娛聞樂
爆羅霖夾亞姐陪政協 黎燕珊寸爆：公道自在人心
2012年11月02日
黎燕珊與羅霖不和愈鬧愈大，上周六（ 27日），兩人再在亞姐活動碰頭，台下互當透明，要公關拉攏才交戲合照。
其實冰封三尺，非一日之寒。身為會長的黎燕珊，有感做主席的羅霖掛住北上應酬，對會中事務闊佬懶理。而惡化的導火線是十月初「仁美清醌」往黑龍江探訪學校時，羅霖竟頻頻安排亞姐陪當地高官及政協飯局，事後一班亞姐向黎燕珊投訴，兩人因而吵大鑊。求證兩人，黎燕珊寸爆：「公道自在人心。」而羅霖反駁：「只有一個人講。」兩人勢成水火。
黎燕珊與羅霖分別是「仁美清敍」的會長及主席，三年前與其他亞姐一起重組「仁美清敍」，利用自己的人脈關係為慈善出力。不過據知羅霖近年經常北上陪富二代及應酬高官，對會中事務愛理不理。
本周五（ 2日）的亞姐籌款晚宴，各亞姐早在半年前已四出搵贊助籌款，但作為主席的羅霖至今只籌得六萬元，反而會長黎燕珊則籌到接近一百萬。交遊廣闊的羅霖，被質疑冇出力。
更甚者，是亞姐們不滿有人假公濟私，利用慈善為名搞應酬飯局，藉此為自己與高官及政協打關係。「十月，羅霖安排往黑龍江探訪學校，同行有十幾個亞姐。出發前，已經有人話要求今次探訪 嘅亞姐要後生，最好係冠軍。四日三夜行程，每日午餐同晚餐，隨團亞姐都無情情要陪官員同政協食飯，搞到 啲師妹都驚 咗，覺得自己好似陪客。」知情者透露。
師妹認應酬多
對於黑龍江探訪時不停有飯局應酬，有份出席的韓燕（ 06年季軍）直認其事：「係，每日都有。不過我提早一日走，唔知道最後安排係點。」至於身兼公關的陳筱靖（ 07年 12強）亦承認：「行程好忙，當地政協日日招待我哋午餐同晚餐，最後 嗰日我病咗冇去 嘞。黑龍江 嗰次同其他探訪活動唔同，要同官員食飯，又要準備好多靚衫。」問到是否羅霖要求？陳筱靖說︰「我都係睇個會 嘅 email。（係咪要求出席嘅亞姐要後生同冠軍？）秘書係有講過。不過，大家都知所有活動都歡迎會員參加。」韓燕與陳筱靖都不約而同缺席晚宴，似乎兩人都「身心俱疲」！
王征做和事老
事後黎燕珊接到其他亞姐投訴，她亦私下勸喻羅霖，兩人的嫌隙更深。為免家醜外傳，亞視執行董事兼高級顧問王征早前亦「出手幹預」擺和頭酒，不過黎燕珊一直以「忙碌」為由，決與羅霖劃清界線。
問到黑龍江慈善活動，變安排飯局，羅霖就辯稱：「我負責黑龍江探訪，因為係香港黑龍江經濟促進會及當地政府贊助機票及酒店，所以一齊出發探訪。（有人投訴好多應酬飯局？）其實只有一個人講，我唔想開名。當時冇投訴，冇理由返嚟至講，大部分亞姐都開心，仲話我安排得好好。（事後有冇同黎燕珊因為呢件事嘈過？）當時冇，背後有人講就唔知啦。」
問到有亞姐投訴喺黑龍江要陪政協食飯，黎燕珊寸爆：「公道自在人心，其他唔講 嘞。至於林建名先生贊助嗰廿萬，係我搵番 嚟，佢好爽快應承。(王征係咪做和事老？）葉家寶（亞視高級副總裁）有講過王征想約我哋出來食飯，不過我真係好忙，遲嚇先算啦！」
撐黎派
韓燕及陳筱靖都認要陪政協飯局，仲爆要著靚衫應酬。
抽水派
因露點被逐出「仁美清敍」的宮雪花加入戰圈，插爆羅霖及黎燕珊。
撐羅派
副主席黎淑賢乃羅霖好姊妹，周六她出席記招時，指「仁美清敍」的電郵混亂，矛頭指向黎燕珊。
王征做和事老
事後黎燕珊接到其他亞姐投訴，她亦私下勸喻羅霖，兩人的嫌隙更深。為免家醜外傳，亞視執行董事兼高級顧問王征早前亦「出手幹預」擺和頭酒，不過黎燕珊一直以「忙碌」為由，決與羅霖劃清界線。
問到黑龍江慈善活動，變安排飯局，羅霖就辯稱：「我負責黑龍江探訪，因為係香港黑龍江經濟促進會及當地政府贊助機票及酒店，所以一齊出發探訪。（有人投訴好多應酬飯局？）其實只有一個人講，我唔想開名。當時冇投訴，冇理由返嚟至講，大部分亞姐都開心，仲話我安排得好好。（事後有冇同黎燕珊因為呢件事嘈過？）當時冇，背後有人講就唔知啦。」
問到有亞姐投訴喺黑龍江要陪政協食飯，黎燕珊寸爆：「公道自在人心，其他唔講 嘞。至於林建名先生贊助嗰廿萬，係我搵番 嚟，佢好爽快應承。(王征係咪做和事老？）葉家寶（亞視高級副總裁）有講過王征想約我哋出來食飯，不過我真係好忙，遲嚇先算啦！
微博掀罵戰
早前黎燕珊因為被捲入羅霖分居的是非，在微博上呻，不料竟惹來一班羅霖 fans圍插。不過黎燕珊都有不少網民力撐，當中亦包括許瑩等亞姐留言支持。
