年時間籌備，由開鏡到後期製作，其間不停補戲，前後計拍咗接近四年嘅《一代宗師》男主角梁朝偉，聲言要放假一年回氣休息。
星期日（五日），老拍檔王家衞獲法國政府派出外長（ Laurent Fabius），親手頒發藝術及文學司令勳章，戲可以唔接，面唔可以唔俾嘅梁朝偉，同張震齊齊到現場贈興。
休息咗幾個月，唔 gel頭又唔剃鬚嘅朝偉望落肥咗少少，梁太劉嘉玲上星期二（四月三十日）出席珠寶品牌活動，都話老公休息日日匿埋屋企做宅男，學電腦，就算出街都係去行超市，完全唔會覺得悶。
梁生梁太，一靜一動，一凹一凸，啱啱好。
. 朝偉停工回氣
http://hot104.blogspot.com/2013/05/blog-post_7732.html. 朝偉停工回氣
http://hittt.blogspot.com/2013/05/blog-post_9409.html
