搜尋此網誌

2013年5月8日星期三

食飽上路 禁區獨家專訪 倫敦同屋冇偈傾 超雲山聰最後晚餐




4/5曬黑曬

去完葡萄牙曬得一身古銅膚色嘅陳山聰,返港面對傳媒不但冇黑面,反而仲笑笑口,不過答案就來來去去得兩句。

我日日都咁開心!

真面目

食飽上路 禁區獨家專訪 倫敦同屋冇偈傾 超雲山聰最後晚餐

賭王三房大千金何超雲自從 4月初上載一張書夾拗出變形心,並寫上「 Love=Money」,自爆跟陳山聰分手後,一直留在英國倫敦療情傷。而為箍煲,山聰不惜盡地一煲,飛撲到當地死超雲。可惜上週六( 4日)陳山聰獨自返港,而超雲亦校啱時間,於「好朋友」陳山聰登機後兩小時在 facebook宣布單身。

本英國時間 5月 2日晚上,即陳山聰登機返港前一晚,於超雲位於倫敦市中心的豪宅,發現二人在屋內表現疏離,二人在廚房內共晉 40分鐘「最後晚餐」後,超雲先返客廳睇電視,而山聰則留守廚房洗碗。三星期箍煲之旅,失敗而回。

上月初超雲突然在微博說到「 Love=Money」,即令人聯想到山聰和超雲出現感情問題,更有報道指山聰曾爆粗鬧超雲而導致分手。

能屈能伸

過去兩年食慣住慣好嘢,打回原形嘅陳山聰上週返港坐特選經濟客位亦冇問題,食得瞓得。

靠自己

單拖現身機場,山聰自己搬行李時表現吃力,攞完仲要睇清楚行李牌,佢話費事攞錯人哋喎!

葡國箍煲

上年二人孖住遊葡萄牙相當甜蜜,據知上月山聰到英國後隨即同超雲重遊葡萄牙想重修舊好,可惜最終失敗。

小聰子洗大餅

「失戀」、「失財」、「失業」、「失形象」,「四失」山聰於上月 12日飛往英國死𦧲超雲補鑊。山聰除咗做牛做馬,二人更重遊舊地葡萄牙重拾甜蜜回憶。

遊完葡萄牙,二人返回超雲位於倫敦市中心家中。本刊記者於當地時間 5月 1日開始守候都未見二人外出,其間只見一名女友人上門探訪。

2日晚上約 9時,超雲家亮起燈,才見山聰於窗前行過,一時攞水飲,一時攞生果,半小時後,山聰再次走入廚房,而這次超雲緊隨其後,身穿吊帶背心的超雲先在窗邊食提子,再坐底與山聰共晉晚餐。跟熱戀期間不同的是,二人表現生疏,除了沒有攬頭攬頸,記者更看不見二人有偈傾。

約 40分鐘後,超雲先離開廚房返回大廳,而山聰繼續留守廚房,估計負責洗碗,約 10分鐘後至關燈離開廚房。

2/59:30pm

山聰和超雲先後進入廚房搵嘢食,而超雲就對住個窗食提子。

10:16pm

當正自己屋企一樣,山聰不時行出行入,大爺咁款。

10:10pm

飯後山聰似乎要負責洗碗,手舞足蹈,遲超雲 10分鐘至行出廳。

超雲黑人司機送佛送到西,陪山聰去希斯路機場國泰櫃位 check-in,再陪佢行去入閘,仲要望實佢直到望唔到為止,好盡責。

Check-in完,山聰入咗名店 Bally買銀包,睇嚟山聰財政狀況唔係傳聞咁差喎!

里數換經濟位

翌日( 3日)晚上,山聰在超雲的黑人司機陪同下現身倫敦希思路機場,二人前往國泰櫃位辦理登機手續,據知山聰今次要自費機票,所以他用以往同超雲遊埠得到的里數,換取「特選經濟客位」機票,座位比普通經濟位略闊,唔使屈住咁辛苦。

冇超雲在身邊,山聰仍顯得容光煥發。入閘後由於不能享用貴賓候機室,山聰惟有走入名店掃貴價銀包,直到最後召集才急急腳登機。航班機程約 11小時,坐窗口位的陳山聰雙眼不時四圍𥄫以防有人偷影,不過飛機關燈後,服侍超雲 3星期的山聰始終身心疲累,乖乖瞓覺。

飛機於週六( 4日)下午到港,山聰一馬當先落機,入境後更以極速走入洗手間整理頭髮。山聰面對於洗手間門外守候的本刊記者並不意外,更於禁區範圍大方受訪。

F:《 FACE》 陳:陳山聰

F:用咩方法氹番掂超雲?

陳:感情嘅事唔回應,多謝大家。

F:但係今日有報道話你哋又散咗喎?

陳:每日都有唔同故仔同報道啦,唔回應喇……真係冇嘢講!

F:咁幾時返 TVB拍劇呀?

陳:未有呢個……不過喺呢度要多謝樂小姐(樂易玲)同添哥(李添勝)。

F:添哥寸你喎!(李添勝曾說他最適合沙塵、騎呢角色)

陳:我唔覺得……唔知喎!不過我覺得添哥不嬲都好支持我嘅。如果有用得着我嘅地方,隨時打畀我,我都會考慮吓。

F:仲要考慮?

陳:係呀!

F:做咩丟低超雲自己返嚟先?

陳:我有嘢要做。

F:做咩?拍劇?

陳:我拍劇你哋實知啦,不過唔係,係唔關娛樂圈事嘅……不過都唔係你哋之前話同超雲夾份搞男裝嗰啲。總之𠵱家未講得住。

打回原形

由英國返港,山聰坐好友周文曦私家車返九龍灣居屋麗晶花園寓所,截至本週一( 6日)截稿前仍未蒲頭。

好友密斟

山聰臨過英國搵超雲前,搵咗唯一老友郭政鴻出嚟密斟,見兩個鬼鬼祟祟咁,唔通真係撲水?《蘋果日報》圖片

巨星返居屋

雖然不再出入港島區半山豪宅,山聰要踎番九龍灣居屋麗晶花園,但全程戴住黑超嘅佢一樣笑曬口,好有巨星 feel。

山聰(後排右一)因為恃住自己入硬何家而推 TVB劇,又唔肯去《天梯》宣傳,得罪監製李添勝,添哥寸爆山聰:「佢做騎呢角色一定冇問題,不過未有合適劇本畀佢。」《蘋果日報》圖片

搣甩肥山聰

陳山聰對記者提問有問有答,有講有笑,心情勁靚。記者指他心情開心,山聰話:「我不嬲都好開心㗎!」記者指早前他曾為情而唔開心,山聰即話:「我邊有唔開心?我日日都咁開心!」之後記者讚他 fit咗,山聰即以得戚樣望一望記者。

陳山聰心情完全唔似剛失戀,不過將於本週三( 8日)返港的超雲卻將分手宣言夾啱時間放上網。二人堅分手定轉地下情?相信喺最後晚餐時傾掂數囉!

不再連體

曾經愛到連體嬰一樣,今日女方高調宣示單身,最難得係啲相喺微博仲未被剷走!山聰得閒都可以回味吓!

三太面燶

上週六( 4日)三太到灣仔福臨門午膳時被記者追問山聰超雲分手,即時面燶燶。《蘋果日報》圖片

四太陰笑

週一( 6日)四太突然在機場現身,對超雲和山聰分手傳聞,四太只陰陰笑,冇回應。

箍足一個月

由陳山聰追何超雲,到拍拖、鬧分手,二人似在上演一齣華麗的大龍鳳。上月初超雲先在微博發功鬧分手,及後陳山聰即飛撲往英國箍煲。成功與否都好,享用曬靚景、靚衫,所有都係上等享受時,唔怪得返到香港山聰都係笑到見牙唔見眼啦。

超雲位於倫敦的 apartment,地點位於市中心,購物相當方便。

4/5

於山聰登機後兩小時,超雲在互聯網上公開一段極度維護山聰的感受,同時亦在 fb中的戀愛狀態,由與 Joel Chan交往,轉為單身。

14/4

在微博上話自己超嚴重的食物中毒,山聰乘機飛過英國獻殷勤,更有週刊在英國影到山聰陪超雲外出睇醫生兼做外賣仔。

8/4

呢頭話要分開,嗰頭已經飛到英國散心,同行仲有好友 Vincent及黑人保鑣陪住。

5/4山聰發功

山聰在 Instagram分享圖片,據知此「 28」係紀念二人拍拖 28個月時的紋身圖案。

3/4

上載「 Love=Money」及扭曲心形萬字夾照片,網民不其然地聯想到二人為錢掟煲。後來超雲加多一張抱住愛犬小吉相寫到:「小吉,我們要分開了」擺明暗示同山聰分手。

三房求戀期

超雲戀事多,而佢細妹超蓮同細佬猷啟都唔弱。近日就爆出嬌滴滴嘅超蓮因呷醋而在網上爆粗,而細佬猷啟仲被傳出 gay聞。

有指吳克羣因為包場請台灣性感女星徐若瑄(小圖)睇《 Iron Man 3》而令超蓮呷醋,因此在網上大曬粗口冷帽,事後超蓮解釋說:「請給我們交朋友的空間,因為說穿了我們都只是個平凡人而已。」

而細佬猷啟長期都在 Instagram貼上與男友人的照片,因而被誤傳係 gay!搞到佢急急回應:「天呀,怎麼會被當基了,原來跟兄弟感情好就是基,看來以後只能跟女生做朋友了。」事後家姐超蓮仲踢爆猷啟其實有勁多女朋友添!



. 食飽上路 禁區獨家專訪 倫敦同屋冇偈傾 超雲山聰最後晚餐
http://hot104.blogspot.com/2013/05/blog-post_6105.html
. 食飽上路 禁區獨家專訪 倫敦同屋冇偈傾 超雲山聰最後晚餐
http://hittt.blogspot.com/2013/05/blog-post_7693.html
Related Posts Plugin for WordPress, Blogger...