搜尋此網誌

2013年5月22日星期三

嫁得出 急訂酒席 凸肚滕麗名豪嫁 Canon高層




10/5肚凸出巡

近期開始為婚事籌備的滕麗名前週五( 10日)同朋友外出 high tea,當日所見滕麗名肚凸凸,唔通太開心發福?

真面目

嫁得出 急訂酒席 凸肚滕麗名豪嫁 Canon高層

37歲滕麗名自 06年被魏俊傑狠飛, 3年後又被郭政鴻瞞住有老婆兼有 B發展婚外情,連環重創仍然繼續衝, 11年搭上已有女友的 Canon高層朱建昆( Matthew),寧做小三都要有愛情。

情場上跌倒多次,滕麗名去年連 TVB都唔撈專心陪男友,終於成功踢走正印,男友 Matthew更於今年初求婚成功,二人最近急搵酒店打算豪擺 40圍,讓滕麗名趕喺年底擺酒結婚做朱太!今鋪守得雲開咯!

初遊外地

11年 8月啱啱撻着,滕麗名即孖實 Matthew出外旅行,當時滕麗名都未知自己係小三。

在情場上打滾多年都係得個桔的滕麗名,自 11年搭上 Canon高層朱建昆後,滕麗名不惜拒跟無綫續約箍實男友,終於成功踢走正印坐正,今年初 Matthew仲趁二人拍拖兩周年紀念日時向滕麗名求婚,恨嫁恨到出面的滕麗名當然一口答應。

嬲完氹番

由李思捷和郭晉安做男主角的《熟男有惑》將於 6月播出,呢套隨時係滕麗名(右)嘅最後作品。《蘋果日報》圖片

「舊年 Matthew原來有正印單嘢揚咗之後,阿滕都好 sad,仲講到聲大大話唔會再同 Matthew翻撻,不過佢真係好鍾意 Matthew,所以俾 Matthew氹兩氹就一齊番。之後阿滕見過鬼怕黑,近兩年決心學做煮飯婆,𠵱家真係出得廳堂入得廚房, Matthew覺得一個明星仔都甘於做佢煮飯婆,今年 2月嗰時仲求埋婚,叫對阿滕有個交代囉!」阿滕身邊密友透露。

自 11年搭上 Matthew後,滕麗名已開始部署學做人妻,去年初滕麗名正為新劇《熟男有惑》開工,拍畢後樂易玲即搵滕麗名傾續約,可惜滕麗名去意已決,為做人妻,決心離開效力 18年的無綫。

趕 12月嫁

年初滕麗名應承嫁 Matthew,即埋首搞婚事。據知二人對九龍區的洲際酒店和 W酒店情有獨鍾,而日期首選為 12月。「 Matthew話交曬畀阿滕搞,又話結婚預咗要使錢,所以無限 budget,阿滕想快快趣趣今年內搞曬,不過佢都知酒店啲期好 full,如果訂唔到,想喺下年生日嗰日( 1月 20日),想喜慶啲喎!」近年除了專心做煮飯婆,一有時間二人都會去旅行,日本、澳洲、峇里等等都去過。據知 Matthew最鍾意和滕麗名享受沙灘樂,所以影結婚相的地點二人都會選於陽光海灘勝地。

前週四及五( 9、 10日),本刊便發現肚仔微凸的滕麗名約埋好友 high tea,而男友 Matthew則繼續返工忙搵錢。本刊上週五( 17日)嘗試與滕麗名聯絡,惟至截稿前仍直飛留言信箱。千辛萬苦終於覓得有情郎,恭喜曬!

飯聚 Hyper

與友人喺西貢 high tea,滕麗名傾到眉飛色舞,喜事近真係人都精神啲。

男友發福

近年滕麗名晚晚做煮飯婆煮飯畀 Matthew食,唔怪得 Matthew肥曬啦!

埋堆煲煙

Matthew放工後冇再四圍蒲、冇女圍,只係同班男同事圍埋煲煙啫!滕麗名放心曬啦!

百萬出嫁

滕麗名同 Matthew都屬意九龍區擺酒, W酒店同埋洲際已經係呢區最 top酒店,二揀一,滕麗名今次咪再揀錯呀!

位於九龍柯士甸道西 1號的 W酒店,一圍都要萬六蚊,雖然阿滕鍾情 W酒店裝潢,可惜 ballroom太細,最多只擺到 20圍,滕麗名一心要搞大佢,可擺 40圍的香港洲際酒店自然成為首選, 40圍唔係問題,而且近年仲有無翅婚宴,萬八蚊一圍,計埋酒水、服務費, 130萬應該有找。再唔係可以搵錢嘉樂和湯盈盈問吓意見,話曬人哋啱啱至喺洲際擺完 56圍之嘛!

首選洲際(香港洲際酒店)

次選 W酒店(W酒店)

靠入廚踢正印

11年滕麗名經友人介紹認識朱建昆( Matthew),個多月後二人即打得火熱,仲出埠拍拖好恩愛。可惜年尾即爆出 Matthew早有正印女友,而滕麗名係小三介入,當時滕麗名曾割愛主動分手,不過 Matthew施加冧功氹番掂。滕麗名經好友相勸學入廚,經過半年時間成功踢走正印綁實 Matthew。所以話,女人幾時都要入得廚房、出得廳堂!

11年搭上 Matthew,同年即被傳媒踢爆與正印夜蒲激咀曝光,滕麗名一度與 Matthew分手。圖片

圖片



. 嫁得出 急訂酒席 凸肚滕麗名豪嫁 Canon高層
http://hot104.blogspot.com/2013/05/canon.html
. 嫁得出 急訂酒席 凸肚滕麗名豪嫁 Canon高層
http://hittt.blogspot.com/2013/05/canon.html
Related Posts Plugin for WordPress, Blogger...