滾熱辣
風流老豆私竇藏熟女 何韻詩護短拒回應
2012年11月02日
最近一年，何韻詩動作多多，舞台劇《賈寶玉》巡迴大陸演出，就連王晶拍新版《古惑仔》，亦找她代替吳君如做話事人「十三妹」，進賬甚豐。何韻詩父親何德星（圈中人稱為菇爹）憑住女兒吃得開，和陳奕迅、梁漢文等圈中人相熟，更開娛樂公司大展拳腳。
不過菇爹開公司，原來志在黐模攬腰合照及介紹飯局（記者放蛇錄音，網上有得聽）。記者連日追蹤，發現他攬模之餘，一星期更三晚上尖沙嘴私竇，密會一名年約四十的熟女，到深夜才返家陪正印。難得的是何韻詩對人老心不老的父親撐到底，而何母亦對老公風流隻眼開隻眼閉。
年約 65歲的菇爹(何韻詩父親何德星)，退休前在拔萃男書院教美術科，近年開設了一間名為「華碩」的娛樂製作公司，自此他不時出席娛圈活動。他的公司未見成績，反而去年試過被雜誌拍到她當街攬女，人老心不老。事後記者問何韻詩，她以笑遮醜：「阿媽睇到照片不停笑，仲話：『抵死！』我睇完就覺得好平常，佢日日都咁做！」
個女及老婆睇得開，菇爹當然有恃無恐，本刊發現開娛樂公司的他，不時出席活動攬模合照之餘，原來還主動出擊，聲稱識不少老細，可以為模安排飯局。除了愛黐模，記者更發現菇爹在尖沙嘴有一私竇，與一熟女關係非比尋常。
記者連日跟蹤，發現他一星期有三晚都在諾士佛臺一個住宅逗留至深夜。 9月 26、 27日兩晚，菇爹都是出席完活動，然後撇下朋友，獨個兒去私竇。他逗留約兩小時，至深夜時分才返回窩打老道寓所交人。
鬼祟前後腳出入
9月 29日中秋節前夕，菇爹傍晚再到諾士佛臺私竇，逗留數十分鐘後，他與一對疑似母女前後腳步出大廈，雙方一直保持約一米的距離，齊齊步向天文台道。步行期間該對母女一直有傾有講，但與菇爹沒有任何交流。但當三人去到一間日式食肆後，母女兩人突然與菇爹會合坐到餐廳同枱晚飯。
用膳時，三人十分避忌，大家都刻意壓低聲調說話，恍如黐頭芒。晚膳完後，菇爹稍為放下戒心，行經地產公司時與該對疑似母女交談了幾句，然後又再保持距離返回諾士佛臺私竇。記者到該大廈採訪，有住客爆料︰「呢家人平時招呼都唔打。個男人（指菇爹）我認得，間唔中都見到佢出入。」
何太：唔好再遞俾我睇！
10月 21日，本刊就菇爹私竇會熟女一事向何韻詩媽咪求證。記者道明來意，何母狀甚驚慌。記者把其夫與熟女的照片遞給她看時，她不耐煩撥開：「唔好再遞俾我睇，佢（菇爹） 嘅嘢我唔答！」然後便衝上的士離開。
翌日，記者在私竇門外，向該名熟女詢問她與菇爹的關係時，熟女與疑似女兒全程頭耷耷，不發一言。兩人更慌忙入，又叫保安員趕記者離開。
至於何韻詩，本刊曾多次致電她，電話不是飛到留言信箱，就是一聽就掛斷，似乎刻意避開記者。
借何韻詩個名搵食
其實，人老心不老的菇爹，除了私竇會女，更愛黐模。有模 Mandy（化名）報料，指 9月初在蘭桂坊夜場 Magnum首次見到菇爹，當時他主動走到她面前，遞上卡片，指自己開娛樂公司，更自稱認識不少富豪，可為她搭路約飯局。她憶述︰「佢（菇爹）一行埋嚟就猛讚我靚女，又話可以幫我接 job，講講下仲話自己識好多有錢仔，可以先出 嚟飯局， 啱就可以包我。我初時唔知佢係邊個，咪用懷疑眼光望嚇佢囉，佢即刻話自己係何韻詩老豆，仲話唔係老點 㖭！當時我 say no嘅，佢仲好冇癮行開 咗！」
9月 26日及 27日，記者發現菇爹出席活動時，不停利用製作公司老闆身份與 𡃁模交換手機號碼。當模指不認識他時，他就會落嘴頭話自己係何韻詩爸爸，等 𡃁模放下戒心。
「其實佢間公司根本冇 job，間 office都係借人 哋間會計師樓 嘅地址。阿詩同佢阿媽都知咩事，不過佢哋隻眼開隻眼閉啫！」知情者說。
曾經為人師表 嘅菇爹，背妻私竇會熟女已經唔啱，仲借「何韻詩爸爸」之名搵食，更加唔要得。難得事發後，愛女何韻詩更在微博死撐及鬧記者，而何母黎小珍則與菇爹上演恩愛騷企圖消毒，唔怪得菇爹依然一臉得戚！
專黐明星
菇爹與不少圈中明星相熟，梁漢文、陳奕迅見到他，都攬頭攬髻。
菇爹本來與劉浩龍相熟，不過自從知道師兄和容祖兒相戀後，菇爹在微博鬧爆師兄。周三（ 31日）本刊問師兄知否菇爹開製作公司時，他亦借故避開拒答。
介紹 𡃁模去飯局
錄音鐵證
本刊在模 Mandy（化名）同意之下，以其身份致電給菇爹求證事實真相，菇爹亦講到明可以代 Mandy向他的朋友（老細）問價，以下為電話內容節錄。
記：記者何：菇爹
記：喂，菇爹，記唔記得我呀，我係 Mandy（化名）。上次喺中環 Magnum你問我攞電話嗰個呀！
何：嗰晚我拎咗咁多女仔電話，一時搞唔清邊個 Mandy，不過你講啦。
記：上次你叫我陪老細嗰個呢。我呢排等錢使，有冇人介紹俾我？
何：（大笑）係咩？ OK！咁你想點，我聽你講先。
記：你上次問我嗰時我話 No，但呢排我真係等錢使，仲有原來我啲朋友都有試過陪老細，都搵到錢。
何：其實呢單嘢我都係同人哋問 嘅啫。 OK？我要搵番嗰個人同佢傾一傾，我睇嚇點樣，或者直接同你傾囉。
