娛聞樂
《東張》女主持狂追 蕭正楠斬纜爭飛躍
2012年11月02日
踏入 11月，無 綫台慶爭獎亦進入白熱化。除了視帝視後，「飛躍進步獎」也爭崩頭，當中「男飛躍獎」以蕭正楠及梁烈唯呼聲最高，而「女飛躍獎」則是苟芸慧與岑麗香之爭。
不過早前蕭正楠因為炒車，被揭與《東張西望》主持何傲芝拍拖，據知事件爆出後，蕭正楠即被高層照肺。甚得曾勵珍及樂易玲撐腰的他，被勸喻「事業為重」，由於爭獎如箭在弦，為保事業，蕭正楠決定斬纜。難為追他差不多一年的何傲芝，戀情即時見光死！
蕭正楠早前發生交通意外，被揭與同車的何傲芝交往中。其實兩人早於去年在朱凱婷的婚禮上認識，而且更是女追男。「阿芝喺婚宴上初次見面已經好主動問 Edwin（蕭正楠）攞電話。之後佢藉口幫 Edwin整電話，見面多咗，兩個人就熟 咗。初時一班人約埋玩，但個女仔好黐身，所以男方 嘅朋友都唔多鍾意佢。而 Edwin劇接劇冇停過，又成日返大陸登台，佢 哋其實好少機會二人世界，感情只係 啱 啱開始。不過近排 Edwin出嚟，都唔見到阿芝咯。」知情者說。
兩巨頭力撐
蕭正楠與何傲芝戀情曝光後，男方即被 TVB高層照肺，令他不得不即時斬纜。
無 綫小生買少見少，繼林峯、黃宗澤及陳豪後，蕭正楠最有潛質被捧上一線，無 綫更鋪好路，令他成為「男飛躍」大熱。「珍姐（曾勵珍）俾好多機會 Edwin，連主題曲都俾佢唱。樂小姐亦好錫佢，人前人後讚佢專心拍劇。佢今年套套劇嘅角色都好有發揮。」知情者說。
蕭正楠在無 綫捱了多年，今年才開始上位，一劇接一劇，今年播完《當旺爸爸》及《天梯》，接住播《大太監》。依家拍緊《巨輪》，明年又接住拍《巾幗梟雄 3》，檔期排到明年 6月，連剛拍畢的《神探哥倫布》主題曲也落實由他主唱。至於今年另一「男飛躍獎」大熱梁烈唯，乃梁家樹愛將，同樣呼聲甚高，不過他最出位的《缺宅男女》「關二哥」角色，由於是年初播， timing蝕。
承認事業行先
對於「男飛躍」被看高一線，蕭正楠話：「平常心啦，阿媽同支持我十年 嘅 fans就緊張啲。」談到珍姐及樂小姐撐腰，他賣口乖說：「真係多謝佢 哋！珍姐俾好多機會我，我都曾經講過做珍姐愛將好過攞獎。四年前係樂小姐簽我返 TVB嘅，佢知我係屋企經濟支柱，俾 咗個非常好 嘅 offer我。」
至於為事業棄愛情，蕭正楠話：「我一向都係工作為先，做男人要有嘢（指事業） 喺手先有安全感。以前 喺北京試過冇事業但有女友陪， 嗰種感覺唔好。（是否與何傲芝斬纜？）我同佢係好朋友，佢成日幫我，大家啱傾 啫。」
看來蕭正楠為了事業，惟有暫時放低男女私情。
男女飛躍鬥一番
除蕭正楠外，梁烈唯、王浩信、羅仲謙各有賣點。雖然近日傳出黎芷珊是「飛躍進步女藝人」的大熱人選，但論年資輩份，她早已是阿姐級人馬，照計仍是苟芸慧及岑麗香兩大宅男女神秤先啲。
蕭正楠
曾勵珍及樂易玲兩大高層力撐，在《當旺爸爸》演活戇直搞笑的葉貴。
●代表作：《當旺爸爸》、《天梯》、《大太監》
攞獎指數： 80%
梁烈唯
有梁家樹力撐，在《飛虎》騷肌掂，在《缺宅男女》做懦弱關二哥又得。
●代表作：《缺宅男女》、《飛虎》、《大太監》
75%
羅仲謙
憑《當旺爸爸》入屋，不過因為與楊怡的「車震」事件，形象有所影響。
●代表作：《當旺爸爸》、《 On Call 36小時》、《缺宅男女》、《飛虎》
60%
王浩信
今年曝光率高，在《換樂無窮》飾演有錢老公，較令人有印象。
●代表作：《飛虎》、《名媛望族》、《換樂無窮》
50%
苟芸慧
樣靚身材正，在《怒火街頭 2》的情深演出，完全 KO女主角胡杏兒。投票時必定有大量宅男支持。
●代表作：《怒火街頭 2》
攞獎指數： 80%
岑麗香
另一宅男之選，在《巴不得媽媽》不時有性感演出，電力十足。《巴》劇早前至播完， timing有優勢。
●代表作：《巴不得媽媽》
70%
黃智雯
實力派，今年多套作品都熱播，「關二嫂」惡女形象深入民心。
●代表作：《 On Call 36小時》、《缺宅男女》、《飛虎》
65%
高海寧
一向以 34E身材為賣點的高 Ling，在《天梯》演出三姨太備受讚賞，被指「姣」得來有演技。
●代表作：《天梯》
55%
